بطولة we6fe في الرياض .. احجز مقعدك

مرحبا ..

قررت وبعد مشورة الوالد على إقامة بطولة خاصه في ويننج اليفن 6 فاينل ايفولوشن وستكون البطولة في استراحتنا الخاصه ..

عموما عدد المشتركين الى الان لم يحدد ولكن بحسب عدد الاشخاص المشتركين سأقوم بترتيب المجموعات

والشروط هي كالتالي :-

1- الدوري خاص للمنتخبات فقط
2- سيتم وضع معنويات اللاعبين قبل المباراة (؟) وليس لاعلى (فوق)
ولا وش رايكم لاني شاورت الاصدقاء ونصحوني بوضعها لاعلى لتكون الكفه متعادله
3- الاشتراك بقيمة 20 ريال

والاستراحة في الرياض في حي الصحافه وان شاء الله نشوف بعض وهذا اهم شي


والجوائز كالتالي

للفائز بالكأس (( البطل ))
كأس البطولة + اشتراك في الانترنت لمده شهر مفتوح + ساعه يد
المركز الثاني
ميدالية + هديه ترضيه

وسامحوني لعدم اعطاء المركز الثالث هديه لانني جمعتها وحطيت الجوائز الاولى والثانيه فيها



ارجو ابداء ارائكم واقتراحاتكم في الردود



وللاشتراك ارجو الاتصال على الجوال لكي اتمكن من ترتيب المجموعات لان هناك اشخاص ربما سيكتبون سجلني ثم ينسحبون ولا نعلم مدى الصفحات والردود فالجوال ارتب وافضل
054253284
اخوكم خالد

ودي اشترك لكن بعيد حي الصحافة و لاعمري مشيت فيه !!:!

ااااااااااااااااه ياريتني عندكم بالرياااااض:(

للأسف انا بقطر ولو بيدي كنت جيت العب:"

والله شنسوي بعدين عنك

احنا بالكويت

ياليت انا بالرياض:"

حلو والله اخيرا بنسوي دوري بس اهم شي يكون الموضوع جدي مو مثل العادة وياريت تكون الجوائز أحسن ونزيد رسوم الاشتراك مو مشكلة ويفضل أن يكون بالاندية

وانا بشارك ومعاي واحد بعد

والله قهر ليتني بالرياض..

:غضب:

يووووووووووووه بعيد حي الصحافه ولا قد مشيت فيه :":

عندي اقتراح طيب ليش ما تخلي الدوري للانديه وليس للمنتخبات ونلعب

باصدار وينديتا الانديه الايطاليه .

اقتباس:

---

الرسالة الأصلية كتبت بواسطة المهلي مايولي
يووووووووووووه بعيد حي الصحافه ولا قد مشيت فيه :":

---

كلنا في الهوا سوى :D :0)

انا بشترك مع ثلاثه غيري يعني بنكون اربعه

واذكركم اذا جاء دور الاربعه انشاء الله راح يكون فيه احنا الاربعه

بس انا اشرط على منظم البطوله اذا وصلنا احنا الاربعه الى دور الاربعه

كل واحد منا له اشتراك شهر مفتوح واذا مواصلنا بندفع ضعف رسوم الاشتراك





وش قلت؟؟؟؟؟؟؟؟؟؟؟؟؟؟

السلام عليكم ,,

تحية طيبه للجميع وبعد :) ,,

اخوي ملك كل الالعاب حبيت انبهك على نقطة يمكنها غايبه عن بالك وعن بال الكثيرين من اخواننا في هالموضوع اللي هو :

البطوله اللي راح تسويها حرام :أفكر:

انا اقولك ليش ;)

لان الاشتراك راح يكون بفلوس واللي ماراح يدفع فلوس لن يشارك وهذا حكمه مثل اللي نشوفه في الاسواق والمسابقات الثانيه اذا تبي تشارك او تدخل على السحب لازم تشتري لو بريال واحد وهذا في نظر العلماء والمشايخه يعتبر من الميسر وهو حرام شرعا لانه اخذ الاموال بالباطل

اما اذا كان المجال مفتوح دون الالزام بدفع اي شيء سواء كان المدفوع مال او كوبونات او غيره فهذا مافيه شيء انشاءالله

وانا متفهم قصدك انه اهم شيء تجميع الشباب والتعرف على بعض ورغم ضآله المبلغ حق المشاركة ولكن يجب ان يعرف الجميع الفرق بين الحرام والحلال ,, وانا منيب شيخ عشان افتي ولكن حبيت ابين لكم واذكركم و اوضح لكم:أفكر:

ان كنت على خير وحق اعينوني ,, وان كنت على خطأ فسددوني

وجل من لايخطىء سبحانه

و الله من وراء القصد

هذا و الله اعلم وصلى الله وسلم على رسوله الكريم



تحياتي للجميع :-)

صح لسانك اخوي "ديفرنت" و كثر الله من امثالك و الله يهدينا و اخواننا:)

جزاك الله خير يا اخوي ديفرنت
فيه الحل أنه لازم واحد من الأشخاص يمول البطولة من جيبه بشرط انه ما يشارك ، بس مستحيل لأنه ما فيه احد اظنه يستطيع يسويها:0)