قاتلة فاينال فانتزي 11 من مايكروسوفت

السلام عليكم

بمناسبة نزول النسخه الانجليزيه لفاينل فانتزي 11 حبيت اكتب هذا التقرير عن لعبة مايكروسوفت الجديدة Asheron's Call 2 : Fallen Kingdoms المنافسه الان للعبة فاينال فانتزي 11 واللعبة الجديده الي بتنزلها شركة بليزرد Warcraft World قريبا

نبذة عن اللعبة : مطور محرك اللعبة هي شركه Turbain وهي المسئوله عن الباتشات والاحداث الشهريه وقد ابدعت تورباين في صنع افضل محرك العاب ار بي جي اونلاين اطلاقا حتى الان "لاحظت تعليق بعض الاعبين عن المحرك امس واليوم وكلهم يقولون ان محرك لعبة تورباين من ناحية الجرافيكس افضل بكثير عن محرك فاينال فانتزي 11"

- تحتوي اللعبة على اربع سيرفرات واحد PvP وهو سيرفر ممكن اي لاعب ياهجم اللاعب الثاني فيه
وسيرفر اخر KvK وممكن الاعبين الي في مملكه معينه يحاربون اللاعبين الي مو في نفس المملكه في اي مكان

وسيرفرين يعتبرون الاساسيين وفيهم خاصيه ال PvP و KvK لكن في اماكن معينه في الخريطة

الشخصيات
- فيه ثلاثه انواع للشخصيات (البشر - التوميرلوك - واللوجيانز) وكل فصيله ممكن تختار منهم الجنس

الجوبز
- اقوى نظام جوبز نزل في العاب الاونلاين حتى الان مثلا نظام الجوبز الخاص بالبشر
1-محارب وهذا برضه ينقسم الى ثلاثه اقسام محارب عايدي ومدافع ومقاتل او Damage Dealer
2-رماح هذا برضه ينقسم الى ثلاثه اقسام ... موب عارف تفاصيل عنهم :)
3- ساحر هذا برضه ينقسم ثلاثه اقام و ساحر ابيض وساحر اسود وساحر احمر بس الاحمر موب مزيج بين الاثنين , هذا تعويذاته خاصه بالعدو يعني ينقص دفاعاته يقلل سرعته وحتى يغير نفسيته ويسببله جنون :)

التوميرلوك واللوجيانز في الجوبز يختلفون تماما عن الهيومنز يعني موب الشكل فقط الي يتغير التويرلوك يمتازون اكثر شي بالاستدعائات واللوجيانز متطوريين تكنلوجيا يعني ممكن يسوي مدافع واسوار في المعركه يعني كله على بعضه تقريبا 30 جوب من غير السكيلز الي تحصل عليها من المملكة حقتك وهذي تقريبا حوالي 20 سكيل اضافي "الى الان المستوى 40 وماحصلت الى على 2 "

اعلا مستوى بعد باتش الشهر هذا صار 56 وممكن تسوي مهمة البطل في المستوى 45

-Craft System
وهذا يتيح لك صنع اي ماده او سلاح او علاج او اي شي في اي شي بشرط توفر المصادر

المصادر - الحديد - الخشب - الكريستال - الاسيد - الصخور - والاحجار الكريمة

Allegiance
او الينك شيل في فاينال فانتزي اذا اقسمت لاحد راح تلقائيا تكون فاسال وهو الباترون وتنظم للينك حقه ويصير كل نقاط الخبره الي تكسبها راح يحصل عليها الباترون ايضا ولذلك هو يعتبر المساعد والداعم لك في اكثر مهماتك في اللعبة " معي اثنين فاسلز موريني الويل :)" يسمون ايضاء الاطفال

هذي بعض المميزات في اللعبة واكيد نسيت واجد بس تعبت كتابة وهذا اول تقرير . راح احط بعض الصور لي في اللعبة انشالله تعجبكم الرسوم "كل شي على الLow"


http://www.alkaint.com/AC2/cap12.jpg
http://www.alkaint.com/AC2/cap17.jpg
http://www.alkaint.com/AC2/cap37.jpg
http://www.alkaint.com/AC2/cap73.jpg

