المواضيع المنقوله .. الرجاء الدخول للأهمية

السلام عليكم




قررنا نحن مراقبين المنتدى العام (انا وماستر :p)




وبعد استشارة احد المراقبين الكبار (امحق:p)




جعل هذا الموضوع لجميع المواضيع المنقوله الى المنتدى العام ..



وسيتم دمج المواضيع الموجودة حاليا اليه



تنبيه هام !


اي واحد يضع مواضيع منقوله برى هذا الموضوع ويتكرر الأمر معه 3 مرات



راح يتعرض للتوقيف 4 ايام



وهناك مواضيع يكون نقلها مهما (بعد استشارة احد المراقبين)


لن تتم محاسبته !


مع تمنياتي للتوفيق والنجاح للجميع ..


مع تحيات الدكتور مؤيد.. وشكرا ... :)

وبمناسبة هذا القرار...إليكم هذه القصه المنقوله :cool: <====ينقالك مشاركه وجدانيه :6

-------------------------------
((قصة واحد مدرعـــــــــم))


جالس في المجلس اتقهوى مع عمي وماعندي من الشيطان طاري قال عمي : مدرعم كم لك ساكن عندي في البيت ماكل شارب نايم بلاش

قلت : ليش انا ولد اخوك شعرة في لحيتك ياعمي

قال : لا.. هين.. الشعرة ذي بانتفها ان ماسمعت كلامي هالحين اسمع يامدرعم بناتي الثنتين مزيونه وهيله كبار هالحين والبنات اللي في سنهن قد اعرسن وانت مانت محرم لهن داخل طالع عليهن انت وخشتك انا نويت اني اطلعك من البيت وبازوجك بنتي مزيونه يالله افرح يامدرعم

قلت : وش افرح مزيونه توها ظاهرتن من شهار ياجودها ان جلست شهرين عندنا في البيت ثمن ترد المستشفى مزيونه خبله ياعمي وفوق ذا شينه والله مافيها من الزين غير اسمها

اصبر ياعمي الصبر زين وانشاءالله يجي خبل ويعرس على بنتك

وترى ياعمي اسم مزيونه حركه تمويه وبيجيب لك زباين

وان كانك تبيني افرح زوجني هيله ياعمي ايه هيله اغدي قهوه انا

عاد انا من الوناسه نسيت عمري وانبطح على الأرض متشقق

ماوعيت الا بطوفرية القهوة تلعب على راسي

قال: قم بس لاتبطح عندي ماعندي خبل الا انت بياخذ مزيونه اسمع عاد مزيونه انا باحل فيها ولافاكني الا انت والبنت مالها الا ولد عمها اما هيله سهل تصريفها وزعلي ورضاي زواجك من مزيونه

قلت : كيف اعرس وانا ماعندي فلوس اجيب مهر ولاعندي بيت ولا سياره كابرس ؟

قال : حكم الزير على الخنزير وانا عمك مهر مزيونه ريال واحد والبيت باسكنك عندي الدور الثاني فاضي وابشر بالسياره وبالخير والعرس خلاص الأسبوع الجاي وعرسنا تراه سكتم بكتم

قلت : ياعمي هذي اول مره انا اعرس ماعندي خبره ويوم جيت اعرس اخذ خبله

قال : لاتخاف مزيونه عندها خبره قد اعرست على ثلاثة رجاجيل قبلك بس انت خذ اجازه من شغلك

واطلع من المجلس وادرعم على العمل ابي استأذن من المدير استعد للعرس وعرفت من سكرتير المدير ان مديرنا غايب له يومين امه متوفيه لاحول ولا قوة الا بالله وش ذا الفال الشين هذا من اوله يامزيونه وادرعم لبيت المدير وادخل عليه في المجلس والقى المدير مع ابوه وقبل ماعزيهم قلت : انا زعلان منك يامديرنا وشلون امك تموت وماتعلمني اقوم بالواجب لكن شف هذا ابوك موجود ان مات ابوك علمني اجي اصلي عليه واقوم بالواجب وهو اللي يطمر ابو المدير من مكانه ويقول : بعدي والله يالسنافي اشهد انك رجال وهو اللي ينبص خشمه وانا اللي احبه ويجلسني جنبه قلت للمدير : انا جايك ابي اجازه شهر ابعرس الأسبوع الجاي وكان ودي انك تشرفنا انت مع ابوك بس ماقدر اعزمكم لأن عرسي سكتم بكتم

