ابتداء مواضيع تنشيط المنتدى ( التقليد الأعمى )..!!

بسم الله الرحمن الرحيم ..

أعضاء منتدى الفوتوشوب..

السلام عليكم عليكم ورحمة الله وبركاته ..

في محاولة ( وأتمنى ان تنجح بمساعدتكم ) لإعادة الحياة لهذا المنتدى .. أقدم هذا الموضوع..

و طبعا ،، بعد موجة الغضب التي اجتاحت المنتدى على هذا الخمول.. حبيت اني افتح هالموضوع ،، اللي (أتنمى) انه يساعد على تنمية مهاراتنا – أولا – ومن ثم إعادة الحياة لهذا المنتدى ..

طبعا بعد المقدمة الطويلة هذي ..

اظن انكم تحبوا تعرفوا ( وش السالفة) ،،

طبعا السالفة وما فيها .. انكم في نهاية هذا الموضوع بتلقون صورة ..!!

والمطلوب هو :

تخزن الصورة .. وتحطها خلفية .. او حتى لو فتحتها بالفوتوشوب ماهو مشكلة ..

وتحاول قدر المستطاع انك تقلد هذا التصميم .. بحذافيره ..

وتبدأ خطوة خطوة .. وبعد ماتخلص من التقليد .. تحط الصورة هنا بالموضوع..

والأعضاء بيقيموا ابداعك..

والشروط :
1- يمنع منعا باتا الاستعانة بالصورة الأصلية أي ادنى استفادة ،، يعني : ما تحاول تسرق لون بأداة القطارة علشان يكون معك نفس اللون .. ماتقص ولا تنسخ صورة ,, والموضوع أمانه .. يعني ان سويت كذا انت الخسران..
2- تقدر تقلد التصميم اكثر من مرة (يعني مرتان على الاكثر) بس طبعا يكون كل تصميم بشغل لحاله .. يعني مو تجيب نفس الصورة وتحطلنا هية مرتين..!! ، يعني اذا قلدت التصميم مرة ثانية .. وطلع التقليد الثاني احلى .. حطه !
3- التصميم اللي يحتوي على صور خاصة ( يعني صورة لاعب او أي صورة هي اصلا مركبة ) انت غير مطالب بها..

والفائدة ..؟؟ :-

الفائدة ان انت بتتعلم اشياء –غالبا- ماكنت تعرفها.. ومع مرور الوقت .. راح نزيد من صعوبة الصور ..

ملاحظة /
أول ما نحط صورة جديدة يمنع وضع لتصميم قديم..
----
و أتمنى ان هذا الموضوع ما يكون مصيره الصفحة الثانية أو الثالثة .. وانتم اقدر على انكم تحلوه دائما فوق ..
..

وبسم الله نبدأ ..



http://imammar.jeeran.com/tagleed/1.jpg

فكره ممتازه احييك عليها اخوي

لكن ..

انت تبينا نقلد التصميم ..كفكره يعني صح ؟

اوكي اجل انا بحاول اللي اقدر عليه ;-)



وطبعا بستعين بصور لاعب كوره حقيقي
:أفكر:

king_kubaj
=======

أشكرك على الرد ،، وكلامك صح ،، انا ابيكم تقلدون التصميم كفكرة .. ;)

وماهو شرط انك تحط صور اي لاعب ... :)

وشوف تقليدي ممكن يوضح لك الفكرة أكثر ..

فشوفوا تقليدي الأعمى

http://imammar.jeeran.com/tagleed/My-01.jpg

رائع .. :أفكر:

يومين .. وواحد عضو رد .. :)

مع اني اشوف كم عضو يتصفحون المنتدى ..

ويخرجون من غير ما يضيف ولا شي .. مو بس بموضوعي .. بكل المواضيع..

إذا كل واحد اخذ اللي يبيه وخرج .. :أفكر: ...................

وقراء الموضوع لحظة كتابة الرد ((14)) في يومين .. ;)

لا بيتطور المنتدى :أفكر:..

حلو الفكرة بس ترى هذي صعبة على المبتدئين امثالي

طبعاً انت مو مبتدأ عرفت تقلد الصورة ما شاء الله عليك ;-)

اقتباس:

---

الرسالة الأصلية كتبت بواسطة ahmed23
حلو الفكرة بس ترى هذي صعبة على المبتدئين امثالي

طبعاً انت مو مبتدأ عرفت تقلد الصورة ما شاء الله عليك ;-)

---

أخوي حاول ..

أجل كيف بتتعلم ..

إذا كل ما شفت شي جديد قلت ما بعرف معنى ذا ان انت ماودك تتعلم..:)

ومو شرط تطلع زي حقتي ..

خلها تطلع أسوأ ولو بكثير .. مو احنا جايين نتعلم ..؟؟

ممكن سؤال؟
لوسمحت كيف اسوي الخطوط اللي بالوسط؟

لأني بصراحه مبتدأجدا بالفوتوشوب

اخوي هذي تسويها ...

أول شي تعمل المستطيل المتدرج باللون ..

وبعدين بأداة التحديد (الخط العرضي) ..

خلي الخط على حد المستطيل اللي فوق ..

وبعدين اضغط تحت وامسح بـDelete واضغط ضغطتين وامسح وضغطتين وامسح ..

فاهم.. علشان يصير خط ممسوح وخط موجود ..

انشالله تكون فهمت ..;)

اولا مشكور على الشرح




بس مافهمت:cool:

ممكن تشرح بتفصيل زياده او بالصور

let make another thing
and let someone choose a pic

and we will try to do a good wrok

u can do that if you want ..!!