Gallery=-My Blue Heaven:2nd run

السلام عليكم ورحمة الله وبركاته!!!

شحالكم جميعا؟؟؟!!!؟
شاخباركم...؟!

والله اني زي الضايع... من زمان وانا منقطع عن العالم.... اربع اسابيع@@:" :" :"


والله وحشتوني.... وهاي اهدائي عن مدى اشتياقي لجلستكم:":

هاذا الجاليري الجديد... بشغل My ايد:6

ورسمة المحبة هي اللي بتدشن الموضوع..!

وهاي رسائل لبعض الأعضاء...

كبمارو.. ورانزي.... شحالكم... عسا ماشر... الموضوع مايستاهل... وتذكروا ان لكل قصة وجهات نظر متعددة... كبمارو يمكن انت عشان الحموة زي وبط شبدك اللي تشوفه... مالومك...
رانزي.. يمكن انتي نيتس سليمة لكن المعلومة وصلت بالغلط

حسين.... باط شبدي.... دايركتلي جبتني في موضوع مادكا.. حطمتني ياخي... يعني لازم اموه:6

سبيس... وينك ياريس؟؟؟

اعضاء ARMP من جيم لشاعر للشباب كلهم.... ازيكو؟؟؟ :D

رواية... ويني عن سوالفك.. من زمان عن طرواحاتك الفكرية... طفشان ودي بمتعصب اركده واعانده...

ابة ممموووووووووووووووووور بدا (تعرفون انفسكم)

وللبقية... الجداد والقدام السلام والتحية مع المحبة والتقدير وملعقتين اعتذار:":

لما ينتهي الدوام الساعة 7 المساء واوصل الغلرفة ثمان واتعشى تسع واتبطح لعشر تبدى حربي مع نفسي للتطور...

محاولاتي:أفكر:

SOT خي قصة كنت افكر فيها من زمان ولكن ختلطت علي جميع افكارها وخلاص صرت انا ضايع وماعدني ذاكر شالسالفة...

المهم... اول صفحة شخبطتها من SoT وانا اتدرب... بس سويت ثلاث وبسبة اني ماحددت شالقصة هذاني ضايع وماقدر اكمل...

الصفحة الثانية:6

الصفحة الثالثة...

ودي اكملها.. لإن شاء الله في هالاجازة..

أهلا بك مجدّداً يا تويا العزيز:)
مبروك هذا الجاليري الجديد..
بالنسبة للرسوم فالرسمة الأولى رهيبة تدل على أنك كنت تبي منها الوضعية و القياسات فيها مضبوطة و العلامتين اللي في أسفل الجهتين من البنطال سرقو نظري! تمعّنت و تأملت في الفكرة هههه:D عجبتني!
الرسمة اللي بعدها الوجوه بالنسبة الى الوجه اليمين في الأسفل هذا عدل و عجبني اللي لقيته غريب فيه هو طريقة رسمك للأنف و لكلٍ اسلوبه طبعاً بس حلوة..الرسمة في اليسار فيها خلل:( ما أدري بس أحس الملامح غريبة و مو على بعضها بس الظاهر أنك كنت ناوي تسوّي ملامح لوجه واحد مخشّن!!
الرسمة اللي بعدها ذكرتني بفيلم بريف هارت!(لازم أشاهده يوم الثلاثا..هذي المرة المليون أشاهده:D ) سيفين في منظر يخلو من الحياة و كأنهم وُجِدو هنا لأن الكل ترك القتال! منظر يوحي لي بالكثير من الأفكار!!
بالنسبة الى الرسمة اللي بعدها و هي الشخص اللي يقطع طريقه في الحشيش هذي رهيبة ! يا أخي أنت تختار أفكار و وضعيات غاية في الروعة! أعجبتني أفكارك في الرسم!
المزيد يا تويا و بالتوفيق..

سميت الملف airhead.... ليه؟؟؟ اللي عنده قوة ملاحظة بيعرف ليه:0)

صدقت فيها.. انا كان ودي اسوي ملامح قوية ووجه خشن... لكن واللد طلع كخة بعد التحبير... لازمه شوية شغل على الفوتوشوب ونظبطه... لكن ماكو وقت جدول اعمال مزحوم... ولازم انزل البضاعة وافتش واطلع بيان (لعدم المؤاخذة الولد انعدى من دريولات الشحن في الجمارك)

وبالنسبة للجمجمة خصوصاً في الرسمة الأولى مادري ليه شكلي طحت في شكل الجمجمة... بس لازم اوريكم علامتي الجديدة اللي رسمتها بالصدفة وانا احوال ارسم كوميك بين شغلي والمنتدى:6

فله

Airhead! ما أدري بصراحة السبب! بس أمس حطّو فيلم في 2 اسمه The Airheads هههههه عساك شفته! فيه آدم ساندلر أيّام ما كان بعده لسّه ما يشتهر بقوّة..
احم..
الرسمة حلوة طريقة تعاملك مع الملامح في هذي الرسمة رهيبة و النظرة اللي في عينيه عجبتني جدّاً! الجسم أوكي كلّه بس لما ندخل في التفاصيل مثلا العضلات فيها خلل! أحس كده! المفروض ما تبرزهم بخطوط واضحة من كل جهة في الجسم لأنه واضح أنه مش مفتول العضلات و طريقة ابراز العضلات تناسب الضخام المفتولين! و عندك اليد كلها أوكي بس الأصابع ما أدري صغيرة يمكن! بس كلها على بعضها حلوة! و مثل ما قلت لك! يا أخي الوضعيات اللي تختارها غاية في الروعة! بالتوفيق يا أخي..