قال ابو المدير : رح ياولدي مدرعم لك بدل الشهر شهرين وهو اللي ينبص خشمه فوق وانا القطه واحبه

واجي طالع الا ابو المدير يناديني وهو اللي ينبص خشمه يبيني احبه ( مادري انا اتفل عليه ابلشني هو مع خشمه )

المراد تزوجت مزيونه ودخلنا بيتنا الجديد عش الزوجيه وادخل الغرفه واطفي اللمبه واقرب جنب مزيونه وانا اقول مزيونه شوفي ساعتي تراها ماتولع في الليل ماوعيت الا بالأبجوره نازله على جبهتي شفت اللي يولع من جد نور احمر مافتحت الا وانا في المستشفى وسبع غرز في جبهتي

وزارني عمي وقال : يامدرعم البنت اكيد مستحيه منك لازم تاخذون على بعض روحوا تمشوا مثلا ودها حديقة الحيوانات

قلت : فكره حلوه ايش رايك تكلم اهل الحديقة يجون ياخذونها

قال : الظاهر اني باكلمهم ياخذونك انت وياها .. قم بس اوصلك البيت

ويوصلني عمي البيت وافتح الباب بشويش وانا خايف وادخل راسي اويق اثر مزيونه متوزيه ورى الباب وهي اللي تجرني بشوشتي لين المطبخ تبيني اكل من غدا مسويته تحتفل بخروجي من المستشفى واجلس وانا منطم وهي جالسه قدامي ومتربعه على الصحن واناظر في الاكل ماعرفت وشو اكل معفوس لاوحاطه في وسطه شمعه

وانا انفح الشمعه لين طفت وامد يدي على صحن المعفوسه واكل لقمه ماقويت ابلعها وقلت وعععععععع وهي اللي توقف وتدور علي دورتين تختلني وانا مسوي نفسي ثقل يعني انها ماهمتني وهي تجي من ورى ظهري وتهجم علي وتنزل راسي تحت وترعصني وسط صحن المعفوسه وتحوس خشتي ثمن فكتني وارفع راسي توني راد النفس وهي اللي ترجفني برجلها ويصمخ راسي بالجدار اشوى ان الجدار كان موجود والا كان ماردني الا اقصى البيت وتاخذ الأكل وتذبه من الدريشه على القطاوه !! مساكين القطاوه وش ذنبهم ياكلونه

انا بصراحه زعلت ماعاد قويت اصبر كل يوم انطق كل يوم مستشفى لازم اخذ حقي وانا ادخل الحمام واعبي البانيو (المغطس) مويه واتوزى ورىالباب واحتريها لين دخلت الحمام وانا اللي ادفها بقوه على البانيو ويصمخ راسها بالجدار وتطيح في وسط المويه دايخه وغرقت في البانيو واناظر في المويه واشوفها تنقص ..تنقص..تنقص.. الخبله شربت المويه اللي في البانيو لا وبعد مافتحت عيونها راحت المطبخ وشربت كاس مويه وتدخل الغرفه ولا كنه صار شي !!

