البنات والمراكز التجارية

لمّا بيروح الواحد حق أي من المراكز المنتشرة في الدولة ...يشوف مشاهد غريبة وعجيبة ولا معظم هذي المشاهد والتصرفات متكررة وشايفينها خمسين الف مرة جنها حلقات لمسلسل في رمضان تعرضه كل القنوات في نفس الوقت وحبيت اني أتعرض حق بعض المشاهد المشتركة بين الشباب والبنات مع أني بركز على البنات أكثر .

المشهد الأول: بنات جالسات كاسيات عاريات (اللهم أستر أمهاتنا وبناتنا ) في الكوفي شوب يسولفون ويضحكون بصوت عالي ولا مهتمات في حد جنبهم كانهم جالسين في بيوتهم ، يمر من احذاهم شاب وسيم (لانه في أغلب المرات يكون الشاب وسيم واللي مب حلو يحليله بس من بعيد ومعاكسات التيلفون ) يحاول هذا الشاب يتقرب منهم ويكلمهم ويتودد لهم ويقردن شوية ههههههه عاااااااد فجأة تقوم وحده منهم وهي معصبة ومحترقة جنه حد عطاها كف على ويهها وتقول حق الشاب وهي تصارخ : أيه أنت ما تستحي على ويهك؟ليش ما عندك خوات ؟ شنو ما تعرف تفرق بين البنت المحترمة والبنت الصايعة ؟! والله عشنا وشفنا المحترمات يجلسون في الكوفي شوب ويضحكون ويسولفون بصوت عالي وملابسهم مفتوحة من فوق لين تحت .

المشهد الثاني : عاد هذ المشهد تشوفه بشكل يومي وفي كل مكان ، بنيه تشوفها متكشخه ومتزينه ومتدخنه بالبخور ومتعطرة تشم العطر من مسافة كيلومترات (حشا تقول رايحه عرس ) والشيلة على الكتف ، وتركب بعدين مع الدريول والدريشة أو النوافذ مالت السيارة يكون عليها مخفي (لانه الحين أستوى المخفي موضة ويدل على رفاهية السيارة) وتوقف السيارة عند واحد من المراكز التجارية ، وبسرعة البنية تضبط الشيلة وتعدلها على راسها قبل لا تدخل المركز ، ومرات تكون في شيلة ثانية تحطها عشان تكون غشوة حق ويهها ، وبعدين تشوفها وهي تتمشى في المركز وبين المحلات وماتطالع منها غير ايديها ، وينخدعون اللي يشوفونها ويقولن حق انفسهم : سبحان الله اللي هداها حق طاعته والله مسكينة محتشمة وحالتها حاله، (خرييييييييييييط مافي منه) ويوم تدش واحد من المحلات عاد لازم يكون البائع لبناني أو اسيوي وتطيح الشيلة والغشوة اتوماتيك على كتفها (سبحان الله ) جنه فيها أجهزة أستشعار تمييز رائحة المحلات ، وأن تصادف ودش واحد مواطن (لاحظو مواطن) حق نفس المحل بيلاحظ البنية يوم ترتبك وتصرخ ( ويه مواطن ...يالفضيحة) وتقوم بسرعة ترد الشيلة حق قواعدها سالمة وتتخذ كافة الاجراءات الامنية عشان ما يشوف المواطن شي !!!! حرام عليهم وحلال على غيرهم .

ما أقول غير الله يستر علينا وعليكم


والسموحه

((منقوووووول))

ما أقول غير الله يستر علينا وعليكم

آآآآآآمين يارب العالمين
اقول آخر الكلام فى هذا الموضوع وبصرحه هو افضل مافيه ..
الف شكر لك اخى العزيز على النقل ..
تحيه لك من الاعماق
اخوك
محروم

مشكور اخوي عيون الذيب على الموضوع ..

و على المشاهد الجميلة و الواقعية بصراحة ..

الله يستر على الجميع ...

تحياتي لك يالغالي ,,

هلا اخوي محروم الله يحيك


والله يسمع منك



اهلين اخوي الزعيم

العفو
والله يسمع منك