الحل الكامل للمهمة الثانية في سبلنتر سيل
بسم الله الرحمن الرحيم
في هذا الموضوع بكتب لكم كيفية إنجاز المهمة الثانية كامله
للي مبتدأين في اللعبة
أول ما تبدأ بتكون فوق السطح صح
انتظر الين الرجال الي معاك على التلفون يكلمك بعدها بتلقا حديدة ثابته على الارض تقرب عدالها واضغط ْْX
بعدين انزل تحت وادخل الغرفة لاكن انتبه ببطء وانت متخفي يعني لازم تكون جالس
حاول انك ما تلفت نظر الرجال الي يتجول فهو بيجلس على الكرسي
انت اضربه من الخلف بعدين اكسر الكميرا عقب كل هذا اضغط على الكمبيوتر
ادخل الباب بعدين بيجيلك باب ثاني
في هذا المكان يبغي تأني فيه بعد هذا الباب رجلين ثنينه
اضربهم بس حاذر من جرس الانذار فأسهل شي تسويه انك تضرب الرجال الي في الخلف بعدين ترضرب الي قدامك او العكس صحيح
بعد ما قتلتهم خبأ جثثهم في اخر الممر هذا
بتلقى بابين في هذا الممر واحد مقفول واحد مفتوح اذهب للمفتوح واصعد فوق بتلقى دواء وانزل تحت لاكن بحذر لان فيه كميرات اضرب الكميرات وانزل اخر شي تحت
بتلقى باب قبل ما توصل الباب بيقولك شيك بوينت
بعد ما تفتح الباب بتلقى كميراء اضربها وكمل طريقك
بتجيك سيراه قدامك بس حاذر فيه كميرا اضربها وبعدين اضرب اي مكان عشان تلفت نضر السائق
بعدين هو يفتش عن الي ضرب انت اقبض عليه واستجوبه بعد ما تستجوبه اقتله وخبأ جثته بعدين اصعد فوق وارجع للممر الي قتلت فيه اثنينه سير الباب المقفول اصعد بيقولك سيف
نكمل الحين كمل طريقك في الممر الين توصل فتحه فيها طباخ
هني لا تسوي شي كمل طريقك
بعدين بتيجي لك حفره انزل
بعد ما تنزل راقب شو يستوي داخل المطبخ انتظر شوي بعدين الرجال الي لابس اسود بيروح ادخل بشويش واقتل الطباخ بعدها اغلق الاضواء واطلع برع
اقتل الرجال وأحسن شي عطه هد شوت يعني في راسه بعدين خبي جثته كمل طريقك لاكن بتأني انزل الدرج الصغير بعدينبتجيلك صاله فوق انزل الدرج الكبير الايسر وانت جالس يعني مو واقف واتخبأ ورا الدرج
اقتل الرجال الي واقف عدال الكمبيوتر بعدها اقتل الرجال الثاني
خبأ جثثهم تحت الدرج بعدين اجلس على الكمبيوتر بعد ما تجلس قوم واتخبأ بسرعه
بيجي جنرال انت عليك انك تقبضه وتوديه عند الماسح
الماسح مكانه خلف الكمبيوتر في غرفه ادخل بتلقى كميراء صوب عليها واضربها
بعدين ادخل الباب بيحطلك عرض فيديو اصبر شوي وبعدين استخدم الميكرفون الليزر كمل الين يخلص الرجال كلامه بعدين بتلقى حارسين في الحديقة اقتلهم وسير الي اقصى اليمين بتلقى سياج اتسلقة بعدين بيقولك سو سيف
المهم الحين بيجيك مصعد فيه ثنينه مسلحين برشاش
اقتلهم وانزل بالمصعد اول ما تفتح المصعد اذهب للزاويه الي فيه شجره يعني مش صوب الكميراء بعدين بيأتي ريال يتمشى بيدخل الغرفة اصبر شوي وبيطلع بعد ما يطلع لا تقتله خله يروح بعدين افتح الغرفة بالي يفتح القفول وادخل شغل الكمبيوتر وبعدين بتلقى فتحه سير بعدهلعلى اليمين
بتلقى حفره انزل بعدها بتلقى كميراء اضربها وادخل الباب الي خلف الخزاين بتلقى دواء ورصاص بعدها اصعد على الدرج واطلع برع فوق السطح بتلقى حديدة تعلق عليها وانزل بتوصل لغرفة الجنرال اقتله وشغل كمبيوتره بس انتبه اول ما تشغله بيجيلك رجال واحد قدام الباب اقتله بعدين اضرب الكميراء وارجع حق الكمبيوتر نفسه بعدين صاحب المهمة بيشكرك بعدين روح للمكان الي فيه الحفرة الي نزلت منها بتلقى ان الباب المقفول انفتح افتحه وانزل تحت شوي شوي بتلقى دواء افتح الباب بتلقى جندى اقتله بعدين انتبه وراك في واحد اقتله بعدين كمل طريقك
بتلقى مصعد معطل تقدم شوي واضغط على مثلث مرتين وانزل تحت انتظر شوي بعدين كمل طريقك للسيارة بعدين بتكلم رجال بيقولك ان المهمة انتهت
المهمة التاليه: حقل نفط
صعوبة هذا الدور ** من *****
ملاحظات انك لازم تحافظ على الرصاص يعني انك يوم بتقتل واحد اضربه في راسه يعني خلك اقتصادي:D :D