تحياتي

مشكور على الموضوع حبوب لكن

ههههههههههههه لا ما اصدق انك فكرت بهالطريقة...شفت افلام..و صور للعبة من قبل...انا اقول احسن انك تحطها على ارشيف ومعاها ايفير كويست حبوب

اللعبة الوحيدة اللي ممكن تتحدى جمال فف11 اهي لينيج 2

المؤثرات..والمناطق...خصوصا اشكال الوحوش....ما اقدر اقول انها حتى تنافس فف11

فارجوك...انت توصف لعبة "تنافس" ايفير كويستانها قاتلة لعبة انا انتظرها من سنتين واللي هي فف11

عموما ثانكس ا بنج على الموضوع

اقتباس:

---

المشاركة الأصلية كتبت بواسطة SanjiyaN

مشكور على الموضوع حبوب لكن

ههههههههههههه لا ما اصدق انك فكرت بهالطريقة...شفت افلام..و صور للعبة من قبل...انا اقول احسن انك تحطها على ارشيف ومعاها ايفير كويست حبوب

اللعبة الوحيدة اللي ممكن تتحدى جمال فف11 اهي لينيج 2

المؤثرات..والمناطق...خصوصا اشكال الوحوش....ما اقدر اقول انها حتى تنافس فف11

فارجوك...انت توصف لعبة "تنافس" ايفير كويستانها قاتلة لعبة انا انتظرها من سنتين واللي هي فف11

عموما ثانكس ا بنج على الموضوع

---

انت فاهمني :biggthump :biggthump

(اللعبة الوحيدة اللي ممكن تتحدى جمال فف11 اهي لينيج 2)
نعم ..لكن انا لعبت البيتا, نظان فف11 افضل اي يعني فف11 اكثر طبيعية من ناحية الانظمة
لكن تبقى لاين ايج 2 الوحيد التي تسطيع ان تنافسها لان تصميمها في الغرافيك خلاب جدا .

تم نقل الموضوع ..

السلام عليكم

SanjiyaN : مابقت لعبة ار بي جي اونلاين الى مالعبتها يعني ماكتب شي عمال على بطال تقريبا وقلت في الموضوع ان فيه من الي يلعبون اللعبة هذي جربو فاينال فانتزي 11 واعطو رائيهم في الجرافيكس انه افضل من فف 11 يعني انت الي يبيلك تجرب اللعبة قبل لاتحكم , على كل حال ماتقدر تحكم على AC2 قبل ماتجربها واذا تحب فف 11 ومنتظرها انا برضه احبها وحاجز نسختي وبالعبها :) ياليت قريت الموضوع زين القصد المتعه في اللعب وانا اعشق اللعبة هذي وحبيت اعطيكم نبذه عنها


ايه نسيت ...
ليش تم نقل الموضوع ؟؟؟ القصد كان ان الجميع يعرف بالالعاب الاونلاين وف ف 11 نشطه في منتدى البلاي ستيشن مع انها على الكمبيوتر يعني لاهو الي نقل المواضيع لمنتدى البي سي ولا هو الي خلى الموضوع هذا في البلاي , اخوي msm ......... اكيد شفت فيها اسم Microsoft قمت نقلتها على الاكس بوكس :mad: ولا تبي تنقل اي شي والسلام , ياليت تقرى حبيبي المواضيع بالاول هذي شغلت المراقبين انقل الموضوع للبي سي مع مواضيع FF11 او رجعه يالطيب لان ماله دخل بالاكس بوكس اطلاقا :33:


تحياتي

الرسوم واظحة....و باين ان رسوم اللعبة ما تتقارن بفف11

وانا صح...ما جربتها لكني شفت عرضها...عرض طويل بما فيه الكفاية اني اقول انها تنافس ايفير كويست...مو فف11

وحتى وار كرافت معاها...وانارجي...حسافة لكن...مافي احسن من فف11 ....وانا اقول قبل لا تنعت هاللعبة بأنها قاتلة فف11...جربها و احكم^^

مممممممممم ايش جاب هالموضوع لمنتدى الاكس بوكس؟
هذي لعبة بي سي نازلة من زمان....

