هل لابد من تركيب هذه القطعة ؟؟

السلام عليكم ورحمة الله و بركاته ....
كيف حالكم ؟؟
عساكم بخيييير ....



أمس رحت أشتري أشرطة ألعاب ..
وقلت للبايع طلع لي الأشرطة ...
بس عرفتها جديمة وعندي .. وأنا من فترة ما جيت أشتري ...
فقالي تراها جديمة ..
قلت خير شو فيه ؟؟ صح إني تركت الألعاب فترة لكن أنت ليش ما تجيب يديد ؟؟؟
قال : لا .. هذي أشرطة عادية ..
والجديد ما يركب إلا على قطعة الــدي في دي .. عندك ؟؟
قلت لاااااا ...
وقلت له بكم بعد تركيبها ؟؟
بدت الفلسفة وقالي : على حسب نظامك .. إذا بال أو إن تي إس سيه ...
و قلت له الرخيص بكم :6 ؟؟
قالي على حسب أغلى شي 300 و أقل شي 150 ..
فعرفت السالفة فيها خسارة فيها خسارة ....



بغيت أسألكم عن قطعة الــDVD بكم تركبونها عندكم ؟؟ برا الإمارات أو خارجها ...
وعن قيمة سيديات الدي في دي ..
و حبيت أيضا أسألكم عن ألعاب تنصحوني بشرائها ..لآني تركت الجيمز فترة .. وما قمت أقرى أخباره ..



وجزاكم الله خير :)

انا مركبها قبل 4 اشهر بـ200 يعني اكيد رخصت شوي
و الالعاب من 30 الى 15 على حسب المحل الي تشتري منه
اما الالعاب فاشتري
GTA VICE CITY
ONIMUSHA 2
THE GETAWAY
KINGDOM HEARTS
STUNT MAN
و الكثير غيرها بس نسيت و هذي من افضلها بالنسبة لي:)

والله الحين ما ادري بكم سعرها اذكر من فتره طويله اول مانزلت تقريبا اني ركبتها حول 350 درهم او فوقها شوي الحين اكيد طاح سعرها

شلألعاب التي تفضلها يعني الانواع عشان نعرف نختار لك ;)

___________

اقتباس:

---

بغيت أسألكم عن قطعة الــDVD بكم تركبونها عندكم ؟؟ برا الإمارات أو خارجها ...

---

:p شالفرق بين برا الامارات او خارجها هي هي :6

وسلام :) فرفشنا شوي

Brick Game :
هلا الغالي ...
مشكور على ردك و الأشرطة اللي ذكرتها ..
بس ياخوي لو تقولي إذا في لعبة RPG قولي ..
لأني ما ألعبها :) ...
و شكرا جزيلا ..

جرانديا :
ياخوي بس أنا سألته أمس ..
قالي 300 درهم ؟؟ وقالي بعد في أصلي و تقليد ..
و بالنسبة للألعاب ..
كل شي إلا RPG :)...
و بعدين سوحقن لك :": ...
و أنت إلا تفشلنا :6 ...
برا الإمارات عامية . خارجها فوصحى :o ...
ومشكوور خيوو عالمشاركة ..


شباب نسيت أخبركم ... هذي القطهة إذا ركبتها هل تركب PS ؟ ولا بس PS2 ؟؟؟
و هل بحتاج بعدها للقطعة الثانية Sbox ؟

ما ادري والله اذا تركب العاب الـPS ولا لا
لاني ما جربت...بس اذا ركبتها ما يحتاج لا جيم شارك ولا اس بوكس ولا شي
بس دخل اللعبة و العب
و اما عن الالعاب الي ذكرتها بس في لعبة كينجدوم هارتس
هي اربيجي اكشن:D

evilneverdie : تريد تعرف السعر صح ااخر شي

الساعه 5 العصر دق 181 علي البداله واطلب محل كـــابول بالعين بعد ما يعونك الرقم اتصل عليه وهو بيقولك اخر شي :) تراه امين لأبعد درجه

شوف القطعة حسب الجهاز يعني جهازك هو الي يحدد انواع القطعة الي تقدر

تركبهم وايش افضل شي له :)

