الشررررررقيه آه آه السوسه آآآآآآآآآآآه
رحنا الشرقيه وجينا بس روحه تجنن فله وغبيه
وذكيه ومهسترره وكل شيء مدرررررررري وشو
المهم قررنا نروح الشرقيه أنا وأهلي يوم الثلاثاء
رجعت من الجامعه وقلت لأهلي تكون جاهزين العصر
لأني مريت أخويتي ام السوسه آه الدبه آآه
رجعت البيت وأنا يمكن من أسبوعين (واحد نصاب :p )
مجهز أغراضي وقلت ميد الشغالات ركبو الأغراض والعفش
وقلت ميد أمي وأنا فرحان يمه قصيت بوررردينق :)
أصلاً بنروح بالسياره أوجغها رأسها شوي بعدين قامت
طقتني من الضحك ( اللي يروح الشرقيه بطائره اسمحولي
أقووول انه غبي بالمره ) ليش المطار بعيد هنا وهناك بالرياض
وبعدين تكون الروح 4 ساعات مع روحة المطار ( وجع) ماعلينا
المهم صليت العصر ونسيت أعبي بنزيييين وأغير الزيت
تأخرت الرحله (مطار جده) رحت عبيت وغيرت بالمحطه
وحفاظ على السياره حطيت على الوجه فيري (زيت) ليش ؟؟
عشان الوجه ماتتقشر البويه حقته مع الهواء والرمل ( عرفتو )
رجعت البيت وطلعت فووق نسيت وش سويت وقلت لأهلي اذا ركبتو
ضربو بوري ( طاط طاااااااط) السياره جو البيت مو بر على فكره
المهم ضربو (طاط ) نزلت وكانت المفأجاه الوجه حق السياره يلمع
ونظيفه ( ياناس قعدت اناظر اقووول ليكوون بنروح زواج مو الشرقيه
وأنا ما أدري ) شوووي طليت على الأهلي بالسياره وقلت من
النظيف اللي نظف الوجه وشال الزيت اللي عليه :غضب:
قالت أختي أم السوسه انا خليت بهيه (الخدامه ) تنظفه
قلت ليش ؟؟؟؟ ياستيوبيد هذا عشان ماتتقشر البويه
قامت وفطست ضحك , قلت لا والله ترى اذا جاء السياره
شيء تصلحيه وتصبغينها يالنظيفه ( تقهررررررر :" )
حركنا من البيت ومسكن الخط
سواليف على الخط ومسابقات ومطاعم وكل شيء
تصدقوووون طلعت السياره باص وقصة يوسف
وأناشيد جماعيه وقشمي ياخالتي ووسخي سيارتي
المهم بقا على الشرقيه 100 كلم بس ( صح شووويه )
طلعت علينا بنت صغيره في السياره تقووول يمه حسرااانه
قالت الماما : قلبي وقف عند أقرب محطه ( امي تناديني قلبي :cool: )
وقفنا عند محطة جوده ( شكلها حقت ياجوود يالشينه
ولا تقولينا ولا تخفضين لنا بنزين :p )
المحطه مافيه حمام نساء بس فيه المريديان والشيراتون
( فيه فندق جوده ***** حمسه نجوم )
الساعه بـ 250 دولار شل الصفر والدولار يطلع 25 ريال
عرفه فيها سرير وتلفزيون يكسر الرقبه في السقف :"
وأهم شيء فيه حمام كل واحد خلص غرضه
وبعدين قالت امي : خلينا نتريح شوي ونتقهو شاي وقهوه
قلت يامامي باقي على الشرقيه 100 بس حراام عليك
رايحين الشرقيه والا جوووووده
قعدنا عشان القمر وكيك نورشيديا بالكاكاو
وتمر وقهوه بغيت انوم بس اشو
طلعنا ومسكنا الخط وضحك لين وصلنا بالسلامه ( الله يسلمكم)
ورحنا الشقه حقتنا وعلى طول نزلنا وكل واحد بفراشه ونووم
إلى حد 10 ص وبعدين طلعنا البحر ومنها أكيد طلعت أصوات
كثيرررررررره
دباب نبي يمه دباب نبي يمه
خذنا 6 دبابات الا انا قعدت مع امي اسوالف
شوي ويجي نبأ من أخوي العنبر
أختي أم السوسه انقلبت بالدباب
بس اشو ماجاها شيء جت تضحك
وبعدين جت الأخت الثانيه عميت طلاله
ومحروقه شوي من عبايت سوسو عامر
من الدباب
انفجرت :غضب: سوسو ليش حقت المدرسه
ليش تقطعينه ليش يمه شوفيها
وبعدين تغدينا ورجعنا وبالرجعه قالوا بنروح الراشد
يقول المثل ( قال : رحت الشرقيه قال : ايه
قال : رحت الراشد قال : لا
قال: أجل مارحت الشرقيه ) هذا عند أهلي غصب
يرووح الراشد أحس ماكسبها الا هم
قالت امي تروح على طول قلت لا بنروح الشقه نغير
ملابسنا وسخه ورحنا الراشد وأمتلت شنطه السياره
أغراض نصها ( سينبووووون )
وبعدين رحنا قرية العزيزه الخميس وركبت الخيل ( ترى أنا خيال )
ويوم الجمعه تغدينا على البحر كان الجو ( جمده) بررررررد
وحركنا راجعين للرياض وفي الطريقه ضحك ونكت وأشعار
وقصص وفتاوى الشيخ زياد الوهبي ( ولد أختي)
أول ماوصلنا الرياض شغلة المسجل بالغلط وبدأ
هز الخصر من السوسه آآآآآآآآه الدبه آآآه السوسه آآآه
سوووووووت حوسسه صغنونه قامت ترقص ذا الرقاصه
تجنننننننننن ياناااااس وررربي
الللي يشوفها غصب تعجبها دووووووودي لقبها
وصلنا البيت منهد حيلنا بعد نروحه سوسه آآآآآآآآآآآآآآآآه
وحوسسسسسه
هذا روحتنا السوسه وسلامتكم
شرأيكم فيها مو غبيه
