حياتك على النت؟ او في الواقع؟

عرض للطباعة

عرض 130 مشاركات من هذا الموضوع لكل صفحة

15-03-2003, 10:26 PM
Arsene Lupin

حياتك على النت؟ او في الواقع؟

سلام...

الموضوع هذا خاص بالمدمنين :6 ... يعني الي تقدر تقول تكونت له حياة على النت...

وش تفضل... حياتك في الواقع؟ او حياتك على النت؟ و ليش؟

معليش بس نصي نايم... فما ادري وش لون اشرح... فياليت تجاوبون على السؤال قد ما تفهمون... و من جميع النواحي الي في راسك...

و لاحظوا ان السؤال وش تفضل... و ليس وش تحتاج... يعني بالله لحد يجي يدقق و يقول سؤالك لازم يتعدل و مدري ايش... و الثاني يقول لا تعمم (&)

يعني سولفوا بشكل عام عن هالشي... و بصراحه...

عموما... انا انشالله ابنقطع عن النت حوالي الاسبوع (يمكن ناخذ لفه على هالبلد الغير معطاء (&))

فقلت اجدع موضوع قبل لا امشي..

يالله سلام
15-03-2003, 10:34 PM
ورد

اقتباس:

الرسالة الأصلية كتبت بواسطة Arsene Lupin
سلام...

وش تفضل... حياتك في الواقع؟ او حياتك على النت؟

-----------------------------------------------------------
عموما... انا انشالله ابنقطع عن النت حوالي الاسبوع (يمكن ناخذ لفه على هالبلد الغير معطاء (&))

فقلت اجدع موضوع قبل لا امشي..

يالله سلام

وعليكم السلام

لا هـــذا ولا هـــذا....

تقريبـــا كلهم سوا...

ولكن ممكن اقدم النت على الواقع ....

بالنسبة لي افضـــل على الواقع...

تروح وترجع بالسلامة :)
15-03-2003, 11:03 PM
Abo Naif

بصراحة انا افضل النت..........بس هالأيام انا احوال اخفف منه لأني بالقليل 5 ساعات يوميا:واو:

بس الأهم ...حياتنا الواقعية !!

اكيد

لأن الأهم عندي الحياة الواقعية ....وتشكل 99% من حياتي

اما النت فأستخدمه لتسلية وبس :)

أو اذا الدكتور طلب منا بحث :D

ومشكور
15-03-2003, 11:33 PM
Chad

حياتي في الواقع بكل تأكيد

لأنك يمكن تكون صداقات بناس من جميع أنحاء العالم

لكن هالصداقه مرهونه بخط التليفون أقصد النت

يعني لو ما عاد عرف كيف يدش

أو إيميلات بعض أصدقائك إنسرقت أو تغيرت

فما عاد تقدر توصل ليهم وتكلمهم مره ثانيه

هذا غير إنو العلاقه في النت في الغالب يكسوها طابع المثاليه وما تعرف حقيقه الشخص اللي بتكلمه إلا بعد فتره طويله نسبيا

:)
15-03-2003, 11:33 PM
العمدا

بما اني لست مدمناً ذاك الادمان ...

فأقول ان الواقع طبعاً افضل ..

النت ممكن يروح بكل بساطه ..

لكن الواقع .. هو الشي الي عليه شخصيتك الحقيقه ..

ويستحيل انك تتستر خلف اي قناع ..

مشكور عرصين :0)

وعوذراً على الفلفسه الزايده :#

وترجع لنا بالسلامه انشالله :cool:
16-03-2003, 12:44 AM
ولهان الشوق

رد

اقتباس:

وش تفضل... حياتك في الواقع؟ او حياتك على النت؟ و ليش؟

يا رجال كلهن بالهوا سوا

بس حيات الواقع افضل لان الانسان تنبني شخصيته علي حيات الواقع

معليش علي الفلسفه:D :D
16-03-2003, 06:21 AM
alex

النت وسيلة ترفيه ... اذكر اول ما دخلته ... كان لسبب بسيط وتافه ... اشوف اخبار ال RPG ... كنت ادخل .. اقرا في RPGfan والشله ... واطلع ... بس ..

