اكتشاف محل جديد في الرياض ... العاب جديدة .. واسعار رخيصة !!

السلام عليكم ..

اظن انه قد انتهى زمن شيبو و عبدالقادر .. ( جزيرة الكنز و ركن البرامج ) .. اكتشفت محل جديد ;) عنده انواع الالعاب الجديدة وياسعار مميزة ..

الالعاب الي لقيتها عنده :

جنرالز , انريل 2 , سيم سيتي 4 ,انريل 2003 , ايج اوف مثيولجي , مافيا.. والعاب كثيرة غيرها ..

ويقول ان سبلينتر سيل بتجي بكرة ان شاء الله !!

سعر السي دي الواحد عنده : 10 ريال !!!!

مكانه : في حي الملك فهد , خل سوق العويس على يسارك وسوق طيبة على يمينك الاشارة الي بينهم امش قدام ..راح يجيك على اليسار البنك الاهلي انت امش قادم .. الين ينسد الشارع .. ديور .. اذا ديورت بيجيك على اليمين محل اسمه (( اعلام )) امش قداام .. بتجيك محلات كثيرة على اليمين اغلبها محلات خياطة رجالية .. بيجيك (( ميد )) المحل بعده بشوي ..

اسم المحل : الصور للكمبيوتر .. هو محل بلاي ستيشن اصلا لكن عنده العاب بي سي ..

انا خذت منه كم لعبة وكلهم تمام ;) ..

الي ما فهم الوصف يسال واعلمه ..

سلام .. :)

وش رايكم بالمحل ؟؟ :)

شكلو حلو الموقع

سبلينتر سيل نزلت عنده اليوم العصر .. ;)

توني شاري لي وحدة واللعبة ممتازة .. بل واكثر من ممتازة .. خاصة لمحبي العاب التجسس والحركات .. ;)

سلام .. :)

مشكوووور ابي اروحله اليوم العصر واخذ كك لعبه

المحل قريب من عندي;-) ;-)

مشكور على الأكتشاف الرائع

وييييييين يااخي


أخوي انا رحت لنفس المحل اليوم ....

وقال مايبيع العاب PC .....

كرفتنا مشوار الله يهديك :(

مشكور على المحل

اخوي سلمان انا قبل امس رايح له وخذت منه سبلينتر سيل

شكلك ملخبط في المحل , الظاهر انك لخبطت في الوصف ودخلت محل غيره

انت وين بالضبط رحت ؟

ياناس لا تجنوني ....

انا رحت لنفس الوصف ونفس المحل ( الصور لألعاب الكمبيوتر ) وبعد فيه باللوحة كلمة صغير هي ( المتقدمة ) ....

وسألته وقال مافيييييييه ....؟؟؟؟؟

الدعوى فيها كلمات سرية والا شغلات خاصة والا ايش !!!!!!!

ان كان فيه واسطات سوو فيني خير تكفون ....

نعم المحل اسمه الصور لألعاب الكمبيوتر

وتلقى الهندي حاط اللستة على الطاولة وفيها العاب البي سي

انت يمكنك سالت عن لعبة وما لقيتها , لان هذي مشكلته هو , كل ما يجيب نسخة علطول تروح لان فيه ناس واجد يروحون له , رخيص والعاب جديد , سبلينتر سيل قعدت اتردد عليه 4 ايام , كل ما رحت له يقول خلصت الى ان حصلتها اخيرا

اخوي وولف انشتاين /////

انا ماسألت عن لعبة معينة , ولاحظ ردي السابق وتعرف .... هو قال ماعندي العاب pc كللللللللش !!!!!!!

:( ليه انا بالذات حظي كذا , متعني وقاطع مسافة علشانه وبالاخير يجحدني !!!!!

مشكور والله على الموضوع تصدق أخر محل أفكر عنده ألعاب بي سي:0)