فكرة عن غريندايزر

السلام عليكم

هذا اول موضوع لي اطرحة وهى اساسا فكرة اود اخذ رايكم فيها.

طبعا محد منكم ما يعرف البطل الشهير غريندايزر وانه امس جتلي الفكرة وهي ليش ما يكون في لعبة على البلاي ستيشن عن غريندايزر وانه لاحظت انه باقي الالعاب السوبر روبوت وورس مو ذاك الزود المهم طريقة اللعبة تقريبا مثل الالعاب الطائرات الحربية لاكن تخيل بدال الطائرة ، غريندايزر. وتقدر تتحكم بكل الاسلحة الموجودة على غريندايزر وطبعا المراحل راح تكون اصب وايد كل تخلص مرحلة ، المرحلة اللي وراها تكون صعبة وكل مرحلة لها وحش معين وتقدر تطلع من دايزر اللي اهو الصحن المساعد للغريندايزر متى ما بقيت وتقدر تتحد مع كوجي او هيكارو او ماريا وملاحظة الوحوش راح يدورون نقاط ضعف غريندايزر وانت عليك تكون ذكي بحيث عليك انك تتفاداها وايضا لازم اتلاحظ مستوى الطاقة للغريندايزر علشان انه قلت من قبل تقدر تتحكم بكل الاسلحة الموجودة وبعد اذا طاح بالماء بروحه تقل طاقته لانه الطاقة مثل البانزين للسيارة وبالنسبة للتصوير انا ابرايي ليش ما نحطه مثل الصور الموجودة للموضوع تقرير عن اشاعة فلم غريندايزر للكاتب hi-nu gundam .

ممكن الشرح غير واضح لكن هذا اللي قدرت عليه
وانه حطيته اهنيه لانكم مهتمين السوبر روبوت شوي اكثر

فا .... شرايكم؟؟؟ :-)

الفكرة جميلة جدآ بس مع الاسف لايوجد عضوعنده خلفية او خبرة كافية عن شيء كهذا صعبه! والاعضاء الذين لديهم خبرة في :( :أفكر: الرسوم ثلاثية الابعاد ينعدو على يد وحدة عندي خلفية بسيطة عن ال 3D لكن لا افهم ولا شيء عن صنع الالعاب جرب منتدى برمجة الالعاب ورد لنا خبر وشكرآ;-)

وجدت صور للعبه لغريندايزر قديييمه على ما يبدو انها لا احد اجهزه الننتندو
تفضلوا
http://perso.club-internet.fr/djspace/quoi.html
اسف ما عرفت اضع الصور لوحدها فوضعت الصفحه وياليت تعلمونا وشكرا
:D :D :D

hi nu gundam what an intristing name man watch out cuse sazabi is coming

SAZABI! YOUR GOING DOWN!!:D

اخوي ملك الافاعي الصور الي حطيتهم هي للعبة super robot warsالجديدة على جهاز الووندر سوان

وعندي فكره انه يستطيع ان يحدد باب الخروج السري حسب المكان الذي هجم عليه الا عداء وانه له بعض المراحل(بونس) من الممكن ان يلعب بيها بمركبته او بشخصه وشكرا

والله فكرتك رائعه اخوي لكن هناك لعبه مثل الي قلت ظهرت على الأركيد سابقا وهي لغرندايزر و غريت مازنجر و مازنجر ز وهي مثل طريقة الألعاب الطائرات

وهذه صورها

http://seiya.jeeran.com/arcade_0236_04.png

http://seiya.jeeran.com/arcade_0236_13.png

http://seiya.jeeran.com/arcade_0236_15.png

http://seiya.jeeran.com/arcade_0236_16.png

http://seiya.jeeran.com/arcade_0236_19.png


واخوي اذا كانت الألعاب السوبر روبوت ماتعجبك جرب Real Robot Regiment على PS2 وهي تلعب بالأليات بأشكالها الطبيعيه وليست صغيرة و طريقة اللعب بها بطريقة الأكشن وليست استراتيجيه و اللعب بها ممتع جدا الأليات مرسومين بشكل رائع والموسيقى المرافقة رائعة لكن مافيها غرندايزر للأسف لكن هناك غريت مازنجر و مازنجر ز و خماسي وغيتا روبو والكثير من الأليات وهم يفون بالغرض نصيحة لاتفوتها

وشاكر لك الفكرة الرائعه