1 مرفق
اوعى كده, لالا بليز بلاش تاخد لي صور, الميك اب مهو مزبوط
سلامو عليكو ورحمه الله وبركاتو والي ف جيبك هاتو :o
الدنيا تتغير ف هل النفوس تتغير كمان؟؟؟ كل الناس تقول انها تتغير, بس انا شايف نفسي مااتغيرت على احد ولاعمري but no one cares:( , طبعا اتغير للافضل بس انا اقصد ب تغيير النفوس للاسوء يعني
حاجات كتير حصلت فيا, اتعلمت برضو حاجات, واتعملت اني اسمع كلام اهلي لانهم يبغو مصلحتي, اللي معايا ف المسنجر اكيد يلاحظ النك نيمز اللي كل يومين تتغير بس بسبب النفسيه اللي مش ولابد. بس نحمدو
كيفكم....
:o انا كويس الحمدلله
المهم, ادي الله وادي حكمتو, نشره المنتدى هذا الصباح اهي جبت لكم هيا, (صح دحين 11 و 45 بس عندكم ف السعوديه 12 الا شويه ) صحيح انها مهي قد كده, هدا الموجود
بسم الله بديت
#@#الناس ضحايا الحريق عاده يطلعو منها ف حالتين, اما يروحو لل المشرحه عشان نتمرن عليهم, او يعيشو بس يكون حصل تغيير كبيييير ف مظهرهم(الله يعافينا), الجلد الصناعي دحين متوفر بس لساعو قيد التجربه,
مسؤل ف جامعه متشيجان صرح ب انو الجلد الصناعي يساعد على تغذيه الخلايا المتضرره ويحفزها ع النمو للتعويض(كل الخلايا ف الجسم تعيد بناء نفسها ماعدا الخلايا العصبيه وان حصلت تجارب وفي تقدم للعصبيه بس تقدم سلحفائي. اظني فصلت عن العصبيه ف موضوع قديم
ايوا,,,الاطباء طبعا ماسابو مناسبه الا وصرحو فيها, حذرو انو الجلد هدا مهي فعاله وتكلفتها غاليه, وكمان ممكن تسبب التهابات للجلد
--------------------------------
#@#صاله كريستي ف لندن من اشهر قاعات المزايده, تستعد لعرض احذيه وبلايز نجوم العالم ف كره القدم, بيليه او رونالدو وبيكهام.
التوقعات تشير انو الحذاء اللي سجل فيه بيليه هدفو رقم 1000 سنه 69 حيوصل ل 12 الف باوند, وقد يصل احد احذيه رونالدو الفار ل 1500 باوند. ووحده من بلايز ديفيد بيكهام اللي لبسها ف 2002 سعرها 2500 باوند
-----------------------------------
#@#مع انو بوش الكاوبوي شغال تصريحات وتحديات بانو حايقوم حرب على صدام (مش ع العراق) استطلاع راي بين انو البريطانيين الي سافرو السنتين الماضيه حايسافرو وحجزو للسفر عشان يقضو اجازتهم ف الخارج
33 ف الميه حجزو عشان يعطلو ف الخارج
17 ف الميه يعتزمو السفر
4 ف الميه ماحايسافرو عشان الحرب
#@#اذا وقعت حرب لاسمح الله, مصر حاتضرر ف السياحه وتخسر 2 مليار دولار
--------------------------------------
#@#هنا ف مصر حاله الجنيه حاااله من جد
من 5 ايام الدولار وصل لسعر خيالي, 6.60 جنيه
دحين نزل ل 5.95 والسعر لسه بيطلع وينزل
طبعا انا مااتكلم عن سعر البنوك, BLACK MARKIT ;)
-------------------------------------
#@#اكيد سمعتو عن دينا الرقاصه المهم, حكايتها من جد اعوذ بالله بطاله
دينا اتزوجت من رجل اعمال اسمو ابو الفتوح, اتزوجها عرفي, يعني على الورقه بس ولو حرقها تصير مهي مراتو
انا ما اسميه زواج ههههه اسميه قله حيا رسمي
المهم اتزوجو بعض وابو الفتوح صور مغامراتهم العاطفيه ودينا ماتدري
المهم مرت الحكايه من زمان على خير, الحكومه طبت ف مكتب ابو الفتوح وضبطو معاه مخدرات ومموعات واسلحه
ومن ضمن الاشيائ الي لقوها شريط فديو, شغلوه وشافو دينا وابو الفتوح. واحد من المباحث واشي سرب نسخه من الفلم للاسف واللي اخدها نسخها وانتشرت بشكل رهيب هنا ف مصر (ف ميدان لبنان ينباع السيدي :": ب خمسين جنيه)
اضطرو ينادو دينا للتحقيق وهي كانت بره البلد واتضح انها ماتدري حاجه
المهم من الحكايه انو دينا دحين لبست الحجاب
والله يستر عليها
-----------------------------------
#@#اللي حصل ف الخمه –خمه من جد- العربيه من جد عيب, عيب وعيب
اللي حصل ف القمه الاسلاميه اخس والعن
من جد ايش هدا
اول مره اشوف دبلوماسي و ع الهوا اول مره اشوف احد يشتم ع الهوا
ههه من جد عيب
انا مو من اللي مايحب العراق او يحبها, بس اللي حصل منها من جد عيب
:غضب:
--------------------------------
#@# صدق او عساك ماصدقت, جاريد شيبمان واحد امريكي صنع نموذج ل حامله الطائرات نيميتز صنعو من الورق طولها 9 قدم وتتكون من 320 قطعه
ايدي فراي اخترعت جهاز انذار حرايق ناطق يرشد الانسان كيف يطلع من البيت اذا حصل حريق what's the big deal:أفكر: Edd .....0
---------------------------------
#@#مروه, راقصه وبنت ليل وليلتها ب 800 جنيه, ابوها جزار جبار, هربت من البيت ب سببو, رعتها ساقطه علمتها اصول المهنه, شرطه الاداب مسكتهم خلااص
الى الان والشي هدا عادي وياكترو ف مصر
مروه عمرها 12 سنه بسسسس
عظيمه يامصر:أفكر:
--------------------------------------
#@#كمبودي عبيط كان بيستعرض مهاراتو ف الرقص في فرح, حول الزفاف ل ماسااه
طاحت قنبله من حزامو وانفجرت وقتل 4 (هو من ضمنهم طبعا)
------------------------------------
انا حاطط لكم ملف موسيقي مرفق, لاتسمعوه وانتو ب تقرأو الرساله :6
كل الموضوع انو بليييييز اسمعوها ولو احد يعرف اسمها يقووووولي بسرعه
الموهم, النشره مش ولابد بس من زمان عنكم وحاجات كتير حصلت ف المنتدى بس انا مني دراي عنها, مشو حالكم
....
...
..
.
:-)