قلت ايه هين يالخبله والله ماخلي حقي وادخل المطبخ واطبخ لها شوربه واحط فيها سم فيران جيت اوديه لها قلت: مسكينه الشوربه حاره خلني ابردها اخاف تلسعها وش اسوي بنت عمي قلبي عليها والظفر مايطلع من اللحم وابرد لها الشوربه واوديها لها كاعتذار على اللي سويته

وبنت الحلال الخبله ماكسحتني خذت الباديه مني بس يوم شافت ان الشوربه بارده وهي اللي تخبطها على جبهتي على نفس الجرح وعلى المستشفى وتزيد الغرز من سبع الى تسع

وشهرين وحنا على هالحال خبط وخبيط وانا مغير رايح جاي على المستشفى حتى من كثر ماروح المستشفى كاتبين على باب وحده من الغرف,,, غرفه مدرعم,,, جزاهم الله الف خير

انا ماعاد قويت احتمل راسي غدى كله شقوق صاير منخل

وانزل تحت على عمي واذب عليه مفاتيح السياره واقول : ابشر ياعمي بنتك زادت خبرتها من ثلاثه الى اربعه ازواج اللهم زد وبارك

وورقة طلاق مزيونه بتجيك اليوم وانحاش من المجلس واطلع للشقه واقعد اضف في غريضاتي واسمع جرس الباب يرن وانزل ابي افتح والقى عمي معه الخبله مزيونه عند الباب

قلت : ادري ياعمي باطلع من شقتك اليوم

قال : لا تطلع انثبر في الشقه وخذ مفتاح سيارتك بتحتاجها بعدين !!!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

توصل عيالك مزيونه حامل


0000000000000000000000


ههههههههههاا :6


إلي بعدووو:6!!










ياللهslaaaaaaaaaaaaaaaaaaaaaaaam

وهو كزلك!

الله يخليلنا الحكومة:أفكر:

وليه الظلم؟ :p

‍‍‍‍???‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍كل مكان فيه هنود‍‍‍

في الدوام لازم عندك هنود ...



في السينما تلاقي هنود ..



تدخل محل تبا تشتري شي واهلك معاك تلاقي هنود تارسين المكان ..



تدخل اي سنتر تلاقي هنود ..



تروح اي وكاله عشان تاخذ سياره اللي يتفاهم معاك الهنود ..



تروح البلديه تلاقي هنود ..



تدخل اي بنك تبي تخلص معامله هنود ..



تروح المستشفى تتعالج هنود ..



تروح الصيدليه تبا تشتري الدوا هنود ..



تروح تبي تدفع فاتورتك تلاقي طابور هنود ..



تدخل اي مطعم تتعشاء اوتتغدى تلاقي هنود ..



تدخل اي فندق بالاستقبال هنود ..



تروح المطار تشوف هنود ..



تروح الحديقه مع ربعك او اهلك تلاقي هنود ..



تروح تلف بالسياره يوم الخميس او الجمعه في الكورنيش تشوف كله هنود ..



تروح سوق الأربعاء تلاقي هنود ..



بمحطات البترول تشوف هنود ..



تدخل محلل اثاث تلاقي هنود ..



توقف عند كفتريا تلاقي اثنين هنود ..



تروح الخياط تفصل ملابس تلاقي هنود ..



تروح خياط نسائي تلاقي هنود ..



تروح رامز تلاقي هنود ..



تدخل الشااااات تلاقي هنود ..



تروح صالات تدريب الحديد تشوف هنود ..



تدخل صالونات الحلاقه تشوف هنود ..



تروح سوق المقاصيص تشوف هنود ..



تروح تستلم راتبك بالبنك بتلاقي هنود ..



