سكيودن 3 الرأي... والرأي الآخر

إلي يشوف الموضوع يقول مراسل في الجزيرة :p

مرحبا شباب ...كيفكم :)
هذا الموضوع وضعته للنقاش في اللعبة ووضع الأسئلة فيها ...فلي عنده أي شي عن اللعبة ياريت يكتبه في هذا الموضوع من أسئلة أو أسرار

وهذا رأيي في اللعبة

صراحة هذي اللعبة هي أكثر لعبة كنت أنتظر صدورها على البلاي ستيشن 2 ...لكن هل هي تستحق الإنتظار ؟!!

صحيح أنها تطورت وصارت لعبة 3D ...واللعبة أيضا فيها بعض الإقتباسات من ألعاب أخرى مثل

رسوماتها والبيئة الخارجية تشبه إلى حد كبير زيلدا على النتندو64 وخاصة الأراضي الخضراء واللي تشبه hayrul في زيلدا .... وحتى فكرة الخيل مأخوذة من زيلدا أيضا :) ...وهذي نقدر نقول أنها نقطة جيدة

أسلوب القتال للأسف سيء جدا ...مع أنه أسلوبه مثل جرانديا لكنه مايوصل لدرجته ...يعني لو تقاروون الماجيك إلي في جرانديا وسكيودن 3 فيه فرق كبير جدا والي يكون فيه جرانديا عروض سينمائية رهيبة
وأيضا البطأ في القتال بعكس الجزء الثاني من سكيودن ....

أسلوب الشخصيات الثلاثة وجمعهم ......وهو مأخوذ من لعبة wild arms يوجد 3لاعبين ولكل واحد منهم هدف معين ويجتمعون مع بعض في نقطة معينة ويكونوا فريق واحد .
وأيضا فيها شبه بلعبة سونيك على الدريم كاست ..تلعب بالشخصية وترى القصة من جهة نظر البطل إلى تلعبه ...:)
هذا الأسلوب نقدر نقول بأنه جيد لكنه ممل في نفس الوقت ..لأنه راح تتكرر لك الأحداث أكثر من مرة ..وهذا شيء سلبي ...
=======
المدن في اللعبة قليلة والعالم الخارجي صغير ..وهذا ماقلل عامل المتعة في اللعب ...فمعظم الأحداث تصير في 3 أو 4 مناطق في اللعبة والتكرار في دخول المناطق نفسها على جيع الشخصيات...بعكس الجزئين واللي فيها العديد من المناطق واللي تقريبا لكل مدينة حدث خاص فيها وهذا غير عن استمتاعك في البحث عن الشخصيات


أما الموسيقى في اللعبة فهي لاتوصل بمستوى الجزئين على PS1 ..فعددها قليل والموسيقى مكررة ..بعكس الجزئين إلي في كل مدينة أغنية خاصة ورائعة ..

وأما الشخصيات فهي جيدة لكن معظمها تحس بأنها جادة بإستثناء Ace :p ..وهذا يجعل اللعبة باردة نوعا ما ..أما سكيودن 1 و2 صراحة معظم الشخصيات مرحة ((وخاصة فيكتور ومعاه السيف إلي يتكلم)) وفليكس إلي يحبنه البنات ويطاردونه :p


وأفضل شي في اللعبة قصتها الرائعة والي تشدك لكشف غموضها كعادة هذي السلسلة


وتقديري للعبة هو 91%

==============
واللي عنده أي نقاط أو أي شي في اللعبة يحب يذكرها أو يناقش فيها فياليت يكتبها


وأنا عندي الحين سؤال بسيط أنا مكمل على تخزين الجزء الثاني فهل في أحداث راح تحصل لي أو شخصيات أقدر العب فيها من تخزيني القديم ?:...وأنا الحين واصل للشابتر الرابع في اللعبة

سوكدين 3 أنا بعد انتظرتها وفعلا طلعت لعبه رائعه لكن فيها شويه عيوب ..

طبعا العرض الأول رهيب ومن أحلى الأشياء اللي ضافوها للعبه ..

والقصه حلوه بعد لكن العيب اللي باللعبه التطور البطيء للأحداث .. حتى إنه الواحد يمكن يحس بالملل خصوصا لو لعب بتوماس .. لأنه الأحداث بارده باللعبه .. ممكن كان عليهم يضيفون صوت للشخصيات حتى لو كانت كثيره فشينمو بعد فيها أصوات بالرغم من كثرة الشخصيات .. فعلا لو أضافوا أصوات كان من الممكن إنه تتحسن الأحداث وتصير لها فائده بالنسبه للاعب ..