أرجو الانتباه msm ^__-

SalaaM..
1st thing sorry for typin' in english cuz my keyboard is in english...


thani shai........... kaif tqarn hal l3ba ma3a FFXI??

ana l3bt'ha(15 days trial) o el9ra7a mumla waaaaaaaayed (got to lvl 13)...
el l3ba t3tmd bshkl kbeer 3la el Quests...... o mb waydeen eli yl3boonha... 1000 - 2000 in total??...

the only game that you could compare FFXI with.. is Lineage2 (as SanjiyaN said) which i think is the best MMORPG i have ever played and in my opinion it's even better than FFXI......

So please Don't compare it with FFXI... it just makes me sick
i mean i couldn't even stand that game.. i just played it cuz of my friend besides that it's an old one?

السلام عليكم

لو فيه لعبة افضل من لعبة ثانيه علشان واحد يجي وهو واثق ويقول لاتقارنها ويعتقد انه على صح كان خلاص سوق الالعاب في كل المجالات بتصير على شركه وحده ولعبة وحده فقط من كل نوع :D

فيه ناس باقي تلعب Dark Ages وياكثرهم مع ان اللعبة انا اشوفها تافهه الى ابعد درجه , قد تعجبني لعبة مستحيل انها تعجبك وانا "اعتقد" ان لا لاين ايج وايفير قويست 2 وفاينال 11 واشيرون كال 2 ماراخ بتكون افضل من ناحيه """الرسوم""" والمؤثرات من World Of WarCraft واذا كانت افضل الاكيد راح يكون لكل لعبة معجبينها :) . وانا ليش قلت قاتله لانه كلام شباب يلعبون اللعبة هذي وجربوا فاينال فانتزي 11 وماكتبت الموضوع الى بعد ماسئلتهم .ومن ناحيتي انا العب اللعبة الى الان حوالي 4 شهور ماصادف طفشت منها الى لما اكون سهران العبها للصبح وفيني نوم :)


تحياتي

اهم شي في اللعبة هو عنصر التسلية والاثارة مع بعض , اذا كانت اللعبة تضمن هالشيئين فلايهم ان كان الغرافيك قوي او احسن ..

آ صحيح .. أعتذر عن الخطأ الغير مقصود .. استعجلت شوي ..

لكن الي واثق منه 100% أن الموضوع مكانه مو منتدى البلاي ستيشن ..ولا منتدى فاينال فانتسي ..

معليه شباب داخل عرض بس شفتكم تتكلمون عن FFXI online

قلت يمكن تساعدوني بشي

انا شريت اللعبه بس ما عرقت اشغلها

سويت السيت اب

بعدين نزلت ملفات من النت

بعدين طلب مني user name & password

ما عرفت وش اسوي الحين

كل ما احط اسم و باسوورد يقول لي غلط

فشباب تكفه ساعدوني.........

اخوي انت من صجك
شوف صور اللعبه والأشكال
والله مهزله
مانقدر حتى نقول انها تنافس فاينل فانتاسي 11
لأن راح نظلم فانيل بالطريقه هذي
والصراحه
فف11 لا يوجد لها مثيل :)

اقتباس:

---

المشاركة الأصلية كتبت بواسطة Bad boy18

معليه شباب داخل عرض بس شفتكم تتكلمون عن FFXI online

قلت يمكن تساعدوني بشي

انا شريت اللعبه بس ما عرقت اشغلها

سويت السيت اب

بعدين نزلت ملفات من النت

بعدين طلب مني user name & password

ما عرفت وش اسوي الحين

كل ما احط اسم و باسوورد يقول لي غلط

فشباب تكفه ساعدوني.........

---

للأسف انا ما جربتها عشان افيدك انشاء الله الشباب اللي لعبوها يفيدونك :)



ويا شباب حتى لو كنت منحاز للعبه معينه


المفروض ما تنقص من لعبه بسبب انك تحب اللعبه المعينه


والمفروض بعد انك ما تنتقص الشخص اللي يفضل اللعبه الثانيه :)



وانا استغربت فيه اعضاء يسوون كذا بمنتدى البي سي !!


وطلع بالأخير انه منقول من منتدى ثاني :)


سبحان الله ..