مغامرات السندباد !!

صج انه قديم من زمن 1900 وحطبه بس انه لحد اليوم عشره على عشره .!:أفكر:
ممكن تقولون انه اول مسلسل انمي تم دبلجته للغه العربيه ..! :أفكر: تقولون ليش ..!؟ بقول لكم ..!
قبل كم يوم وانا قاعد انبش في الاشرطه حقت الفيديو لقيته ..! قلت في نفسي ليش ما أشغله واتابع ..((:p كان وقت العشا وانا ما أعرف اكل إلا إذا كان التلفزيون شغال )) المهم شغلت الشريط وجلست أرم في الاكل وكنه ماعندي اي احساس وعيوني مو في الاكل أكيد ..ههههههههه كنت اتابع مغامرات السندباد ..! بعدها بكم دقيقه دخل على الوالد وانا قاعد اتابع المسلسل .. :أفكر: قلت في نفسي انا عارف ان الوالد مايحب هذي الاشياء المهم ... التفت على الوالد وقلتله تبي أغير المسلسل الكرتون هذا (( اهو اصلا مو كرتون بس الوالد كل شيء عنده كرتون سواء كان انيمي ولا كرتون صج ;) )) قالي لا خله على مسلسل الكرتون ..!
:! شنهو ..؟!؟ انا قلتله .. ماتبي الجزيره يبه ..
رد وقالي لا لا مالازم ..!
قلتله : أوكي ...
ومرت كم دقيقه وحنا ساكتين نتابع وانا أسناني تطحن العشا ..:6
فجأه قالي الوالد تدري يا *%$ ان هذا المسلسل من أروع المسلسلات وانه ماعاد يجيبون زيه ..
قلتله صدقت ... ما اعاد اشوف مسلسلات زيه الانه يتكلم عن قصص ومغامرات عربيه تقريبا مثل الجن والعفاريت ومدينة بغداد واشياء واجد ..
قالي : ايه تدري ان هذا المسلسل يذكرني بطفولتي ...
أنا : :! وشو !!.
قالي كنت انا من اللي يتابعونه كل يوم تقريبا
أنا : :! باااااااااااااااااااااااااااال يعني السندباد قديم مليوووون
قالي : وين توك تدري ...
المهم جلسنا انسولف عنه مده طويله من قلب والوالد يتذكر ايام أول يوم كان يتابعه وهو صغير ....:D
وفي النهايه احب اسمع ارائكم عن مغامرات السندباد ..!
تراااااااه صج قديم مليوووووووون

لول ,الله يقطع ابليسك فيجا ,موضوع حلو حقيقه ,وذكرتني ..هو صح من المسلسلات القديمه و اخواني الكبار لما يشوفوني اتابع انيمي يقولون لي ايييه وين ايام بس :
بسمه وعبدو - ببيرو النسر الذهبي - رانزي الساحره المدهشه- جورجي -كثير والله ..
اخوي الكبير كان مدمن على سانشيرو و خماسي ..

بالنسبه للوالده مدري عنها ماعمرها قالت لي شئ ..هي تحب بس تشوف الافلام فقط ,لذلك مدري لو كانت تتابع انيمي اول :6

بسألها شكلي واتقصى الامر :D

حرام عليكم ليش ذكرتونا و ضيقتوا خلقنا :(
من زمان و انا اتابع الانيمي العربي و طبعا قبل كان له طعم ثاني من احلا المسلسلات بعد
تلفزيون الكويت ما كان يقصر كانوا يحطونهم اول بأول بس الحين خلاص صعب انحصلهم بالتلفزيون :(
ياليتني سجلتهم لمه كنت صغير

صراحه السندباد من افضل الافلام القديمه
وشكرا لانك ذكرتنا فيه:p

بالفعل مسلسل مغامرات السندباد قديييييييييييييم جدا
و في نفس الوقت رااااااااااااااااائع جدا
و مشكور على الموضوع:D

مسلسل سندباد من المسلسلات الحلوة القديمة ^^
وكنت احب اتابعه وايد.. اذكر ان بعد في حلقات ما انعرضت على التلفزيون لكني جفتها فيديو.. مثل حلقة جزيرة النساء..

واذا على الاهل اللي يتابعون الانيمي ^^ كانت يدتي الله يرحمها.. تحب تتابع معانا سالي.. وكل ما نروح نزورها نقعد نسولف عن سالي واللي صار من الانسة منشن..

وكانت تحب بعد ليدي ليدي.. واذا فاتتنا حلقة نروح لها علشان تقول لنا اللي صار.. ^^