ردا على موضوع العضو(ياقاهرهم يا ماجد)..(الهلال ما يولي)
بسم الله الرحمن الرحيم
هذا الموضوع أكتبه ردا على الأخ ياقاهرهم ياماجد.
أولا مشكلة التحكيم التي لم ولن يستحي النصر من ذكرها خاصة أن رئيس النصر يحتج على الحكام في كل
مباراة لفريقه حتى مع بلقولة الذي كان أحسن حكم في كأس العالم احتج عليه وقال إنه مرتشي،وبعدين يوم
تقول إن بطولة الخليج غير مجدية فأقول إن فريقكم يفتخر بأنه حصل على كأسين لهذه البطولة وإذا تبغا
نمسحها عن الزعيم فنحنا مستعدين لكن فريقكم اللي لو مسحنا بطولاته الخليجية لصارت بطولاتكم عددها 18
وبعدين ترى قطر القطري هو اللي لعب معنا مو السد لكن يمكن الفيوز ضاربة عندك شوي،وبعدين ترى هدف
أكوا كان تسلل لكن أعتقد إنك تشوف المباريات على القناة الثانية وما عندك أوربت(الله يعين).وإذا كان
بلاتشي مدرب غفلة فإنه جاب بطولات عديدة مع الهلال أهمها بطولة كأس العرب اللي الله بلى النصر فيها
دايم يشارك فيها ويصير الهلال مشترك فيها ولا نسيتو بطولة السوبر العربية اللي انحرق دمكم فيها.
بعدين أعتقد إن مصادرك الكروية بل ثقافتك الكروية مشكوك فيها والدليل:
1-تقول حقق المنتخب السعودي كأس آسيا 84م على يد ماجد وعبدالجواد إلخ ونسيت صالح النعيمة و
المصيبيح خاصة أن قيصر الكرة السعودية النعيمة لعب في مباراة نصف النهائي وأصيب وأجريت له غرز تحت
عينه ومع ذلك أكمل المباراة ولاعبكم الكبير ماجد في هذه البطولة ماجاب حتى لقب الهداف لكن يمكن
الذاكرة عندك يبغالها فرمته.
2-بعدين يوم تقول إن بطولة آسيا 88م سجل ماجد هدفين في النهائي على الصين فأقولك إن والله مخك يبغاله
فرمته لأن بطولة 84م هي التي لعب فيها المنتخب السعودي مع الصين وبعدين من قالك إن ماجد جاب الهدفين
الهدف الأول أحرزه شايع النفيسه،وبعدين بطولة 88 فاز المنتخب على كوريا بركلات الجزاء وهذه البطولة
بالذات كان نجمها الأول النمر الفيلسوف اللي صلح ورفع أكثر الكور للعجوز ماجد ويوم أصيب الثنيان في
المباراة النهائية وما لعب وش سوا ماجد ولا هدف وانتظر المنتخب لحد ضربات الجزاء.
3-يوم تقول إن المنتخب تأهل لكأس العالم عن طريق ماجد والعويران أقول إني أسوي فرمته بسعر رخيص إذا
كنت ناوي تسوي فرمته لمخك لأن المباراة اللي تتكلم عنها كانت التصفيات الأولية أما المباراة اللي تأهل
المنتخب لكأس العالم كانت مع إيران وكان بطلها الذئب سامي الجابر وفهد المهلل وأصلا ماجد ماكان مع
المنتخب في التصفيات المؤهلة.
4-كأس العالم 94في أمريكا ماجد لعب جميع المباريات ولم يسجل أي هدف بل إن سامي صغير السن تسبب في
ضربة جزاء وسجلها أما ماجد فكان عبء على المنتخب حتى الغشيان اللي لعب مباراة واحد سجل هدف والهريفي
اللي فرحان فيه ضيع هدف محقق مع بلجيكا وكان رايح يضيعنا،وأيضا لم تذكر الدعيع اللي كان له الفضل
بعد الله في ظهور المنتخب بهذا الشكل.
5-(الجميع ارتاح بعد مااعتزل ماجد)والله الهلال كان أكثر الفرق السعودية تحقيقا للبطولات في وجود ماجد
وغيره والزعيم مشهور في حصد أول البطولات للوطن.
