برنامج الياهو ماسنجر ((العربي)) نزله من عندي هدية لكم
السلام عليكم ورحمه الله وبركاته
كيف حالكم ان شاء الله زيينين واموركم تمام؟
المهم ما ابغى اطول عليكم وبكل اختصار اقدم لكم الياهو ماسنجر العربي هدية مني انا Seedoh وذلك لأني قمت (بعد جهد..أكيد) من تعريب الياهو ماسنجر الي ماله نسخة عربية اصدرتها شركة الياهو وهالخرابيط ذي الي مناك ، اكيد ناس واجد حلموا ان الياهو ماسنجر يصير عربي وها أنا حققته لهم ، الياهو ماسنجر قمت بتعريبه بنسبه 76% (وذلك حسب الاستخدام الأمثل للشخص) ، يعني الواحد منكم يلي تبونه راح يرتاح في استخدامه وكأنه 200% عربي ، لامانع من نشر هذا الموضوع في المنتديات الصديقة والمجاورة والي انتو مشتركين فيها حسب رغبتكم على شرط ان الوصلة لهذا الموضوع توضع في الموضوع الذي سيوضع في المنتدى الأخر وذلك حفاظاًعلى الملكية (الي هي حقوق النشر الي حقي) وكذلك دعايةً لهذا المنتدى الأكثر من رائع ، اما اذا احد بغى ينسخ الكلام هذا ويحطه في منتدى ثاني لابد (وهذا من شروط كل المنتديات) ان يضع اسمي وايميلي في الموضوع الي كتبه وانتو تعرفون زين السبب….عموماً خلونا من هالكلام وندخل الموضوع الرئيسي.
قبل ما تفكر تاخذ الياهو ماسنجر العربي مني لازم يكون الياهو ماسنجر الي عندك اصدارته الرابعة (4.00.00) الرابعة مدري كم في الأحاد ، المهم لازم يكون الاصدارة مثل ماقلت الرابعة ، لأن الإصدارات السابقة من الياهو ماسنجر ماراح تضبط معاك السالة ، بالعكس راح تخربها………
شوف صورة الياهو ماسنجر الي لازم يكون عندك قبل التعريب … لازم يكون بهالشكل
http://sayedhz.8m.com/ym1.jpg
نفس الإصدارة؟ متأكد؟ اكيد متأكد؟؟ حلو اذن كمل معي تحت.
قبل ماتسوي أي شيء ألحين لازم تسكر وتغلق الساهو ماسنجر لأنك ماتقدر تسوي شيء وهو مفتوح…….سكرته؟…اغلقته؟…حلو كمل معي.
نزل الملف التالي:
http://sayedhz.8m.com/res_msgr.zip
الملف هو عبارة عن ثلاثة ارباع الياهو (وهو الذي عربته) اذا كنت تفهم في ملفات الدي ال ال فأعتقد انك راح تصدقني وتكمل معاي.
لما تضغط الوصلة فوق ويعطيك خيار التحميل قل له (حفظ على القرص الصلب) ، مع ملاحظة هامة جداً: عند تنزيل الملف لاتغير اسم المف لكن خله مثل ما هو res_msgr اوكي؟
لما تجي تنزل الملف وتخزنه في الجهاز لازم تخزن هذا الملف في نفس دليل ومجلد الياهو ماسنجر يعني بالعربي (افتراضياً) خزن الملف الي راح تنزله فوق في هذا الدليل:
C:\Program Files\Yahoo!\Messenger\
او في الدليل الي انت اخترته لتركيب وتنصيب الياهو ماسنجر.
عندها راح يسألك الويندوز (او البرنامج الي تستخدمه في التنزيل) راح يسألك على ان الملف الي تبغه تنزله موجود مسبقاً .. تبغى تستبدله؟ ، هنا قل للويندوز او البرنامج نعم استبدل الملف (لاتنسى ان الياهو ماسنجر لازم يكون مغلق) وراح الملف الجديد الي انت تنزله يستبدل الملف القديم الي هم بنفس الاسم..خلك معي لين ما ينتهي التحميل
.
.
.
.
انتهى التحميل؟ تمااااااااااااااااااااام!!! ، الحين افتح الياهو ماسنجر
صار عربي صح؟ مبرووووووك ألف مبرررووووووك عليك وعلى الجميع ان شاء الله.
اتمنى من الله العلي القدير ان يوفقنا للخير والأعمال الصالحة ويوفقنا جميعا لما يرضاه ، لاحد يزعل مني بعد ألحين ووش رايكم بهذا الموضوع الطفراتي جينياً؟ هههههه قمت اسوي حالي هاه؟ يله لابأس…انتظر ردودكم جميعاً..والي حاب يعرب برنامج يقول لي وينام اوكي؟
يله اشوفكم واشوف ردودكم
سيدوه Seedoh
من Seedoh Inc
seedoh1422@yahoo.com