الموسيقى حلوه ومثل ما قلت إنها متكرره وما توصل لمستوى الجزء الثاني .. فقط باللعبه عجبتني أغنيتين .. اغنيه العرض الأول روعه واغنيه قتال رئيس أساسي ..

الشخصيات باللعبه جدا رائعه ولو نلاحظ فاللعبه تميل لطابع الجديه يعني الصراحه فعلا بدون فيكتور وسوالفه الحلوه مع السيف تصير مب حلوه .. ممكن ها يرجع إلا جو اللعبه وهو الحروب بما يتناقض مع الجزء السابق فيه حروب ولكن فيه فكاهه بنفس الوقت ..

اللي عجبني إنه اللعبه ظلت محافظه على قوه التأثير مثل مشاعر الحزن والفرح ..

و أحلى شي فيها غموض القصه ..

بالنسبة لي أعطي اللعبه .. 92 % .. وأنا أفضل الجزء الثاني كان فعلا تحفه وماشي مثله .. لو ظلوا على الرسوم الثنائيه الأبعاد كانت بتكون حلوه اكثر ..

وشكرا ..:-)

بعد مداولات و محاورات في موضوع نقاش سوكودين السابق ...

عرفت انك لو لعبت بتخزين الثاني راح تحصل على ما يلي :

1) الاسحار اللي كنت مركبها في شخصية فليك راح تظهر في شخصية ايدج ....

2) راح تظهر مسرحية جديدة و هي لمصرع نيكولارد ...

3) و لو حطيت تخزين الاول في الثاني و الثاني في الثالث فراح تظهر مسرحية جديدة عن شخصيات الجزء الاول ....

و هاي اللي اتذكره ...


اعتقد اتفق مع عمر و الاخ اللي فوقي ( اسمه صعب ما هيك :6 )
انه الجزء الثامي كان توحفة ....

نظام القتال .... اعتقد انه ما يعجب الا المترمسين في العاب ال RPG فلو جا اي واحد عادي كان اتنفر من اللعبة بسرعة ....

فكرة ارتباط الاقدار ..... اعتقد انهم حطوها زيادة عمر اللعبة لا اكثر .... و لا هي في الحقيقة المرة ... ما لاها داعي ...

الالحان ... امممممم جيدة موش بطالة

تصميم الشخصيات .... حلو و رهيب ^^
خصوصا هوجو و كريس و فريد و فوبار .... و ما انسى المرعب لاندس ..

كان ودي اطول ... لكن خلاص tIME oUT :(

صراحة يا ريت بداية اللعبة مثل العرض الاول للعبة ?:

العرض اول ما تشغل اللعبة توووحفة :!

بس اللعبة مملة :"

ونظام القتال غريب ?:

على العموم باختمها يعني باختمها :غضب:

الأخت Altacia كلامج منطقي وأتفق معاج بأن القصة فيها بروووود شديد وأحياننا تحس البطل ماله هدف معين ...واللي يقهرني أكثر بأنك تقعد تدور في المدن وآخر شي لازم تنام عشان يصيرلك حدث جديد :أفكر:

أما بخصوص عرض البداية صحيح أنه روعة ...ولكن مافي غيره أعتقد في اللعبة ((ألا إذا كان في نهاية اللعبة)) ...أما سيكودن 2 كان يوجد عرض في بداية اللعبة ..وحتى في بعض المشاهد المهمة راح يعرضون لقطات سريعة ولكن هي نادرة جدا (مثل الحريق في حصن فيلكس)

ومشكوووريشن على المشاركة الطيبة:)

==========

BAHAMUT ZERO: أنا عندي تخزين الأول مع الثاني ياحظي :0)

بس منو هم الممثلين ...أعتقد العايلة إلي تعزف على العود والطبل والكمان أو في أحد غيرهم ?:

وفي شي ثاني

اقتباس:

---

1) الاسحار اللي كنت مركبها في شخصية فليك راح تظهر في شخصية ايدج ....

---

أنته تقصد فليك ولا فيكتور ....:!
لأن السيف أصلا لفيكتور وهو عند إيدج !



