بعد انتهاء معرض طوكيو للالعاب مارأيك الشخصي بمستوى المعرض ؟

السلام عليكم

خلنا ندش بالموضوع ... معرض هالسنه كان من اسوء المعارض الي شفتها الصراحه ... لا مفاجاءات لا العاب جديده لا شي

وعلشان ابين لكم فشل المعرض بحطها بنقاط

1- غياب جهاز البلاي ستيشن بورتيبل الي اعلنت سوني من قبل انها راح تعرض قائمه باسامي العاب تتصنع للجهاز وجا المعرض وماشفنا اي تصريح من سوني

2- وغياب السوني 2 اكس الجهاز الي يعتبر حهاز ترفيه بالمقام ماشفنا منه اي شي

3- عدم حظور شركة ننتندو بالعاب الطرف الاول .... لا ماريو الجديده ولا زيلدا ولا بوكيمون هالالعاب الي تملك شهره كبيره باليابان ماحظرت

4- عدم عرض اي لعبه ( جديده ) من المستوى القوي ... لا تقولون كنجدوم هارتس او غيره انا اقول لعبه جديده يعني لعبه عمرنا ماسمعنا بخبر لها قبل المعرض ... للاسف كل الالعاب الجديده الي اول مره يعلنون عنها بالمعرض مستواها يمكن يكون جيد بس مو قوي

5- ( وهذي باطول فيها )

سكوير ؟؟؟؟ شنو الي قاعده تسويه هالشركه ؟ قبل المعرض بكم يوم اعلنوا عن لعبه مفاجأه راح تنعرض بالمعرض ... بش وين المفاجأه ؟ فاينال السابع فلم ومو لعبه والصراحهالفلم بروحه خيب امال الكثير من اللاعبين الي كانوا يطمحون بلعبه مو فلم .... تقولون كنجدوم هارتس هالعبه معروف من زمان ان لها جزئ ثاني وعرض اللعبه بالمعرض مو شي جديد بمعنى الكلمه

اما اذا كانت تقصد العابها التعبانه junk metal ولا لعبة الاكشن ار بي جي اوديسا فاسمحولي اقول هالشركه فشلت وبقوه بالمعرض

شركه عندها غباء مستعصي تحب تسوي اجزاء جديده من العاب مو ناجحه او مشهوره حيل وتترك الالعاب الروعه وماتسوي لها اجزاء مكمله لها مثل كرونو وفاجرنت وفالكري وبارسايت ايف

والي احبط اللاعبين اكثر عدم عرض دراغون كويست 8 :أفكر:


..........................................................................................

باختصار المعرض كان اكثر من عادي وماكان فيه مفاجاءات واسامي كثيره ماحظرت المعرض مثل شنجي مكامي وشيباتا وغير ان عروض العاب كثيره كانت معاده مثل عرض متل جير 3 وعرض رزدنت ايفل


فشنو رايكم انتم ؟

وشكرا

السنة 2003م اسوء السنة حتى الان!! في عالم الالعاب والاجهزة المنزليه!!!!!!
يعني معرض E3 الشهير والمعروف لدى الجميع لم يقدم شئ جديد بلا كان مجرد معرض" يقدم العروض والصور وبعض الاقاويل والكلام عن بعض الالعاب!!!"
معرض X03 نفس الامر لم يقدم شئ جديد!!وهو معرض الاكس بوكس الخاص!
ومعرض طوكيو لم يقدم اي شئ حتى الان!!!
مهزلة 2003م!!!

اقتباس:

---

المشاركة الأصلية كتبت بواسطة Sonic--

السنة 2003م اسوء السنة حتى الان!! في عالم الالعاب والاجهزة المنزليه!!!!!!
يعني معرض E3 الشهير والمعروف لدى الجميع لم يقدم شئ جديد بلا كان مجرد معرض" يقدم العروض والصور وبعض الاقاويل والكلام عن بعض الالعاب!!!"
معرض X03 نفس الامر لم يقدم شئ جديد!!وهو معرض الاكس بوكس الخاص!
ومعرض طوكيو لم يقدم اي شئ حتى الان!!!
مهزلة 2003م!!!

