ما ينقص ويننج اليفن

اولا انا من مجانين ويننج اليفن ولا يمكن افكر العب كوره غيرها

ولكن اعتقد انها بحاجه لبعض الاشياء الطفيفه :

1- وجود حكم ساحه في الملعب

2-وجود نسبة الاستحواذ على الكره اما نسبة الجول اللي طرحها الاخوان في المنتدى فاعتقد انها صعبه يعني دائما تحرزاهداف

حلوه وصعبه ونادره .... ولكن كمان دائما تجي اهداف ببلاهه

وغباء تخلينا نأجل المباراه 5 دقايق من الضحك

3- فكرة التشانس ماكنت اعرفها لكن حسب ما شرحها عماد ما اعجبتني واعتقد انها راح تعقد الهجمه وتعطلها

4- الميزه اللي في ويننج انها تهتم باسلوب اللعب اكثر من اي شيء وهذا طبعا اللي نبغاه بعكس الفيفا اللي تهتم بالفخامه

على اللعب . بس الحين تغيرت ويننج بعد بلايستيشن 2 وشفنا

فخامه ما بعدها بس يعيبها قلة الملاعب

5- زي ما ذكرو الاخوان دايم الكوره تضرب في يد اللعيبه والحكم

ماهو داري بس انا في رأيي انه من الافضل عدم احتساب اخطاء على

ضربات اليد لأنه لو طبقوها اعتقد انه كل شوي حينحسب فاول وحيخرب اللعب لكن خليها زي ماهي كذا مره معاك مره ضدك

يعني ممكن تجيبلك هدف وممكن تدافع عن بابك

6- في حاجه في التحكيم بس ما اذكرها كعيب وانما اعتقد انها حاجه واقعيه وجميله ,,, التحكيم احيان نايم تكسر ولا ما تكسر ماهو يمك واحيان ما يحسب تخش على لاعب لو انه بزر اكس على طول
يطلع الكرت واحيان يكون متحامل عليك ويجامل الفريق الثاني واحيانا العكس ما أدري توافقوني ولا لا

7- اعتقد ان ويننج الخامس حسن شيء كبير في اللعبه وهو ان الاجزاء القديمه كان كل واحد فيها له طريقة تسجيل ما تتغير

يعني الثالث كان تسديد او رفعات واهداف رأسيه جاء بعده

الرابع وكان بس جنح وارفع(وراسك يابيرهوف ولا كانو)

و2000 خلو الروؤس صعبه لكن ابتكروا (ون تو)وهاتك اهداف

اما الخامس فاعتقد الى الحين مافيه طريقة تسجيل مضمونه

يعني اول ما اشترينا الشريط كانت تجي روؤس كثير اما الحين

بعد ما تمكنا من اللعب ماعد فيه طريقه محدده للتسجيل

8- مهما قلنا تضل ويننج افضل لعبة كره على الاطلاق

***للمعلوميه انا العب بفريق انكلترا لاني مهووس ب بيكهام

وأوين

والسلام ختام

انا معاك في جميع النقاط اللي ذكرتها..لكن بالنسبة للنقطة رقم 5 انا ما لاحظت ولا مرة ان الكرة تضرب بيد اللاعبين فهل حدث لك ذالك مرات كثيرة ام في حالات نادرة؟ ... وعلى فكرة انا مهووس في انجلترا ايضا و ألعب فيها منذ goalstorm97 :)
والسلام عليكم

بالعكس التشانس يمكن ماشفته علشان كده ماتعرف حلاوته;) بس اضمنلك انه رهيب.
ليش مستحيل تكون نسبة للاهداف؟فيرتشوا سترايكر سوتها.
بالنسبة للتحكيم الغبي احيانا,فهو يعتمد على الحكم,لو كان الاسمر"الي يشبه مرزوق العتيبي"الله يعينك على الكروت.لو كان العجوز ابو كشه بيضة فيكون متوسط...الخ.

لاتستعجل .. هذي عادة كونامي اذا طلع اي جهاز جديد تنزل لعبة وينينج اليفين او انترناشيونال .. وتلقاه ناقصه اشياء كثيره لكن في الجزء الثاني على الجهاز تلقى اللعبه مافيه احسن منها .. هذي كلها علشان يقدرون يحددون قدرة الجهاز كامله ..وراجع الألعاب اللي نزلت على سوبر نينتندو وبلاي ستيشن الاول .. ولك تحياتي ..