Chrono Scar: هي صحيح اللعبة مملة من بعض النواحي لكن المشكلة أن هذي اللعبة لها قصة رائعة وتجذبك ...وإذا كنت تريد تلعبها لازم تجرب الجزئين إلي على PS1 عشان تستوعب القصة :6

مشكوووووووريشن على ردوودكم ;)

ايدج ياخذ الاسحار من فليك بس انا مجربها ..... كنت حاطط فيوري و لايتنينغ عند فليك و صارت عند ايدج ...

لمن تاخذ شخصية نادر تقدر تفتح المسرح ^^

sudenlly .. sikuden be silly .. and i don`t know why .. ?:



but اللعبه حلوه .. :D


و ليلحين مو عارف من وين آخذ الشخصيات الي اكسبهه ( الشخصيات ال108 ) دورتهم ما لقيتهم مع اني مجمع تقريبا 4 شخصيات .. :6

أنا عندي ملاحظة على اللعبة ....


صدقوني و أنا ما أبالغ إني ما استخدمت أي حركات سحرية طول اللعبة الا سحر الــ Pale Gate اللي مع Estilla و غيره ما كنت في حاجته أبدا !!!

الضربات العادية أقوى بكثير من السحر في اللعبة بشكل و اضح !!

فلذلك الجواهر أو الوند - نسيت اسمها - ما اركب منها الا الكاونتر أو الكيلر !! أما السحريه أبيعها على طول !! .......

شباب معليش انا خاش عرض بالموضوع بس حبيت اسألكم سؤال
لأني توني خاتم جرادنيا اكستريم وكانت من افضل الألعاب الي ختمتها
وبصراحه مع انها تعتبر قصيره ونهايتها شوي مريضه
بس خياااااااال اللعبه كانت بعيني خيال في خيال
والسؤال هو :

للي لاعبين سيكودن و وايلد ارمز و ليجايا 2

وش تنصحوني أبدأ ؟؟ :D

وشكرا :)

اقتباس:

---

الرسالة الأصلية كتبت بواسطة سـارق القلوب
شباب معليش انا خاش عرض بالموضوع بس حبيت اسألكم سؤال
لأني توني خاتم جرادنيا اكستريم وكانت من افضل الألعاب الي ختمتها
وبصراحه مع انها تعتبر قصيره ونهايتها شوي مريضه
بس خياااااااال اللعبه كانت بعيني خيال في خيال
والسؤال هو :

للي لاعبين سيكودن و وايلد ارمز و ليجايا 2

وش تنصحوني أبدأ ؟؟ :D

وشكرا :)

---

أنا عندي جرانديا 3 و سيكودين و وايلد أرمز

الأفضل :-

1- سيكودين
2- وايد أرمز

وللأسف جرانديا طلعت سخيفه لأنها تقريبا تكرار للجزء الثاني :أفكر:
لكن راح أخلصها لأن القصة حلوة :D

أما عن ليجايا 2 للحين ما لعبتها

بس أفضل شي ألحين هو سيكودين ":"

والله شوف انا اعتقد ان اسلوب المعارك بجرانديا قوي جدا ويقدر يغطي على اي عيب باللعبه :)

وراح ابدأ بلعب سيكودن عشانك حبيب قلبي :D

اقتباس:

---

الرسالة الأصلية كتبت بواسطة STRIDER
أنا عندي ملاحظة على اللعبة ....


صدقوني و أنا ما أبالغ إني ما استخدمت أي حركات سحرية طول اللعبة الا سحر الــ Pale Gate اللي مع Estilla و غيره ما كنت في حاجته أبدا !!!

الضربات العادية أقوى بكثير من السحر في اللعبة بشكل و اضح !!

فلذلك الجواهر أو الوند - نسيت اسمها - ما اركب منها الا الكاونتر أو الكيلر !! أما السحريه أبيعها على طول !! .......

