انا آسف (أقولها لكل من عشق النينتندو لكل من لمعب بجهاز نينتندو)

لاني اشتريت الدريم كاست الجهاز الذي ليس من شركه النينتندو والجهاز الذي لايساوي حتى البلاستيك حق جويستيك النينتندو


تركت الجنه ورحت لغيرها


كان لازم افكر اكتر من قبل ان اشتري ه



لانه اهبل



وانا الغلطان على كل حال
وكلامي خارج من تجربه مررت بها




يكفيكم في النينتندو ماريو بارتي
يكفيكم سماش بروس
يكفيكم اي شي



انا نادم كل الندم



لانه في الجهاز اللي حتى ما اطيق اذكر اسمه وعندي فوق العشر العاب ولالعبه فيها اسم الحلا




والله تستحق سيجا تخسر


وانا كتبت الموضوع اعتذاا من نفسي ومن كل زملائي في منتدى النينتندو
ومن اليوم لن ادخل منتدى الجهاز المعفن وسأرجع اداوم على منتدى النينتندو وانصح اي انسان الايشتري الجهاز المعفن
وشكرا

طيب بشويش ...
وين راحت شين مو ؟؟؟
شين مو الشريط الوحيد اللي يجبرك انك تشتري الجهاز و فعلا ما فيه العاب كثيرة حلوة ..

حمدالله على السلامة يا abb وانشاء الله غلطة ماراح تكرر ثانية ومنتظرين المواضيع الجديدة ...

الي يشوفك يقول مرتكب جريمه ...طيب وين المشكله


المهم تراك وهقتني


مثل ما تعرف الننتندو 64 و البلاي ستيشن الاول ما فيهم حياه .... يعني خلاص


هذي الاجازه بتكون فاضيه ...بدون العاب


كنت افكر اشتري الدريم عشان سعره جيد و عليه مجموعه العاب محترمه بس كانك تقول لا تشتريه


يا شباب عطوني نصيحه ...ايش اخذ في هذي الاجازه ..؟؟؟


او ننتظر 5 شهور لين الكيوب ...مده طويله و اجازه بدون العاب ...يا سلام


علموني و لا تبخلون علي ....نصيحه فقط لو سمحتم


تحياتي

abb:
يقلك لولا الاذواق لبارت السلع.
مو كل الناس تحب نفس الشي.
اعطيك مثال.انا اشتريت DC من زمااااااان.خرب.
رجعت اشتريت غيره ولعبت فيه.
خرب.
اشتريت ال PS2 لكن لسه في شي ناقص.ال DC.
وان شاء الله بشتري واحد اذا طلعت من البيت.
بالنسبة لماريو بارتي فصراحة سونيك شافل سخيفة قدام ماريو بارتي.بس سماش بروس في احلى منها والي هي باور ستون وورلد 2"بالنسبة لي انا".فزي ما قلتلك لولا اختلاف الاذواق لبارت السلع"او زي ما تنقال صح انا نسيتها".

السلام عليكم .كيف الحال شباب ؟بالنسبة لدريمكاست انا اكره الجهازهذا لاكن اخوي الملقوف شراه والحين متحسف لاكن انا ماانكر انه فيه العاب حلوة (تنعد على الاصابع)شنمو وسول كاليبر وريزدنت ايفل (رغم اني اكره الجزء هذا)وسكايز اوف اركيديا وقرانديا وبارستون.يعني نصيحة يافاساذا لقيته بسعر معقول اومستعمل يصير احسن بعد يعني زي ماقلت انت مافيه شي ينلعب فيه الحين على 64 .سلام

مرحبز شباب:)

فاس لو مصمم تشتري شي خذ الادفانس احسن لك
وطبعا مايحتاج اقلك ايش العابه

اما الكاست فخله عنك عشان لاتشوف الضيم الي شفته

وفي النهاية القرار راجعلك:)

حرام عليكم تقولوا أن dc معفن بالعكس سيجا العابها دائماً الثانية بعد شركة نينتيندو أو يمكن غلطتوا بالنمرة .
شباب الألعاب الرائعة الي علية كثيرة (مش من شركة سيجا بس) مثلاً جربتم سورد اوف بركس أوd2 أو هاوس أوف ذا ديد2 .

dk:كيف خرب جهازك أنت تلعب بية كرة قدم ولا تقفز فوقة عند الخسارة.

