عساكر السلطان ( مسرحية )

مسرحية من فصل واحد
المشهد الاول والاخير
مكتب يبدو انه مخصص للتحقيق
يدخل احد العساكر


الضابط : وينها
العسكري : لحظه بس تتمكيج وتدش
الضابط : ماخلصت من المكياج ساعه واحنا ننتظرها .. ورانا شغل
العسكري : الحين تخلص
الضابط : الحين وين وصلت في مكياجها
العسكري : توناس سيدي توها في عيونها باجي خدودها وشفافها
وشعرها وملابسها و
الضابط : بس خلاص .. بل بل كل هذا مكياج
العسكري : تدري بعد بنات


يدخل احد العساكر


العسكري : سيدي المتهمه خلصت من مكياجها
الضابط : اف مابغت خلها تدش بسرعه
العسكري : حالا


يخرج العسكري ثم يعود ومعه المتهمه افراح
الضابط ينظر للعساكر .. فيفهمان .. ويخرجان


الضابط : انتي افراح صح
افراح : صح
الضابط : مكياجج مو حلو
افراح (تبتسم بدلع ): انا مو مسويته حقكك ..
الضابط : اجل حق منو
افراح ( بنفس الابتسامة ) : مو شغلك انت حقق معاي وخلصني
الضابط : اوكي .. انتي متهمه بان لسانج طويل
افراح: من قال لك لساني طويل بسم الله علي .. لساني صغنون وشحلاته


افراح تخرج لسانها بوجه الضابط


الضابط : لا طويل .. الاوراق اللي جدامي تقول انه طويل
افراح: يمكن مالقيت حد يقصه
الضابط ( مبتسما ) : مو مشكله حنا نقصه لج ان شاء الله
افراح : تقصه وكل هالمكياج انا مسويته حقكك
الضابط : والله .. حقي انا
افراح : طبعا
الضابط : لالالا الاوراق اللي جدامي فيها تزوير انا شايف ان لسانج صغنون
وشحلاته .. المهم انتي ليش تكتبين في المنتديات
افراح: ليش ممنوع
الضابط ( بغضب ) : طبعا ممنوع
افراح : ممنوع وانا كل هالمكياج مسويته لك وتعبانه وانا اصفف في شعري
الضابط ( متلعثما ) : اهو مو ممنوع واجد .. بس
افراح: ( بدلع ) : بس شنو
الضابط ( يقلب بالاوراق ) : انا شايف ان الاوراق فيها تزوير شنو يعني تكتبين
في المنتديات .. مافيها شيء
افراح : شفت اني مظلومه
الضابط : طيب .. انتي كله تكتبين عن السطان ماتدرين ان هذا ممنوع
مزنه : اي سلطان
الضابط ( يصرخ ) : اي سلطان بعد .. ماتعرفين اي سلطان
افراح ( بدلع وهي تبكي ) : انت تصارخ علي وانا مسويه هالمكياج حقك
وتاعبه حالي من الصبح ..
الضابط ( يمزق الاوراق ) : يبه سبيه .. وسبيه .. وسبيه .. واذا تبين انسوي
انقلاب عليه حنا مستعدين
افراح : ( تضحك ) واي شحلاتكم يالضباط .. تهبلون


تسدل الستارة