---

بالفعل ... بس اخوي لو تلاحظ معرض e3 كان فيه شغلات حلوه خلتنا نتحمس مثل الاعلان الاول عن متل جير 3 واعلان سوني عن الجهاز psp واشياء كثيره يعني المعرض كان جيد

بينما المعارض الثانيه مثل اكتس وتوكيو جيم شو فمن افشل المعارض الي شفتها بحياتي


ومدري باقي الاعضاء شكلهم مو موافقين على كلامي ؟

الشركات القويه خايفه من لا تنباق ابتكاراتها وافكارها الجديده فى عالم الالعاب
فهذي نتنيدو لم تعلن عن العاب جديده
ولا سونى اعلنت عن شكل البورتل او مواصفات البلي سيشن 2 ء الجديده خوفامن تقليد الاكس بوكس ونتنيدو لها
وسكوير متعودين منها انها ماتعرض بالمعارض اشياء حلوه بس بالنسبه لجونك متيل وامبروسيا اوديسي هذي مجرد دعم لها لسيرفر البلي اونلاين
اما بالنسبه للعبه اللي يا اصدرت تعطيهم حكومه اليابان عطله رسميه "دارجون كويست"
فكنت متوقع انها ماتعطي معلومات عنها

2004 بيكون نفس 2003

المعرض هذا كان حلوا ومشوق

كنغ دوم هارتس 2 كان ممتاز جدا وروعة
ولعبة سكوير الجديدة على النت اكشين ر ب ج جدا جدا مميزة لانها راح تنافس فنتاسي ستار بشكل رهيب
هذا غير الالعلان عن فف7 الفلم وكان رووووووعة جدا جدا لمحبي فف
ايضا ستار اوشين 3 جديد ومطور وبه اشياء مشوقة تجعلك تشتري اللعبة ثانية

هذا فقط لسكوير اما الباقي فالكثيييير من العاب البلاي2 الممتازة ولم تصدر بعد انعرضت بالمعرض واغلبها تستطيع ان تجربها
تستطيع مراجعة موضوع ام اس ام لمعرض توكيو غام شو وستجد مواضيع للمعرض.
لكن في مواضيع ما وضع لها وصلات للاسف :jester:

بالعكس...عاجبني المعرض...
وكان اشوق من الاس 3 هالسنة...:أفكر:
الاي3 هالسنة مع اول المعلومات عن الpsp بس المعرض كان فاشل بنظري :(....توقعت شغلات اكثر فيه-_-

واما عن مشاركة ننتندو بالعاب الطرف الاول....هالسنة ننتندو متخلفة بالمعارض><...ما شفنا منها شي قوي بالاي 3 و بطوكيو جيم شو مو مشاركين :(

انا اتفق معاك بأن المعرض هالسنة عادي جدا وكله العاب عادية ولا توجد اي مفاجأة او لعبة من العيار الثقيل وايضا احبطنا مثل ما قلت لانه لم تظهر الكثير من الالعاب والاجهزة التي كنا ننتظرها وهذا الشي ينطبق على ايضا E3 لهذا العام .

وايضا لو تلاحظ انه عام 2003 اسوأ عام بالالعاب لو تقارنه بالاعوام السابقة وايضا على مستوى كل الاجهزة.

ما في زي سنة 2001 على البلاي ستيشن 2
ميتل جير سوليد 2 و فاينل فانتسي 10 و ديفل ماي كراي و ايس كومباكت 4 و GT 3 و ايكو و جاك اند دكستر 1 و توسيد ميتل بلانك و تكن تاج.....


متى رح نشوف سنه زي هذي ..... انشاء الله قريبا.....

كلامك صحيح لكن الفيلم الخاص بتكملة فف 7 مع كينجدوم هارس 2 ونسخة الجيم كيوب كانوا اهم شي في المعرض او كانت بشكل عام من مفاجئات المعرض لهذة السنه .. ننتظر الكشف عن فف 12 :)

اما عن اسوء عام للألعاب هو 2003 هذا شي خطأ .. خطأ كلياً ..
ارجع شوي بالذاكرة وتشوف الكثير من الأخبار & صدور ألعاب & التكلم عن اجهزة الجيل القادم ^^ .. كانت كلها من المفاجئات الرائعة ..
صدور Golden Sun 2 كان كافي :09:

