أبي أشتري 4x4 محتار يا اخوان... أبي مساعدة
السلام عليكم
أنا لازم أشتري سيارة بعد أربع شهور و ناوي أشتري سيارة 4x4 و الصراحة محتار مررة
أبوضح استخدامي له كيف بيكون و انتم ارشدوني:
أنا أسافر خط كثير لأني أتنقل بسبب وظيفتي (يعني سيارة تصلح للخط)
أحب البر. بس للصيد و للكشتة و للتفرج على اللي يطعسون (أنا مانيب مطعس...يعني ما يحتاج قوة خارقة و منافسة) خل الماكينة على جنب
أهتم بالشكل الداخلي أكثر من الخارجي (طبلون....دركسون....مراتب حلوة.....فتحة فوق....مسجل.....مريح)
أبي مكيف بارد...... الله لا يحرمنا من حر السعودية
أبي يكون سعره معقول و رخيص (ما يعدي 90 ألف ريال) و لو أرخص بكثير أحسن
هذه المواصفات و أقرب شئ لقيته هو الباث فايندر (نيسان) و الروديو (إيسوزو) و الفور رنر (تويوتا)
طبعا الفور رنر ما ينزل في السعودية و لا أظن في الخليج.. ما أدري ليه مع انه حلو جدا
هذه صورة الفور رنر من أمريكا
http://www.toyota.com/images/vehicle...or/photo_3.jpg
http://www.toyota.com/images/vehicle...or/photo_5.jpg
http://www.toyota.com/images/vehicle...or/photo_8.jpg
http://www.toyota.com/images/vehicle...or/photo_4.jpg
http://www.toyota.com/images/vehicle...or/photo_6.jpg
السيارة 6 سلندر حوالي 240 قوة حصان. أصغر من اللاندكروزر و أكبر من الراف فور. يعني بمستوى الباث فايندر. يكفي انها من تويوتا. سعرها حوالي 100 ألف ريال سعودي (أرخص نوع)
http://www.toyota.com/vehicles/2004/4runner/index.html
على العموم أنا فكرت أشحن من أمريكا فور رنر بس خف من مشاكل قطع الغيار لأن ماهي موجودة. وقفو يجيبونها من يمكن عام 95 أو شئ زي كذا
أهم شئ رايكم يا شباب. وش أشتري؟؟؟؟
تحياتي
