اقروا وتفطسوا من الضحك

هذا كلام الحريم بعد مايطلعون من العرس.
اركبوا السياره وكل وحده تنتبه لا تصك باب السياره على عبايتها وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله النساء بعد كل زواج0



الأولى : ايش فيك تأخرتي؟

الثانيه : ساعه قاعده ادور على عباتي 00انتي ما شفتي الحريم يتضاربون عند العبايات العبايات تلخبطت

الثالثه : يا ليتنا ما رحنا زواجهم



ليش؟



الثالثه : زحمه والبزران يتضاربون بقشر البرتقال ويلعبون بالمويه



الأولى : ما شفتي ذيك اللي كبت القهوه على الحرمه اللي كانت نايمه؟


الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة بنتي مها

الثانيه : ايش رايكم في الفستان اللي لابسته خلود؟

الأولى : مو حلو 00محنقط عليها والسحاب باين

الأولى: انا اعجبني مكياج أمل 00تقول ان زوجة خالها جابته لها هدية من باريس

الثالثه : هههههه من باريس تضحك عليك يا هبلا 00تلقينه من محلات ابو عشره

وقــــــــــفه...... فاصل اعلاني ..الجوالات ادهرت شوي

الغريب والعجيب انهم واثناء حديثهم في السياره يقولون لبعضهم 00خلاص يا بنات بس 000ترى ما يجوز نتكلم على الناس0
تكــــــــــــــــــــــــمله

الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟

الأولى : ايوه شفتها 00هههههههه متوصيه فيك 00شكلها بتخطبك لولدها

الثانيه : وجع في شكلها هي وولدها 00قاعده تقطع لي من اللحم الكبار اللي ما ينوكل وهي طايحه في لحم الزين0
العشاء

ايش رايكم في العشاء



الثالثه : دسم وكله شحم

الأولى : بارد

الثانيه :اللحم كبار

الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم

الأولى : حتى ام العروسه 00ما تعشت مسكينه 00طول الوقت قاعده تبكي

الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس

بس 00خلاص 00ما يجوز 00 صح والله 000ما يجوز 000بس شفتي .. وشفتي 00وشفتي

واخيرا وصلنا المنزل

شوفو لي حبتين باندول اكسترا
********************************************
طرفـــــــــــــه حقـــــــيقـــيـــه

اخبرني احد الأصدقاء انه في يوم عرسه قال له ابوه 00يا ولدي اذا خلوت بزوجتك فصلوا ركعتين شكر لله 00ثم ضع يدك على رأسها وادعي بالدعاء المأثور عن الرسول صلى الله عليه وسلم 00اللهم اني اسألك خيرها وخير جبلت له واعوذ بك من شرها 000الدعاء يقول 00وبعد ان صلينا ركعتين وضعت يدي على رأسها ومن هول الموقف ارتبشت ونسيت الدعاء 00ولم اتذكر الا هذا الدعاء 000000

سبحان الذي سخر لنا هذا وما كنا له مقرنين.

يوه الله يجزاك الف خير تقطعت بطني من الضحك من جهه ودمعة عيني من جهه ثانيه لان العطله الصيفيه قربت والكرف عند قصور الزواجات قربت ود امك وخالاتك(ايه انا الجدار المايل بالعائله) جب امك وخالاتك والله يعين على التكيه بره عند السواقين من القهر تعلمت لغتهم والله يخارجنا.:D :D :D :D

هههههههههههههه مشكور