بنات الجنز؟؟

يميل القلب لديار ربت فيها بنات العز*** وتاه القلب في بنت أصيلة كنّها
الماسه
ابوها لا لفى ضيفه..يفز وهي معاه تفز***كثير أشغال تقضيها ..أنا اشهد ما هي محتاسه
شجاعه ماتهاب اللي يحب الشر وقام يخز*** صدوقه ماتحب اللي يكون الكذب هو ساسه
شريفه ماهي مثل اللي اذا شافت غريب اتقز*** عفيفة ما تحب اتكون بالتذليل منداسه
تقهوى بزين فنجال اذا أنصف تقوم اتهز*** ولاهي من بنات اليوم تصب البن في كاسه
لها في لبسها حشمة ولاهي من بنات الجنز***عباة الكتف تجهلها ..عباته تعتلي راسه
أنا أشهد تجهل اللكزس وماتعرف جديد البنز*** ولاهي من بنات النت على الكيبورد دواسه
أنا أشهد تجهل المعنى من ويلكم ومن وت از *** ولا في عمرها شافت قلم رصاص وكراسه
لها في صوتها سحر من يسمع حلاه انيز***لها في هرجها حل تمنى الكل مجلاسه
لها في نظرة عيونة خناجير بالحنايا اتغز*** ومثل الشهد شفتها وأحلى العطر بأنفاسه
واكثر شيء جنني اذا شفت الكتوف ترز*** حبيبة خافقي والله..نحيلة خصر مياسه
وأكثر شيء غربلني اذا قالت لغيري طز*** أهيم بدنيتي كني حزين زالت اتعاسه
بداوتها تميزها وهي اصلا أساس العز*** هي الالماس معدنها ومنهو يرفض الماسه؟؟
;-)