هام لكل الاعضاء((مهم جدا))
السلام عليكم
انا لاحظت بمنتديات اخرى في هناك مجموعات او فرق كل فريق يمصخر الثاني
وهذا الي محرك المنتديات الترفيهية هناك ومعدوم عندنا
واهني محد محرك المنتدى الترفيهي غيري وبيس ببعض الصور وبعض الاعضاء الي يحط موضوع ويخليه شهر
والكل يعرف التحدي الي بيني وبين بيس
وانا عندي قكرة لتنشيط المنتدى وانا حاولت وقدرت بجهد كبير اني انشطه بنسبة 75%
انكون فرق بينا مثلا يكون فريق وانا القائد فيه ويكون معاي كذا واحد وبيس فريق ويكون معاها كذا واحد مو مهم يكون فريق كامل شباب او بنات عادي الاختلاط
ويحط صور عن الثاني او نكت او قصص فيها شخصيات من الفريق الثاني
ويا السنيورة انتي قلتيلي ان مو حلو شكل المنتدى وفيه مضاربات بيني انا وبيس
اقولج انتي عاجبج شكله وهو نايم هو اسمه منتدى الترفيهي يعني الواحد يرفه عن نفسه
ومو مهم شكله المهم يكون منظم بطريقة سرد المواضيغ بمكانها وعدم زعل الاعضاء على بعض
وشوفي منتيات فلعة العرب او منتديات كويت 25 او منتديات كويت 22 راح تشوفين ان اكثر الي يشاركون ويحطون صور ويظحكون على بعض هم المراقبين والمشرفين ويعني المراقب مو بس يعدل بمواضيع الاعضاء او يحذف البذيء منها او غيرها لا هو كان عضو قبل لا يصير مراقب يعني من حقه ان يكتب نكت وغيرها
واعتقد اذا وافقتوا على الفكرة راح يتغير المنتدى وينشط
ويا بيس لا تعتقدين اني خفت منج لا انا حطيت الموضوع علشان انشط المنتدى ومو حلوة منتدى كامل محدي يكتب فيه باليوم اكثر من موضوعين غيري
ولو تلاحظون ان الي يحط موضوع يحط بيوم واحد موضوع واحد ويجي بعد اسبوع يحط ثاني وهذا من اسباب الخمول
وانا ما اقصد امدح نفسي او اي شي من هذا القبيل كل الي ابيه ان يكون هذا المنتدى اقوى من المنتديات الاخرى
اغلبكم يعرف ان اهني انشط منتدى هو منتدى البلاي ستيشن والي نايم هو الترفيهي
انا ابي اغير هذا الاعتقاد واخلي الترفيهي هو انشط واحد
وانتم تدرون ان الواحد ما يقدر يسوي شي بروحه يعني لو كل 2 باليوم يحطون موضوع واحد ويردون بالمواضيع الثانية راح تلاحظون ان فيه اختلاف كبير
وبعضكم يقول ان مافي اي قصص او مواقع اجيب منها صور
اقوله انت ما سالت نفسك انا من وين اجيب القصص والصور يعني اقل شي سو بحث بالجوجل تلقى مليون موقع
وهذي احسن موقعين للصور
www.rayig.com
www.abunawaf.com
Re: هام لكل الاعضاء((مهم جدا))
اقتباس:
المشاركة الأصلية كتبت بواسطة فيصل 2003
والله عدل كلامكم والله المنتدى نايم
دايم اجي اخش القي نفس الموضيع الي امس :17: :17: :17: :06:
هذا لاني احاول ابذل جهدي بان اصحيه
وبعد بيس ما قصرت الصراحة يعني لو مو التحدي الي بينا او المواضيع الي اكتبها
لكان تشوف باول صفحة بالمنتدى موضوع قبل اسبوع
Re: هام لكل الاعضاء((مهم جدا))
الصراحة مافهمت وش المطلوب
Re: Re: هام لكل الاعضاء((مهم جدا))
اقتباس:
المشاركة الأصلية كتبت بواسطة DE NILSON
الصراحة مافهمت وش المطلوب
المطلوب ان نشكل مجموعات كل مجموعة فيها 5اشخاص يتحدون بعض
Re: Re: Re: هام لكل الاعضاء((مهم جدا))
Re: هام لكل الاعضاء((مهم جدا))
يمكن انت ما تزعل بس غيرك لا ..
اصابع ايديك مو وحدة ..
و اقول لك موضوع ترشيحات بس يعني ما فيه لا تطنز و لا مزح سبب مشاكل الى بكرة ..
و ما اعتقد ان في واحد يقدر ينكر هالشي ..
