الزمن يكشف قناع الوجيه

الزمن يكشف قناع الوجيه أم القناع

وإن كشفها شافت الناس وشهي ناويه

من لبس ثوب الدناءه تلحف بالخداع
ومن لبس خف الجهاله دروبه غاويه

ومن لبس ثوب الصراحة سقط في الإرتفاع
ومن خلع ثوب الصراحة صعد للهاويه

كل شخص له قناعه وله درب وطباع
إن نزل وسط السهل وإن طلع للحاويه

الحقيقة يثبت الحق ويزول الضياع
والحديث الصدق ثابت بخط الراويه

وكل عقل ضاع رشده إلى من ضاع ضاع
ما ترده عن طرقه ذياب عاويه

وكم ديار صوت اهلها يهز ارجا البقاع
واصبحت من بعد آهلها ديار خاويه

وكل شخص ما تعود يرد الصاع صاع
تطوي احلا مه كفوف السنين الطاويه

ما تخلد صفحة المجد وخطوط اليراع
من يعينه عزه وذلته متساويه

تقلب الصفحه ولا يذكرون إلا الشجاع
والليالي كم تفاجي نفوس داويه

كل ما ضاقت وصكت فجوج الله وساع
وابن آدم ما ترجي الغصون الذاويه

كان ما انت بسبع عادي تعشاك السباع
وكان ماجاتك بيومك تراها ضاويه

والفتن في ذا الزمن ساسها وجه الصراع
واكبر الفتنات فتنة علي ومعاويه

بس خل الجرح ينزف مادام السقم شاع
وكثر جروح الأوادم علاج مداويه

آه ليت الصبر يشرى مع الناس ويباع
كان كل الناس لاقسى الشدايد قاويه

ضربة حره ومرت وخلاها الدفــــــــاع
والخطا فالحايط اللي فتح له زاويه ؟؟؟



حزين