النت ما كان .. ولا راح .. يشكل جزء من حياتي ما استغني عنه ... ممكن بكل بساطه .... اطلع ... ولا ادخل الا بعد كم شهر ... وصارت لي قبل سنه ...

انا جاي هنا لاني زهقت من كل شي ثاني ... وبيجي اليوم .. الي ازهق فيه من النت http://www.abunawaf.ws/forum/html/emoticons/mellow.gif ...

صدقني ... من قبل ما اعرف النت .. كنت انام مرتاح .. ما كانت تجيني الحالات الي صارت تجيني .. هالسنه بالذات .. صرت افكر كثير .. اروح بعيد .. ما اعرف انام .. اشيل هموم .. افكر في فلان وعلان ومشاكلهم ... قلق ووجع راس ...

وش اسوي بالمشكله هذي .. وش الحل ... شي زي كذا ...

ياليتني ما عرفت النت ابد .... ياليت
16-03-2003, 06:28 AM
ورد

اقتباس:

الرسالة الأصلية كتبت بواسطة alex

انا جاي هنا لاني زهقت من كل شي ثاني ... وبيجي اليوم .. الي ازهق فيه من النت http://www.abunawaf.ws/forum/html/emoticons/mellow.gif ...

صدقني ... من قبل ما اعرف النت .. كنت انام مرتاح .. ما كانت تجيني الحالات الي صارت تجيني .. هالسنه بالذات .. صرت افكر كثير .. اروح بعيد .. ما اعرف انام .. اشيل هموم .. افكر في فلان وعلان ومشاكلهم ... قلق ووجع راس ...

وش اسوي بالمشكله هذي .. وش الحل ... شي زي كذا ...

ياليتني ما عرفت النت ابد .... ياليت

اتفق معك في هذا الكلام ....

ومثل ما زهقت من الواقع بزهق من هذا بعد..:o
16-03-2003, 07:04 AM
Undine

Re: حياتك على النت؟ او في الواقع؟

اقتباس:

الرسالة الأصلية كتبت بواسطة Arsene Lupin

وش تفضل... حياتك في الواقع؟ او حياتك على النت؟ و ليش؟

احم احم ححح<<كحه

موضوع حلو :6

بالنسبه لي هالايام احاول اخفف من النت..

واحس نفسيتي تحسنت بكثير عن اول..

اقتباس:

صرت افكر كثير .. اروح بعيد .. ما اعرف انام .. اشيل هموم

هاذي حالات تجيني بسبب النت بس اشوا عدلت نومي بس

اما الباقي بديت اتعود عليهاhttp://webpost.net/un/Undine/dog.gif ..

بس النت جزء من حياتي وماراح اتركه الا بعدييين:#

ومن فوائده علي انه غيّر حياتي للافضل وتعلمت فوتوشوب واشياء كثيره..

وغيّر طريقة تفكيري باشياء كثيره بعد..وتعرفت على ناس حلوين فاهميني

ويونسون وانشالله تستمر صداقتنا للابد:6

وبكذا خلّى حياتي بالواقع أفضل..

واذا بجاوب على سؤالك بقول كلهم متساوين عندي..

ثانكس على الموضوع ياارسين:6
16-03-2003, 07:13 AM
Lena

هلا ارسين

وين بتروح هالاسبوع هاهhttp://www.webpost.net/sp/spikeyman/dog.gif؟

ومن بيردعلى موضعك الحين ة_ة

الموهم على موضوعك حلو صراحه

بس قاهرتني نوقطه انك ما رديت عالسؤال بنفسك:cool:

احم احم عن نفسي.......بالعكس احب النت مره

عايشه في ذا وفي ذا.... كل واحد بحدوده وفي عالمه......