6-يوم تقول إن كارلوس ألبرتو قال إن المنتخب مافيه راس حربة بعد ما اعتزل ماجد ياأخي ماجد حقك كان
موجود في كأس العالم 94 وما سوا شي يالله حسن الخاتمة.وبعدين أشوف إنك تحط الهلال هو المنتخب وكأنه
مافيه لعيبه من الفرق الأخرى وترى كارلوس حقك خلا إبراهيم ماطر يلعب وبعد عشر دقائق غيره والله عيب
وأول مرة أشوف لاعب يدخل وبعد عشر دقائق يطلع يعني لاعب فاشل.وترى ماطر كان في دكة الإحتياط ودخل في
الشوط الثاني بعدين طلع.
7-تقول سامي الجابر هو سنتر 9 سامي ياحبيبي لاعب بمعنى الكلمة وإنتو يالنصراوية تكرهون هاللاعب بالذات
لأنه وقف لكم وسوا فيكم الهوايل وجاب أكثر البطولات للزعيم وترى عنده ألقاب أكثر من العجوز حقكم اللي
فرحان بلقب عميد لاعبين العالم اللي طار من يده الحين.
8-يوم تقول إن الإعلام هلالي ترى أول فريق يطلع جريدة خاصة فيه هو نادي النصر وهي جريدة متخصصة في
أخطاء الهلال فقط ومعهم حق لأن فريقهم ماعنده شي عشان تتكلم عنه الجريدة.
9-تقول إن الهلال ماقدر يفوز على سامسونج الكوري فأقول إن نصركم العزيز ماقدر يفوز على هالفريق وكلنا
نعرف بطولة التعادل الشهيرة بطولة كأس السوبر الآسيوي اللي أخذها النصر بالتعادل.ويوم تتوقع إن الهلال
مابيحقق المركز الثاني في البطولة الآسيوية الشهر الجاي أقول على الأقل يشارك مو مثل بعض الأندية.
10-ناديك النصر له 19بطولة فقط أما بطولاتكم 33 فما أدري من وين جبتوها حتى بطولات الحواري سجلتوها
وللأسف ماوصلتو للزعيم والله حرام وأنا أتعاطف معكم في هذه الناحية وترى فليبان رجع جميع الطلبات
لنادي النصر يوم ارسل البطولات المزعومة .
11-تسمي ناديك العالمي وأعتقد إن العالمية ماتجي عن طريق المشاركة في كأس العالم والهلال لم يشارك في
كأس العالم وتصنيفه في الفيفا من أحسن 100 فريق في العالم وفريقكم عمره مادخل هالتصنيف وترى العالمي
حقكم ماسوا شي 3أهداف من ريال مدريد اللي لعب دون مستواه وسمعت آخر نكتة إن النصر قاهر ريال مدريد
أجل الأهلي المصري وش نسميه وهو فاز على الريال وروما.وترى إذا تبغون تحطون جائزة اللعب النظيف مع
بطولات النصر حطوها ماعندنا أي مانع.
12-النصر أكثر تحقيقا للفوز على جميع الأندية السعودية لكنه أقلهم بطولات.وبعدين من ضحك عليك وقال إن
ماجد أفضل لاعب في القرن الأسيوي وترى حتى هنا في السعودية ماجد ما أخذأفضل لاعب في القرن والنعيمة
أخذ أفضل لاعب في السعودية والخليج باستفتاء جميع الصحف الخليجية.وأعتقد إنك تروح الملعب إلى اليوم
وإنت تشيل علم ماجد معك حق والله النصر مافي عنده أحد.
في الختام أحب أقول إنك ياقاهرهم ياماجد أنت أحد أعضاء الشرف في نادي النصر وأيضا أنت
مكلف من قبل إدارة نادي النصر ،لكن نسيت أقولك آخر نكتة رحت أنا وشباب لنادي النصر ويوم رحنا نصلي
في مسجد النادي تخيلوا وش حصلنا المسجد بدون هلال في المنارة ووضع بدلا منها كلمة (الله) يعني حتى
الهلال اللي على المسجد شلتوه وهذا الكلام تروه صحيح واللي مو مصدق يروح المسجد ويشوف .وإذا كان
الزعيم هو عادل إمام فالجواب هو نعم لكن حرام أن نضع الزعيم إسماعيل ياسين وهو النصر وشكرا.
كتبها لكمsam9cool@hotmail.com sam cool
