أبي رأيكم في شراء لعبة جديدة ؟! (الرجاء الدخول)

السلام عليكم ورحمة الله وبركاته ...

طبعاً الكل عارف , إجازة الصيف بدأت , وبدأ الملل معاها , فقررت أني أشتري لعبتين جديدتين , الأولى طبعاً زلدا , لكن الثانية أنا محتار فيها , هل أشتري واريو ؟ ولا ميجا مان ؟ أو إنتر ذا ماتريكس؟

واريو: اللي مقلقني أنها أول لعبة ثلاثية الأبعاد لشركة تريجر , وكذلك التقديرات المتوسطة اللي نالتها من المواقع ...

ميجا مان: مثل ما يقولون صعبة ...

إنتر ذا ماتريكس: هي اللعبة اللي جذبتني , خاصة أنها من كتابة الإخوان واشوسكي , وفيها مميزات جيدة ...

الرجاء الرد !

شكراً ,,,

:-)

اهلا ^^

انتر ذا ماتريكس لعبه يقولون عنها حلوه والها مبيعات قوية

ميجا مان حلوه والكل يمدحها وينصح بشرائها شوف موضوع لجولدن سن عنها

هلا بوكس :)

شوف ميجامان حلوة لكن على كلام الاعضاء قصيرة ((للأسف ماشريتها للحين))

وانتر ذا ماتريكس اذا كان عندك ps2 اشترها عليه احسن لك ... وبعدين فيه ناس ما عجبتهم اللعبة ........ على العموم اللعبة هذي ماشريتها بعد *_*

اعتقد واريو طويلة وحلوة ... لكن مادري للحين ما اقتنعت فيها انا ?:



هذا اللي عندي إن شاء الله اكون افدتك :) <== اي فايدة :p

اقتباس:

---

طبعاً الكل عارف , إجازة الصيف بدأت , وبدأ الملل معاها

---

:! ملل؟

انا توي جاي من اخر اختبار لي ^^

يعني لسه طازه :D بس ما اعتقد ان العطلة ينمل منها صراحة :cool:

أهلا ً بك أخوي الغالي بلاك بوكس ..

بودي إني أعلق بكل لعبة ذكرتها ..

بالنسبة لواريو , ترا اللعبة قصيرة , مثل لويجي منشن , يعني بصراحه بودي ألعب واريو على محرك 3-دي , لكن بعد ما عرفت أنها قصيرة قلت بخليها لعبدين , يا إني أستعيرها (أو أستئجرها) أو أشتريها مستعمل وتكون أرخص , لأني أدري لو ختمت اللعبة ما برجعلها مثل ماريو سن شاين أو زيلدا ويند ويكر ..

لعبة ميجامان , شوف أخوي , إذا نت كنت متمكن لألعاب ثنائية البعد , وكد جربت أجزاء ميجامان السابقة (بمعنى إن لك خلفية واسعه لأجزاء ميجامان) عندها بقولك أشتريها , العضو دارك لينك قدر مستوى صعوبة اللعبة كلعبة ميجامان زيرو الصادرة على الأدفانس , ونصيحه أشترها , في أعضاء أشتروها وما ندموا ..

إنتر ذا ميتركس من أفضل الألعاب إلي شريتها ومن النوع الأكشن , في أعضاء قالوا إن جرافيك اللعبة عادي , بس بنظري رائعه وأحلى شيء إن لها مقاطع من فلم أعتقد موب متأكد The matrix revlution والله ما أدري , لأن المقاطع السينمائية الموجوده موب من فلم the matrix reloaded وأنا , أنا شفت متركس ري لوديد وفي عروض جديدة باللعبة ما لقيتها بالفلم نفسه , لكن اللعبة عن جد رائعه وطويلة على فكرة وعجبني وللحين ما ختمتها (نسخة الأكس بوكس) -لا تشتريها على جهاز الجيم كيوب إذا كنت تملك الPS2 أو الXBOX- ..

مبروك للعطلة .. انت تعطل وانا ابدأ يوم السبت .. :p

إمم عن الألعاب ..

إنتر ذا ميتريكس .. ما عجبتني .. ومادري ليش هالمبيعات @@
بس تقدر تشتريها على البلاي ستيشن 2 ..

و واريو .. كان المفروض اخذها .. لكن في اللحظة الأخيرة تراجعت .. وقلت انتظر لما احد ياخذها .. الصراحة متخوف منها .. بس صورها وعروضها كانوا روعة ><
إذا عجبتك لويجي منشن .. راح تعجبك هذة ^^

ميجامان .. إذا جربت ميجامان باتل نت وورك على الجيم بوي .. راح تعجبك هاللعبة .. لأنها طريقة قتال ميجامان باتل نت وورك عن طريق الchips مع طريقة اجزاء ميجامان القديمة Side-Scrolling ..
اللعبة صعبة .. وفيها تحدي .. يعني دارك لينك لأن لاعب اليابانية وعنده خبرة بميجامان ما تصعب عليه وخلصها بسرعة :p
ولتجميع كل شي .. راح تكون طويلة ^^

اقتباس:

---

و واريو .. كان المفروض اخذها .. لكن في اللحظة الأخيرة تراجعت .. وقلت انتظر لما احد ياخذها .. الصراحة متخوف منها .. بس صورها وعروضها كانوا روعة ><

---

نفس الشي انا...

اما ميجامان ....فقبل لا اخذها كنت قايل احتمال ما تكون على مستوى ميجامان المعهود ...بس دامها ميجامان لازم اخذها...ولما اخذتها تبين لي انها لعبة رائعة واحلى من كل اجزاء باتل نتوورك السابقة...بس طبعا مو احلى من ميجامان اكس:D بس اطول من ميجامان اكس(اكس 5 اذكر خلصته بساعة و شي واربعين دقيقة كله مرة وحدة(بدون لا اطفيه)-يقولون صعب بعد:" شلون صعب-)

واما عن انتر ذا ماتركس ...فما فكرت اني اشتريها على السوني بعد:p

ألف شكر على الردود :D

بس الظاهر أني بأشتري واريو وورلد :cool:

امممممممممممم
انصحك تاخذ سونك DX
او واريو وورلد...
بس اذا كنت لاعب سونك على الدريم كاست خذ واريو

ميجامان : لعبه اكشن اربيجي روعه .

واريو : يقولون قصيرة وما تستاهل ... وانا قفريت تقرير عنها يقول (لا تزيد التسليه بلعبه واريو عن تسليه لويجي منشن)


يعني بتكون ممله شوي

أبا شامان كينج :"

اليوم سرت المركز , ولاحظت أن SHAMAN KING صدرت طبعا ً يابانية وبالأحلام السعيدة تصدر أمريكية , أريدها لكنها غالية (أوف بس أخلص آخر حلقتين 63 و 64 -الأخيرة- وبأكتب عنها تقرير ممل للمسلسل واللعبة) ..

حسافه :"

خلاص قررت إني أشتري بإذن الله بالإضافة إلى ليجند أف زيلدا و توصيلة الجيم كيوب/جيم بوي لعبة واريو وورلد ...

ألف شكر لكم على الردود ;-)