وبصراحه لاحظت ان هالعالمين بالنسبه لي اختلطوا تقريبا

الناس الي عرفتهم فيه صاروا بالواقع اعرفهم واتبطوا بحياتي بشكل مهم جدن فكيف اقول النت وسيله تسليه؟

والنت هذا وسيله ارتباط....واحوبه كثير:#

والصراحه غير فيني تفكير واجد...
.علمني كيف اتعامل مع مواقف معينه ما قد تعرضت لها بالواقع....
وعرفت اراء ناس وتفكير اشخاص من جيلي..وعلمني ان الدنيا لسى بخير

والفوتوشب بعد علمني عليه والانجليزي بعد:p

صدق مشاكل وعوار راس.........احيانا.......

but hey look at the bright side

زي ما فيه مشاكل والله فيه اشياء تفتح النفس ووناسه:)

لا تصير حساس بالمره وتقدر تعديها.......

يعني الزبده احب الاثنين بدون مايطغى اي واحد عالثاني ولك واحد له مزاياه بس النت يخوش القلب:p
16-03-2003, 11:12 AM
snow river

صراحه انا ماكنت اجلس على النت الا نادرا واذا فتحته ماافتح الا اخبار او مواقع افلام خاصة موقع imdb ..

لكن بعد ماعرفت المنتدى جتني حالة ادمان الله يعافينا ولا يبلاكم ..

لكن يضل الانترنت وسيلة ترفيه وتثقيف اذا احسن الاستخدام ..

اقتباس:

وش تفضل... حياتك في الواقع؟ او حياتك على النت؟ و ليش؟

اكيد الواقع ...النت ماراح يدوم للأبد :)

ومشكور :)
16-03-2003, 03:50 PM
{gaia_girl}

نايس موضوع لوبين :)

عن نفسي ما ادمنت النت غير لما جيت المنتدى :6 ..

بس الصراحة أنا احب الأثنين.. هدا له وقت و هدا له وقت.. أنا ماشية و الحمد لله في حياتي تمام التمام.. لأن النت ما أثر على حياتي بالسلب الى الآن.. بالعكس بعده استفدت كتير و شفت ناس و عرفت افكارهم و تصاحبت مع صديقات زي العسل :#

يعني بشكل عام النت نورني اكتر عن الدنيا..

بس عمري ما أهملت أو قصرت في حياتي خارجه ولا أثر على حياتي الأجتماعية.. ولا شيء .. بالعكس i'm keeping up with both..

يعني الواحد يستعمله بعقلانية..

بالنسبة لتركه في يوم من الأيام .. الصديقات اللي تعرفت عليهم على وقتها يمكن بيكونوا (و بعضهم قيد اصبحوا) offline friends .. فالترك حيكون للتشات و المنتديات و كدة بس النت بشكل عام لا يمكن ينترك لأن بنحتاجه في حياتنا اليومية سواء دراسة أو شغل الخ الخ..:6

فما أفضل حياة عن التانية :6 احوب Both..

هف هف تعبت من الكتابة :6
16-03-2003, 03:55 PM
alex

اقتباس:

الرسالة الأصلية كتبت بواسطة BOOOB_2002
في شهر واحد فقط استهلكت 1732 ساعة على الأنترنت والله العظيم ما أكذب

اقول .. كيف الحال ... الشهر ما فيه الا 720 ساعه بس ... ولا لا تكون في المريخ وانا ما ادري http://www.abunawaf.ws/forum/html/emoticons/happy.gif
16-03-2003, 09:24 PM
RPG_master

كتبت ردي وقفلت الصفحه بالغلط,,

تخيلوا أني رديت وما قفلت الصفحه وبسhttp://www.webpost.net/sp/spikeyman/dog.gif
17-03-2003, 01:57 AM
Lena

اقتباس:

الرسالة الأصلية كتبت بواسطة RPG_master
كتبت ردي وقفلت الصفحه بالغلط,,

تخيلوا أني رديت وما قفلت الصفحه وبسhttp://www.webpost.net/sp/spikeyman/dog.gif

عيب عيب:o

ما عندي عيون سحريه

راي امثالك مهم قدن قدن:o

عرض 130 مشاركات من هذا الموضوع لكل صفحة