البلاي ستيشن 2 الصيني او الياباني ؟؟؟؟؟ ( في فرق ؟؟؟)
السلام عليكم ورحمه الله وبركاته ...
انا عندي مشكله وانا متوتر منها لدرجه اني خرجت امس الالعصر واناابحث عن جهاز بلاي ستيشن 2 موديل 30004 القديم الي كل الناس يقولون انه احسن جهاز نزل من شركه سوني بس انا قاعد ابحث مالقيت ولا جهاز بهذا النوع علما بانه عندي هذا الموديل اشتريته من زمان وعدلته بالميسيا الجديده بس العدسه خربت وصلحتها بس رجعت وخربت وبعده خرب لي شي وكل ما اصلحه يخرب فيه شي تاني مدري ايش صار له والغريب انه استخدامي للجهاز نضيييييف جدا يعني العيب الوحيد هو الالعاب الكوبي ديفيدي بس وحتى الجهاز مسوي له مكان خاص وما يتحرك منه والتهويه ممتازه بس مدري ايش صار له ...(يمكن عين عشانه احسن جهاز ومحد ملاقيه ) المهم اني مالقيت الياباني مررره وكلهم يقولون صيني وبس حتى اني رحت لاربعه فروع سوني في جده وكلهم يبيعو صيني بس انا الي معقدني انه كل الناس يقولون الصيني تعبان يعني قطعه مو اصليه ... بس لما رحت لالعاب طوكيو وسالت عن اليابني قالو مافي وقالو لي ان الصيني هو نفسه الياباني بس ان الشركه عليها ضغوط في اليابان فقامت ترسل الجهاز وهو مفكك الي الصين وهم يركبوه بس يعني كل شي ياباني مثل القديم وانا اقتنعت بطريقه كلامه شويه بس برضه ما اشتريت ورحت لمحل حرامي درجه اولى وسالت عن الياباني الي عندهم وكان هو الوحيد ومو معدل مثل ما انا بدي بس المشكله انه بدو يبيعه بالسعر الي اشتراه بيه زمان يعني ببيعه لي 1700 ريال ومو معدل ..... كان بدي اكسر راسه بس معليش وقالي جيب جهازك القديم وراح احط لك عدسه جديده بــ 500 ريال ... انا لحد الان كنت مصدقه في اسعاره بس لما سالته عن سلك البور حق الزراير الي في واجهه الجهاز قالي بـ80 ريال وانا شاريها بـ30 ريال وعرفت انه حرامي وخرجت من المحل ورجعت البيت الساعه 11 بالليل وخرجت تاني ورحت لواحد صاحبي عنده محل العاب وقلت له بدي جهاز ياباني قالي مافي وقالي خذ الصيني عشان هو اصلا جهازه الي في البيت صيني وعايش معاه بدون مشاكل وانا وافقت واعطيته الفلوس واليوم باخذ الجهاز .... هذه هي رحلتي امس ولكن السؤال المطروح هو :
ايش رايكم في الجهاز الي اخذته وهو :SCPH 39004
ايش اسوي في جهازي الي موديله :SCPH 30004 R
طب لو ان الجهاز الياباني هو نفسه الصينه بس مجمع في الصين ليش ما تركب عليه قطعه الكوبي حق الياباني ؟؟؟
وانا حقا حقا اسف على التطويل بس محتاج للخبراء ونصائحم وارجوا انهم يردوا عليا ....