---

حرام عليك الكرستالات تطورها كل ما استخدمتها تصدق ان كرستالة الرعد حقتي فيها حركة تنقص من الواحد 1200درجة من طاقتة لا وتستخدمها مرتين بعد؟؟؟


-------------------


شباب ارجوكم انا عندي سوأل ارجوووووووووووووووووكم جاوبوني علية انا لعبت بالقصة هيوجو ووصلت شابتر 3 وقابلت بنت اسمها (ابل) في قرية نسيت والله اسمها الي سكانها سحالي وقابلتها جنب الشلال وقالتلي ان قريتها في خطر وجت معي بعدين وين اروووووووح:" ؟؟؟


وهل لازم اني اخلص قصة كل لاعب ولا وشلون؟؟؟ ارجوكم؟؟؟

بإختصار..سكودين افضل لعبه اربي جي على البلاي ستيشن2 الى الآن..

اللعبه رائعه جداً جداًَ ومادري هالي يقولون ممله وش يقصدون بالظبط؟

يمكن بدايتها بارده شوي..

لكن اللعبه ممتعه بشكل لا يصدق..

وشخصياتها كل وحده اروع من الثانيه..

الموسيقى لك عليه..لكن ما اعتقد يعتبر عيب

القتال حلو..

بالنسبه لي استمتع فيه كثير ونادراً ما اختار escape

وفيه نقطه مهمه..

انت ذكرت ان فكره التشابترز ممله وتتكرر لك الأحداث فيها..

ما اعتقد الشي هذا..

على حسب ترتيبك للأحداث..

وهي فكره حلوه انك تشوف حدث من جهة

وتشوفه مره ثانيه من جهه اخرى

على العموم..

انا اعطي اللعبه تقدير 98%..

ناقصه اثنين لعدم وجود "جوّي" فيها


واكثر شي قهرني اني بديت اللعبه بدون ما استخدم تخزين الجزء الثاني:(

ودي اشوف المسرحيه حقت نيكلورد والأشياء الثانيه..

والمسرحيات في اللعبه صراحه ممتعه جداً ومضحكه بنفس الوقت:)

بإختصار..سكودين افضل لعبه اربي جي على البلاي ستيشن2 الى الآن..

اللعبه رائعه جداً جداًَ ومادري هالي يقولون ممله وش يقصدون بالظبط؟

يمكن بدايتها بارده شوي..

لكن اللعبه ممتعه بشكل لا يصدق..

وشخصياتها كل وحده اروع من الثانيه..

الموسيقى لك عليه..لكن ما اعتقد يعتبر عيب

القتال حلو..

بالنسبه لي استمتع فيه كثير ونادراً ما اختار escape

وفيه نقطه مهمه..

انت ذكرت ان فكره التشابترز ممله وتتكرر لك الأحداث فيها..

ما اعتقد الشي هذا..

على حسب ترتيبك للأحداث..

وهي فكره حلوه انك تشوف حدث من جهة

وتشوفه مره ثانيه من جهه اخرى

على العموم..

انا اعطي اللعبه تقدير 98%..

ناقصه اثنين لعدم وجود "جوّي" فيها


واكثر شي قهرني اني بديت اللعبه بدون ما استخدم تخزين الجزء الثاني

ودي اشوف المسرحيه حقت نيكلورد والأشياء الثانيه..

والمسرحيات في اللعبه صراحه ممتعه جداً ومضحكه بنفس الوقت

اقتباس:

---

الرسالة الأصلية كتبت بواسطة البرت ويسكر


حرام عليك الكرستالات تطورها كل ما استخدمتها تصدق ان كرستالة الرعد حقتي فيها حركة تنقص من الواحد 1200درجة من طاقتة لا وتستخدمها مرتين بعد؟؟؟


-------------------


شباب ارجوكم انا عندي سوأل ارجوووووووووووووووووكم جاوبوني علية انا لعبت بالقصة هيوجو ووصلت شابتر 3 وقابلت بنت اسمها (ابل) في قرية نسيت والله اسمها الي سكانها سحالي وقابلتها جنب الشلال وقالتلي ان قريتها في خطر وجت معي بعدين وين اروووووووح:" ؟؟؟


وهل لازم اني اخلص قصة كل لاعب ولا وشلون؟؟؟ ارجوكم؟؟؟

---

ليش ما احد يعطيني وجة؟؟؟؟؟؟؟؟؟؟؟؟


:غضب: :غضب: :غضب: :غضب: :غضب: :غضب: :غضب: :غضب: :غضب:


هذي المرة العاشرة الي ما رديتو علي فيها سويت موضوع ما رديتو سويت ردود على اكثر من موضوع لسكودين برضة نفس النتيجة الله يسامحكم بس الله يسامحكم:"