based on poular demand لونا هالرسمة... الخلفية والتوقيع اعطوني هدوء على المستوى الشخصي":"

سلام تويا!! و اخيرا رجعت! الحمد لله مشكلة المنتدى حلت في الوقت المناسب

مبروك على الجاليري الجديد , ابقاء الأسم القديم فكرة صائبة تماما :D

ماشاء الله اذهلتني ..لازم نحبسك في البطحاء سنة كاملة (بدون اكل او شراب :غضب: ) عشان ترجع مانجاكا ب 4 دانات كمان :p

الرسمة الأولى مضبوطة اجزاء الجسم متناسقة
ما زلت تتبع اسلوب بليم ...التنويع مفيد احيانا!
لقطة السفين ابداع! قما قال اخي العزيزس الوكارد ذكرتني ب بريف هارت
تعال ...هل هذه مقدمة لقصة السيفين القديمة؟ كنت كتبتها من فترة على ما اعتقد !

بأنتظار المزيد! و لا تنسى اضافة الألوان الجميلة! :D

واصل ! بالتوفيق


سلام

اوه رسمة ملونة (اتظاهر بعدم رؤيتها من قبل)
الوان هادئة ..اختيار جيد للألوان
جميل!!

بالتوفيق!

سلام:) !

helloooooooooo
تويا :D اشلونك شخبارك:6

ووواااااووو الرسومات وايــــــــــــد حلوه

ابدعت هذي المره":"

كككوووووولللللل:cool:

بانطر الرسومات النيو باحر من الجمر


استمر تره انا وياك


سي يو سون

الوكارد... شكرأ على تشجيعك الدائم عزيزي وصدقت في ملاحظاتك.. وبالمناسبة انا سميت الملف airhead لأن راسه مقارنه مع الجسم حبتين كبير شوي... بس يمكن ذا الكلام على الورق @@

وزين انك ذكرتني اطالع brave heart على 2 قد اني نسيت... وناسة Brave heart لن قسته تراجيديا من جد... الغوا النهايات السعيدة... خلو كل الفلام تحطم ونهايتها تبكي:6 :0)

space... اهلين ياريس...

:غضب: :غضب:

حبس؟؟؟ وبدون اكل وشرب كمان؟؟؟؟:غضب:
انت تبغى روحي تطلع...؟؟؟!؟!؟ انا يكفيني بعدي عن النت.... ولا المسجل الخربان اللي اسمع له لما ارسم... الغاني مبطأة واحس الغنية اللي مدتها ثلاث دقايق تصير اربع من المتغيط...:غضب:
ولا الراديو اللي مير يجيب تكنو مال امه داعي... والوشوشه.... أخخ:غضب:

ولا المطاعم اللي هناك... عشانا يأما مظبي ولا مندي ولا مضغوط... وكانا كلش غيرنا ايدامات مشكل وبامية... وخبز افغاني فوال:غضب: :غضب:
ولا السواق اللي تقول وش لون لوحتك يعطيك لون السيارة او يوقلك... أع؟
:غضب: :غضب:

أخخ رججججججججج... لازم اهدي... لازم?: :":
أحم أحم.. شكراً لهذه المداخلة... شكراً على اتصالك (قطعوا الولد من الخط)
موب مهم

شكراً على التعليق يمعلم.. والالوان قادمه إن شاء الله
وحلوة مانجاكا بأربع دانات هاذي ههههههههههه

اللورد الكبير:6 ...

أهلاً بشيخ المانجاوية...

شكراً على مشاركتك ووقوفك معي وانتا معلم واحنا تلاميذك... ودي لو اوشف لك دروس في منتدى التعليم:6


اوكي هذا الشعار هو شعاري الجديد... للأسف هاذي نسخة بسيطة. بشغل نص ساعة بالماوس... هاذي الفكرة العامة اتمنى انها تعجبكم:6

الشعار اللي وعدتنا فيه!
الشعار رائع! و الألوان اللي استخدمتها رهيبة! و الجناحين ألوانهم بالذات استهوياني و المؤثرة اللي استخدمتها فيه مُناسبة جداً!
الشعار كلّه على بعضه ما عليه كلام...بس اللي أشوفه أن لو تزيد التفاصيل فيه راح يكون مضبوط أكثر! و على فكرة ذكرني الشعار بالمخلوقات الكاسلفينيّة! يعني 100%:D
بالنسبة للرسمة اللي لوّنتها حلوة! أنت استخدمت فلتر في تلوين البنطال صح؟ عجبني بس لازم تركّز على مناطق التظليل و الإضاءة أكثر و تعطيهم اهتمام, و يسعدني أن أرى لك رسومات ملوّنة أتمنى لك المزيد من التقدم عزيزي تويا و بالتوفيق..