نهرب من المدرسه نحصل هنود



نروح جياااااان نحصل هنود



نروح الشاطي نشرب قهوه نحصل هنود



رحنا مارينا مول حصلنا هنود



رحنا وكالة سيارات نحصل هنود



تروح تسكن الشاطي تحصل هنود



تروح محل خدمات انترنت تحصل هنود



تصحى من النوم تحصل (الخادمه)هنود



عند المطار تلقى هنود



رحت محل ماكدونالديز حصلت هنود



تروح تزور ربعك تحصل قدام بيتهم هنود




رحت المنامة حصلت شارع كله هنود



كله هنود هنود هنود هنود هنود هنود هنود هنود هنود هنود هنود



يعني مو بعيده بيناتنا هنود و هنديات



:p :p :p

وتروح الهند وما تلاقي هنود:6

يوميات صرصور ...
إن المتعة الحقيقية في وصف الشئ هو تخيله تماماً ولكن
>سنتخيل حياة صرصور ، وسنبدأ بالاعمال اليومية التالية
>بالنسبة له :
>
>1. الاستيقاظ من النوم في دورة المياة ( مع بعض الروائح
>العطرة ) بالنسبة للصرصور .
>
>2. القيام بالتمرينات الصباحية المعتادة وذلك بالخروج
>امام صاحب الغرفة والتفنن في الهروب من النعلة أو
>الجزمة.
>
>3. قضاء فترة القيلولة خلف الدولاب الكبير لغرفة النوم ،
>لأنه يستحيل على صاحب الشقة ازاحة هذا الدولاب .
>
>4. مناداة الاصحاب في فترة ذهاب صاحب الشقة .
>
>5. تقديم الوليمة للضيوف في المطبخ ، وذلك على باقي
>الاواني والاكل الموجود من عدة اسابيع .
>
>6. الرقص على مخلفات المعلبات والاجبان الموجودة خارج
>الثلاجة .

>تحذيرات يجب اخذها بعين الاعتبار لمجتمع الصراصير :
>
>1. عدم استفزاز صاحب الشقة واجباره على استخدام ( ريد )
>او ( بف باف )
>
>2. عدم الترزز دائماً امام صاحب الشقة لكي لا يقرف ويتخذ
>طرق غير سليمة في الهجوم.
>
>3. عدم احراج صاحب الشقة بالخروج امامه في حضور ضيوفه .
>
>4. اذا رأيت صاحب الشقة يلاحقك ، فأعكس الخطة ولاحقة انت
>، لأنه حتماً سيهرب .
>
>5. عدم القيام بأي تمرينات صباحية في حالة وجود اكثر من
>شخص في الشقة ، وإلا سيكون رقم مقاس النعلة هو آخر شئ
>تراه في حياتك .
>
>
>اشياء تجعل الصرصور يموت من الضحك:
>
>1 - الدوران على كرسي فوقة امرأة تصرخ خوفاً من الصرصور
>.
>
>2 - الهروب من شخص في يده نعله على سطح املس غارق بالماء
>ولصابون .
>
>3 - استخدام معطر الهواء بالخطاء بدل ريد او بف باف.
>
>4 - عندما يغلق شخص، باب دورة المياة ، ويجد الصرصور

ههههههههههههههههههههه
ويش رايكم

م ن ق و ل

ههههههههههههههههههه


حلوه

مشكور
:cool:

الله يسلمك

على كذا حتى لو بتدخل بعد شهر منتب لاقي موضوع يتجدد غير ذا الموضوع :أفكر:
أعيدوا النظر .. المنتى مهوب ناقص اماتة غفر الله لكم :أفكر:

لو تفتحون منتدى ثاني للمواضيع المنقوله يكون احسن من موضوع واحد

يعني لو واحد بيرد على موضوع كتب هنا راح تصير لخبطه..

انذار لك يا ولهان الشوق وباقيلك انذارين

مادري ذا القانون احسه بيلخبط الدنيا

أنا برد على الموضوع الأول المنقول وهذا بيرد على الموضوع العاشر وذاك بيرد على الموضوع السادس بعد المية?:

ما تحس انها شوي لخبطة



وبالمناسبة المواضيع المنقولة من الجرايد تنحط هنا بعد




وشكرا

منتدى ميت ازين من منتدى سخيف

بعدين يمكن يتشجع الواحد يكتب مواضيع من عنده..

موب يدخل المنتدى ويشوف الموضوع الي قدامه "حياة صرصور" والي تحته "هنود بالبطحاء" يعني بالله من وين بيصير له نفس يكتب شي:6


وبالنسبه للردود..المواضيع المنقوله اصلا ما تستاهل احد يرد عليها

لكن بأمكانك ترد بهالموضوع لأن المواضيع المنقوله ما راح تجي عشره بساعه وحده..

وفكره انه يفتح منتدى للمواضيع المنقوله فكره فاشله مع احترامي الشديد لصاحبها..