توقعت ان الموضوع مات :biggthump

بوضاري

يحق للشركات انها تخاف على افكارها بس مو لهالدرجه ... يعني ماريو 128 صارلهم اكثر من بعد مااعلنوا انهم يسونها وماحطوا ولا صوره وحده عن اللعبه ... يعني مالها داعي هالتستر لان حتى اذا بيبوقون الافكار راح يبقونها بعد ماتنزل اللعبه

اما سوني كانت المفروض تحط قائمه ببعض الالعاب الي يطورونها عالجهاز لانها هي اعلنت رسميا انها بتسوي هالشي ... وننتندو واكس بوكس ماراخ يبوقون افكار منها لانها اسامي العاب مو شكل الجهاز :p

.................................................................................................... ......................

guilty gear x

انا اتفق معاك بكنجدوم هارتس وفاينال بس مع الالعاب الثانيه لا

اولا لعبه امبروسا اوديسي لعبه واضح انها ماراح تضيف شي لعالم الالعاب ... من الي اشوفه لعبه بتكون جيده بافضل الاحوال ومو ممتازه

احنا نبي العاب قويه من سكوير ترد لنا صورة سكوير ببالنا لما كانت عالسوني 1 وحتى الننتندو مانبي العاب بمستوى انلمتد ساجا ولا دراغ اون دراغون ولا درايفر اموشن تايب اس ولعبة البيض :jester:

نبي العاب توصل درجة الكمال الي ماشفنا منها عالسوني 2 الا فاينال 10 وكنجدوم هارتس والباقي ؟؟؟

ثانيا سكوير مصختها بسالفة الاضافات الملحقه ... فاينال انترنشونال واكس تو وفاينال ميشن وستار اوشن دايركترس كت وكنجدوم هارتس فاينال مكس وغيره

الصراحه يبين ان الشركه مابقى عندها افكار فقامت تسوي اي شي .... وهذا مو سكوير الي كنا نعرفها عالسوني 1

.................................................................................................... ......................

bah

توكيو افضل من اي 3 ؟؟؟ ما اعتقد

ومشكور على مروورك

.................................................................................................... ......................

العراقي 17

انت فاهمني :biggthump

وبالفعل 2003 كان المفروض تكون السنه الاقوى للالعاب بس اقوى الالعاب تأجلت ل2004 ومابقى لهالسنه الا القليل


.................................................................................................... ......................

zidan trible

اي والله ...... واحس ان السنين الاولى لاي جهاز تكون هي الاحلى

شكرا عالرد

.................................................................................................... ......................


golden-sun

والله اخوي احنا صرنا بشهر 10 والالعاب القويه المرشحه انها تكون افضل الالعاب قليله بالنسبه للسنه الطافت

يعني انا شايف انه بس( زيلدا ويند ويكر - فوثفول جوي -ستارورز كوتور -رتشين اند كلانك- جاك اند دكستر ) هي الالعاب الي تاخذ جوائز ومابقى غير شهرين فهل راح نشوف العاب اكثر ؟؟



.................................................................................................... ......................


وشكرا

لو تصبرون شوي ..وتأجلون حديثكم عن سنة 2003 مالها وماعليها ..

ترى باقي شهرين ..وبهالشهرين بالذات راح نشهد ألعاب قوية على مختلف الأجهزة (هذا وقت الألعاب القوية بالإضافة لشهر 3 مارس) :) ..

أما الحديث عن المعارض هذي السنة .. طبعاً أكيد شفنا مفاجآت فيها ..لكن صحيح مو مثل كم ونوع المفاجآت الي شفناها قبل في المعارض السابقة ..بس هذا ما يعني ان المعرض صار سئ خلاص :31: ..

E3 / مفاجأة المحمول من سوني و ظهور ميتل جير 3 للمرة الأولى وكاميرا الآي توي وخبر حصرية GTA القادمة وألعاب الأونلاين من EA على PS2 وغيرها ..
TGS / الإعلان عن فلم فاينال 7 وأول ظهور لكنجدوم هارتز 2 و .. بس تقريباً :33:
(طبعاً كلامي عن PS2 فقط) ..


وصحيح كنا متوقعين مفاجآت أكثر ..

اقتباس:

---

2- وغياب السوني 2 اكس الجهاز الي يعتبر حهاز ترفيه بالمقام ماشفنا منه اي شي

---

خلاص عرفنا مواصفاته وشكله وتاريخ اصداره .. وش الفايدة من عرضه :06: ..