عندي استفسار و اسئلة بخصوص الكيوب

السلام عليكم:

عندي استفسارات بغيتكم تجيبوني عليها:

1- كم سعر الجيم كيوب

2- كم نظام للجهاز

3- فيها اشرطة كوبي و لا كله اصلي

4- هل مثلا نظام الياباني يشغل اشرطة النظام الاخر

5- شنو تنصحوني باحلى الاشرطة



و شكرا....

1- في الرياض الجيم كيوب بدون شي بـ700 ريال.

2- نظامين ياباني وامريكي( انا الجيم كيوب حقي كذا) بس مادري الأجهزه الحين صارت كلها امريكيه:).

3- للأسف كلها اصلي:(.

4-لا اذا كان الشريط ياباني مايشتغل الا على الياباني.... والعكس صحيح:).

5- اهم شي سوبر سماش بروذر.....

سوبر ماريو سن شاين
ليجند اوف زيلدا ذا ويند ويكر
ماريو بارتي 4

والعاب كثير....... اي سؤال ثاني;).

اقتباس:

---

نظامين ياباني وامريكي( انا الجيم كيوب حقي كذا) بس مادري الأجهزه الحين صارت كلها امريكيه.

---

- اي نظام احسن


و مشكوور على اجابتك

مثل ما قال واريو بس أنا فضلت الأمريكي بس وندمت بس قلت أحسن من هم يلعبون فيه

" 1- كم سعر الجيم كيوب "

بصرراحه يصعب علي إجابة هالسؤال , لأني ولا مرة سئلت عن سعر الكيوب بعد ما أشترتها إلا مرتين , المهم آخر مرة كانت ب850 تقريبا ً من 3 أشهر , الحين أرخص بكثير ..

" 2- كم نظام للجهاز "

3 أنظمة للكيوب , بالإضافة إلا شكل الباناسونيك اليابانية (( لم يطوروا نظام أمريكي )) , يفضل إنك تاخذ النظام الأمريكي أو الياباني كله واحد , وتضيف معاه قطعة تطوير الجهاز , عبارة عن زر يكون خلف الكيوب , تضغط عليه أصبح ياباني , مرة أخر يكون أمريكي ..

" 3- فيها اشرطة كوبي و لا كله اصلي "

كل ألعابها أصلية , وما اعتقد بتكون هناك فرصة للكوبي , شوف بعطيك أستراتيجية أمشي عليها , كل شهر تنزل على الكيوب لعبة أو لعبتين قويتين , يعني ألعبها موب أسبوعية , وفي أشهر يكون خالي من الألعاب الرائعه وبذلك تكون عندك فرصة إنك تشتري ألعاب إلي فاتتك , والأسعار مناسبة ..

" 4- هل مثلا نظام الياباني يشغل اشرطة النظام الاخر "

لأ طبعا ً , ولا حتى الأمريكي يشغل الياباني , ولا الياباني يشغل الأوربي ولا الأوربي يشغل الأمريكي , في طريقة لأنظمة الأمريكي والياباني هو ان تضاف قطعه خلف الكيوب , وبكبست زر , بينما الألعاب الأوربية . فهنالك سيدي خاص لها أسمه Free Loader

" 5- شنو تنصحوني باحلى الاشرطة "

ريزدنت إيفيل ريميك
ماريو سن شاين
سوبر سماش بروس ميلي
زيلدا ويند ويكر
ميتريود
أنيميل كروسينج (( لعبة محاكاة ))
ستار فوكس
فيوتيفول جو
ميجامان
لويجي منشن
ماريو بارتي 4
ماريو جولف

الألعاب القادمة :-

برودكت نمبر 03
ماريو كارت
ماريو بارتي 5
كيربي إير رود
أف-زيرو
فاينل فانتسي كريستال كرونيكيلز
تيلز أوف سمفونيا
كيلر 7

وألعاب كثيرة :!

مشكوورين شباب عالاجابة :

اقتباس:

---

في طريقة لأنظمة الأمريكي والياباني هو ان تضاف قطعه خلف الكيوب , وبكبست زر , بينما الألعاب الأوربية . فهنالك سيدي خاص لها أسمه Free Loader

---

هل يجي الزر مع الجهاز و لا منفصل و انا اشتري القطعة

اقتباس:

---

" 4- هل مثلا نظام الياباني يشغل اشرطة النظام الاخر "

---

اخوي بلندن و قال بيشتريها يعني اذا جا الكويت اطورها و اشتري لها الزر

و لا السيدي عشان تشغل الاشرطة الثانية

و مشكوورين مره ثانية
ما عليه تعبناكم بالاسئلة

" هل يجي الزر مع الجهاز و لا منفصل و انا اشتري القطعة "

الزر هو عبارة عن جهاز مطور , يعني تاخذ الكيوب لمحل الألعاب وتطلب منه أن يضيف لك الزر , بالنسبة للأجهزة الأوربية ما اعتقد ان بإمكانك تطوره , أظن لازم إنك تستخدم الFree Loader

هذا هو صورة الزر :-

http://www.arabia.com/comp/cards/cus...1,35042,00.jpg