ت جيد صراحة وفي له ألعاب حلوة مع العلم إني ما اشتريته :)
FAS: اشتري في هالإجازة ps2 ماراح تندم :)

لا لا لا العب فيه كورة ولا شي.والله ما ادري ليش يخرب.بس اعتقد لاني اشتريته نظام ياباني مرتين.والخراب في اللينس.وعندنا في كل الامارات مافي لنس.
فاس:اذا كنت من النوع الي ما يرضى تفوته العاب معينة رهيبة.فلازم تشتريه.يعني اكيد لازم تلعب شنمو"انا كل يوم العبها"فيرونيكا.سونيك 2 كريزي تاكسي 2.سكايز اوف اركاديا.في العاب كثيره لازم كل واحد يلعب فيديو جيمز انه يلعبها.
اما اذا كنت من النوع الي ما يهمه.فصراحة بلاش لانهبينزل هاذي الفتره العابه الاخيرة.

يا اخ ابب هذه ليست جريمه ابدا .
لان الجهاز الذي لم يعجبك هذا قد اعجب الملايين غيرك .

وايضا الدريم كاست جهاز قوي و العابه ممتعه صراحه .

يوجد به شينمو و سونيك ادفنتشر و التاكسي المجنون وووووووووو........

وا يضا ال 64 جهاز جميل وليس فيه كلام لكنه انتهى والآن في انتظار المولود
الجديد ألا وهو الجيم كيوب .

يا اخ فاس: من الافضل انك تأخذ البلاي شتيشن 2 لان عهده سيبدأ قريبا ولم ينتهي بعد .

وشكرا

اشكركم عالرد ...تشكرون بعنف


____________


DK

تقدر تقول اني من هذا النوع .... قبل 6 شهور كنت افكر اشتري الPS2 عشان ميتل جير 2 بس ...... بس كنسلت الفكره لان مب معقول اخذه عشان لعبه حتى لو كانت تستحق

و سعره ما كان جيد ....حتى الان مب زين سعره


.... لين متى بيستمر صدور الالعاب على الدريم ؟؟؟؟

فتره تعيشك لين وصول الكيوب ....؟؟؟


ممكن تجاوب اذا ما عليك امر يعني
_____________

ماريو 128 / ديد مان 2


شكرا عالنصيحه لكن الPS2 مب حولي ... ...في المستقبل ان شاء الله


تحياتي

من الغريب أن الواحد يروح يشتري جهاز ب2300ريال عشان لعبة واحدة والمشكلة مش قد سمعتها.

لمتى والله ما ادري.
لكن لسه في العاب بتنزل عليه ما اعرف تواريخهم.
مثال عندك VF4"على ذمتك بتنزل:cool:".في هيد هانتر و سونيك 2.عندك كريزي تاكسي 2 و آوت تريجير.في لعبة اسمها ToeJam & Earl III غريبة و صورها حلوه لحد الآن
http://segaweb.com/media/tjande3/tjande06b.jpg
http://segaweb.com/media/tjande3/tjande09b.jpg
http://segaweb.com/media/tjande3/tjande05a.jpg
الشركة المطورة هي ToeJam and Earl Productions لكن الناشر سيجا.
وفي سلسلة العاب الرياضة 2K2 للتنس والامريكية و البيسبول و الهوكي اظن.
واكيد شنمو 2"نزل عرض ريو لما يكون في ساحة الكونغ فو وشوف ليش انصحك بيها".تقريبا هذا كل شي مهم للدريمكاست.مع الالعاب القديمة.والسعر ارخص من ال PSX بكثير.
"آسف خليتلكم المنتدى للدريمكاست بس فاس طلب نصيحة".
وشي ثاني يا فاس انت لعب بالديمو الي فيه MGS2 على ال PS2؟؟؟انا كنت ما اطيق الجزء الاول.لكن امس اشتريت الديمو للجزء الثاني وياريتني ما اشتريته.عقدني في حياتي شي غير طبيعي ما اقدر اوصفلك اللعبة قد ايش رهيبة وكل شي فيها تقريبا حقيقي"حتى انك لما تنزف لازم تجلس على الارض علشان توقف النزيف".و الجندي ما يقدر يطلق عليك رصاص اذا كنت ماسك جندي ثاني"نفس الافلام الامريكية"واشياء كثير رهيبه فيها.يعني تستاهل تشتري ال PS2 علشان سواد عيونها صدقني.العب الديمو و حتعرف معنى كلامي;)

MGS2 مش هالقد؟؟؟؟لا تصدق يا ibm لانه غالبا الي قالك الكلمه هاذي ما عنده PS2.او انه جديد في عالم الالعاب.