اجتماع طارئ لاعضاء المنتدى الرياضي العربي (الكل يدخل)

اجتماع طارئ لاعضاء المنتدى الرياضي العربي (الكل يدخل)

سيداتي وسادتي

احم احم اقصد سادتي وسادتي

انا اشوف ان الاعضاء الرياضه العربيه قليله جدا

شرايكم الكل يساهم في شي

انا انقل لكم دوري ابطال العرب
اخر اخبار الكره العراقيه
الدوري اللبناني
وانشالله الدوري الاماراتي

وعملت رابطتين الوحده الاماراتي و الرفاع البحريني

بس ماكو تفاعل ابي رايكم شنو الحل ؟؟
ويا جماعه ساهمو معاي على الاقل كتبو على الاقل عن دوري النجوم (القطري)

خلينا نحاول نشهر المنتدى بان نرسل ايملات لكي يزيد عدد الاعضاء
او نحاول نتكلم عن هذا المنتدى في باقي المنتديات
والصراحه اشوف كثير من الجنس اللطيف خارج هذا المنتدى على عكس باقي المنتديات الرياضيه الاخرى

الصراحه انا بديت ازهق وقررت اني ...
شنو الحل

كلنا نفسك ..... في فتره كان المنتدى يستاهل الواحد يشارك فيه وكان شغال صح ..
لكن بعدين شوي شوي ... بدى يحتضر إلى ان وصل للموووت ...

شوف تاريخ التسجيل وانت تعرف ..

حتى لو
يعني شنو نتركه يولي

انا في رايي نشارك في ونعيده للحياه
ياشباب وين المشرفين المفروض هم يحطون المواضيع

السلام عليكم ورحمة الله

والله يا اخواني الاعزاء انا ما ادخل للمنتدى الرياضي العربي الا بالسنة حسنه


وانا اقترح لو انه يندمج مع منتدى الرياضه المحليه(السعودية)


او انك زي ما زكرت يا اخ Mussav ان كل واحد يمسك دوري معين

وانا مستعد اتكفل بقرير اسبوعي عن الدوري القطري


وشكرا لكم

جزاك الله الف خير اخوي على مساهمتك في بناء منتدانا ومنتداك

واقتراحك جميل وانشالله بس يزيد اراء واقتراحات الاعضاء
بعرض الموضوع على منتدى الشكاوي والاقتراحات

اخوي Mussav انت مسوي رابطة لفريق قطري وعدد الاعضاء القطريين ما يتجاوز الاثنين

ثلاث روابط ممكن تنجح
الاتحاد والهلال والعين

لكثرة اعضاءها

انا مو مسوي رابطه لفريق قطري
مسوي رباطه الوحده الاماراتي والرفاع البحريني
والاماراتيين و البحرينين فوق العشرات في المنتدى

احييك ياخ موساف على حبك للمنتدى

وياليت كل الاعضاء مثلك


وياشباب فعلا نحتاج الى اعادة بناء في المنتدى الرياضة العربية

ياليت هناك يكون من يهتم بدوري ابطال العرب والدوري الاماراتي والقطري والبحريني والمصري والتونسي

واخبار منتخباتهم

مشكور على مدحك وهذا من ذوقك :D
والصراحه انا مو بس احب المنتدى هو جزء مني
انشالله يكون احسن منتدى من بين المنتديات كلها

بس نشوف راي باقي الاعضاء في المنتدى

وياك عيني موساف

خلاص بنقل الموضوع الى منتدى الشكاوي والاقتراحات علشان يشوفون الموضوع

والله انا مثلكم اتنى انه ينشط ونتمنى هالشي يصير وتقبلوا تحياتي

ياخوان انشالله راح يتم دمج منتدى الرياضة العربي مع السعودية
قريبا انشالله

انا اشوف لو كل واحد يمسك دوري بلده يكون افضل

مشكورين جميعا لدعم رائيي وانشالله يتحقق مرادنا وكله لمصلحه المنتدى