لا تفوتكم الرديه بين بوش وبلير .......!!!!!

السلام عليكم ورحمة الله وبركاته هذه رديه على سبيل الفكاهه بين بوش وبلير:-

المبتدئ :- بليـــــــــــــــر

الله لا يجزاك بالخير يابـــــوش &&& ورطتنا في حرب صدام ورطــــــه
عزمتني تقول بترول وقروش &&& بس الحقيقه روحتي معك غلطه


رد بوش :- خلوها

يابلير رد العلم من بوش بن بوش &&& الله خلقنا للمقاريد سلطـــــــــه
وابوي عنده للرجاجيل دنبـــــوش &&& كم واحد شلنا ففلوسه ونفطه


بلير :- خلوها خلوها

أبوك والنعمين بس أنت مربـــوش &&& تموت بالبترول وتحب شفطــــه
صحيح عندك مال وسلاح وجيوش &&& مير وأتوقع لك تدهور وسقطه


بوش :- خلووووووها خلوها

يابلير كانك خفت يوم احنمى الهوش &&& حرام ماتأخذ من النفط نقطـه
قبلك ترى شيراك قد راح مكـــــروش &&& شوفه يصرح كل يوم بمحطه


بلير :- خلووووووووووها

وراك ما تعطي لشيراك عرمــوش &&& تراه مشغلنا بشيله وحطـــه
وليا انتهى موضعنا نرسل طروش &&& ونجمع المبلغ من الربع قطه


بوش :- خلوها __________ خذ عندك


شيراك هذا عنده الفكر مغشوش &&& فرط علي في مجلس الأمن فرصه
تذره روسيا والصين ويطــــــــوش &&&ومجهز الفيتو لتحقيق شرطـــــــــــه


بلير :- خللللللللللللووووها


يا بوش انا مرهق وخايف ومدهوش &&&وانت تقول الحرب خدعه وخطه
أسراي وأسراك أمتلأ منهم الحوش &&&عز الله أصابني منك جلطــــــــه


بوش :- لروح الصليب تكفون خلوهــــــا

ما قلت لك كم فيه إذاعات ودشوش &&& لا تكشف المعنى وأنا أقول غطـه
وإن قالوا إنا علوج واصحابنا جحـوش &&& ما همنا الصحاف واللي يحطــــــه