عاد كيف تعرف نوع جهازك وموديله لا تسالن :":

وده المحل وهو يصرفك وذا موقع يمتكن يفيدك :

http://chip4arab.com/

مثل ماقال اخوي كرونو سكار لكل جهاز قطعة خاصة .. ولو اني انصحك ببيع جهازك واخذ جهاز جديد مركب فيه لانه فيه احتمال ان الجهاز يخترب مثل ماصار لي اخترب الجهاز واضطريت ارسله خارج البحرين للتصليح .. فاذا بغيت النصيحة دور لك على محل معروف ومشهور ويقدر يعطيك ضمان على التصليح .. ولاتتسرع .. ;) وزور الموقع الي حطه لك كرونو .. فهو عن جد مفيد .. وانشاء الله تتوفق .. ;)

Brick Game :
RPG أكشن هاااه :) ..
أذكر صديق لي قالي أنصحك تشتري لعبة FF حلوة ورهيبة ...
ولما لعبت قعدت أحووس وأكلم الشخصيات أنتظر الأكشن ..
بغيت أختمها وانا انتظر الأكشن ..
بعدين قالي هذي اللعبة جذي :6 ...
أحب الألعاب اللي فيها إثارة بس ...

وإذا تعرف ألعاب ثانية , قول

و تسلم على تواجدك ...


جرادنيا :
مب مشكلة أنا كلمت واحد صوبنا :)...

لكن بغيتك تكتب لي اسماء الألعاب الأفضل عندك لا هنت :)...

و الله يبقيك ...

Chrono Scar :

تشكر عالموقع الرائع مثلك :)....

ما قصرت ...
بس ألعاب بغيتك تقولي ...

وما تقصر الغالي ..


قاهر كل الألعاب :
مرحبا أخوي ..
زين شرايك هو قالي فيه أصلي و تقليد ...
كله ما ينفع :)...؟


وتسلمون يا الربع على تواجدكم :)

اقتباس:

---

الرسالة الأصلية كتبت بواسطة evilneverdie
Brick Game :
RPG أكشن هاااه :) ..
أذكر صديق لي قالي أنصحك تشتري لعبة FF حلوة ورهيبة ...
ولما لعبت قعدت أحووس وأكلم الشخصيات أنتظر الأكشن ..
بغيت أختمها وانا انتظر الأكشن ..
بعدين قالي هذي اللعبة جذي ...
أحب الألعاب اللي فيها إثارة بس ...

---

sorry :":

بالنسبة للالعاب ترا RPG بشكل عام العابها ما بها عكشن كثير :":

يعني قليل جدا اهم ما يميز هذي الالعاب القصة لا اكثر :)

لكن عندك Kingdom Hearts آكشن RPG يعني نظام قتالها ممكن يعجبك شوي

لكن اهم ما يميز هاللعبة هي شخصيات فينال الموجودة وشخصيات ديزني :":

يعني ديزني وفاينال فانتسي هم الي خلوا اللعبة زينه فاذا ما تحب لا فاينال ولا

ديزني لا تلعبها :":

لعبت Metal Gear 2 :0)

ركب القطعة واشتر هاللعبة دايركت مع اني احذرك ترا بها بعض من اباحية :":

وفيه عندك Devil May Cry حلوه كثير كثير لا تفوتك لان اسلوبها جديد وتجي

من الي صنعوا ريزيدنت ايفيل لكنها تدمج بين الرعب والعكشن .

عندك لعبة Shinobi نينجا حركة لكن تكرارها ممل لكن تستحق التجربة لمجرد التجربة :0)

وفيه Grand Theft Auto: Vice City اجرام وحرية على كيفك وهي بشكل عام

لعبة مهمات حلوة كثير لكن مشكلتها برضو ان بها بعض من اباحية :":

ياخي كل الالعاب الرهيبة بها بعض من اباحية sorry :": بس فيها اثارة وعكشن

هذا الي جربتهم وعكشن ورهيبات يعني برايي لا تفوتهم الا Kingdom Hearts

فكنت اشرح بس :":

مشكور أخوي ...
و أنا عندي من اللي ذكرت ديفل ماي كراي ..
و إن شاء الله راح اشتري اللي قلت عليهم :)...