كلية العلوم الاداريه جامعة الملك سعود قسم الاداره العامه الحلقه الاولى(الرياض)

بسم الله الرحمن الرحيم
سلام عليكم ورحمة الله وبركاته

سوف اتكلم معكم عن قسم الاداره العامه كلية العلوم الاداريه وخاصة عن الدكاتره الي فيها
ان قسم الاداره العامه من الاقسام التي ليست بسهله حيث تحتوي على مواد صعبه اشوي عموما

لا اطول عليكم ولكن كم اتمنى ان يكون هناك تفاعل من الاعضاء الكرام وخاصه من طلاب كلية العلوم الاداريه بالرياض جامعة الملك سعود

الدكتور الاول
مبادى الاداره العامه درسني الماده الدكتور احمد مدواس اليامي

يالله من دكتور غريب وعجيب يحب القرق الكثير والاستهبال على الطلاب ياويل الطلاب من الي يبون معدلات مافي امل يعطي معدلات دكتور غريب الاطوار لا تستغرب مره يجي ويقولك ونت جالس وساكت انت مطرود ورح قل للعميد عموما الي يدري عنده مادة الانجليزي راح يكون عنده من المحاربين القدامى 00000000 كلمة حق الدكتور يشرح لكن الله يعينك على الاختبارات والدرجات مافي امل

الاستاذ عبد العزيز النشمي يدرس اداره محليه ومبادى وتنميه اداريه واساليب عمل
اذا شفت الاسم هذا رح على طول لقسم تسجيل ونزل الماده عنده الاستاذ هذا ارهب واجد في القسم

الدكتور مازن فارس رشيد من اروع الدكاتره يعجبك في شرحه ويحب يهز الماصه الي قدامه بشكل عجيب هذا الدكتور هو مؤلف كتاب الموار البشريه الكبير بس الدكتور رهيب في ضحته ويموت بدخان
طبعا الدكتور حجازي ياحبي لهم

الدكتور الشايب هاني خاشقجي ابتعد عنه ولا تخليه يدرسك اصلا لوتكتب الكتاب كامل في الاجابه ماراح تاخذ حقك لان بنته هي الي تصححالاختبارات طبع من هو حجازي من اصل تركي


الدكتور حزام ماطر المطيري رئيس القسم سابقا وممثل الكليه في المجلس العلمي
كثير من الطلاب يقولون انه مغثه في المواد الي يدرسها لكن من ناحيتي درسني اداره في الاسلام وكان رهيب يعني د+ بس اسأل الدكتور وقله وش الفرق بين الاسلمه والعلمانيه وتسمع عشر محاضرات ورا بعض كلمة حق الدكتور من الدكاتر ه الذين على خلق ودين0
يحب يخلي الطلاب يحضرون لبكراااااااااا بالقوه ويلقون داخل المحاضره ماحضروه

الدكتور العتيبي نسيت اسمه طبعا هذا الدكتور لا يفقه في الاداره شي ادخل عنده تاخذ معدل بس لا تتوقع انك راح تفهم شي لانك ماراح تدرسه ترى عادي تقلب المحاضر قصايد ورقص
او حفلت اطفال فيها كت كات ومارس
والجلسه على الارض مهب على الكراسي لان الدكتور فري

الدكتور بدران العمر من افضل الدكاتره في القسم بس لاتقوله انا اشجع النصر خاص بطلاب الماجستير هذه النصيحه
الدكتور محمد عبدالله الهران ((( ريئس لجنة مراقبة الامتحانات )) راح يغثك بالمنصب الخطير هذا
من كثر مايقوله الدكتور هذا ابتعد عنه في مادة المؤسسات لانه راح يذبحك في الدوائر الحكوميه كله بحث وخربطه على الفاضي يحب السواليف ودائم السهووو يسمع كثيرا بالالتزام بالنظام وهو من جنبها
وهو من اهل كلمة حق الدكتور يتفهم لطلاب ولظروفهم بس بعذر شرعي
الدكتور طارق السلوم دكتور رهيب محاضرته تروح بسرعه بس الدرجات شديد فيها شوييحب المزح والضحك شوي يدرس مادة الموضيع المختاره باللغه الانجليزيه بس ماشاء الله عليه في الانجليزي توب
يترجم بسرعه ممممممتاز

سالم القحطاني يدرس القياده الاداريه دكتوووووور رائع كثيرا بس المحاضرات تتكنسل لليل يعني ما هنا شي بالنهار

معدي ال مذهب القحطاني ابتعد تسلم احذر تسلم اذا نزل اسمه عندك احذف الماده او شف لك حل
يحب النفخه وشايف نفسه كثيررررررر
عبدلرحمن الشمري يحب يخلي مواد الاداره العامه تقلب رياضيات خاصه في مادة الموارد البشريه واتخاذ القرارات مسأل وغيره عمومااااااااااااا اكثر من ب لا تدور الدكتور هذاي هتم في الحضوووووور بشكل عجيب وغريب كلمة حق الدكتور ملتزم دينيا وعلمياً

الدكتور وحيد الهندي رهيب رهيب رهيب جدا خلوق وطيب ومتفهم بس البحوث براسك براسك بس يعطيك حقكوزياده


الدكتور ال سعود هج اهرب افرك انحش منه مغرور ومتكبر بشكل عجيب


هنااااااك عدة دكاتر ه اخرين لم اذكره وسوف اذكرهم بشكل سريع عبدالرحمن البراك ؛العامري ،سعود النمر ,الحميضي : التويم 00العبدالطيف00العيبان
ومن يرغب ان اذكر شي عنهم اوللاستفسار عن اي دكتور من من تم ذكرهم سوف ارد عليكم ولا تستحون انا في الخدمه عن القسم هذاااااااا

والسلاااااااااااااااااااااام ختام



الــــــــــــــــــوجيه

مرحبااا
انا بالصدفه وانا ابحث عن موضوع ....كتبت في قوقول القياده الاداريه
وطلع معاي هالينك ...
وانبسطت انو في منتدى للطلاب الجامعيين
وانبسطت اكثر انه في موضوع حلووو زي هالموضوع عن كليتي ...وعن قسمي بعد
انا طالبه في جامعة الملك سعود
كلية العلوم الاداريه -اداره عامه ...
حبيت اشارك في المنتدى علشان ارد على هالموضوع خصيصا
حبيت اعطي راي في بعض الاساتذه الي درسوني ...
وماهم كثار ترى

اول شي ...
درسنا عادل العبد الكريم ...قسم السياسه ....
ياشباب عطونا وجهة نظركم عنه ...
هالدكتور.... مدري هو استاذ ..
شايف حاله شوي
ويحب التحظير ...
طبعا ما يشرح
طول المحاضره ...الطلاب والطالبات ...يقولوا وش قلنا في المحاضره الي فاتت ..وش حضروا لليوم والمحاضره كلها ساعه تخلص بسرعه ...واذا كلف على خاطره ...زود كلمتين ..
طبعا هو يمدحوه عن باقي الاساتذه الي يعطوا سياسه 101 ...
وماعليه كلام دام النجاح مضمون ...والي بتشد حيلها اضمن لها ايه بلس
بس البنات لازم تتعود على طوووووووووووووط ...
لانها وهي تجاوب ...مايعطي وجه ...ويسد الخط بوجه البنات ...
ولاتفكري تستفسري عن شي ...على بالك بتسوي فيها شاطره ...اوعي ...ترى الاجابه بتكون طوووط طوووط

بعدين عندنا ...حزام المطيري ...
وماقصر الاخو ...اختصر كل شي ...لما قال اساله وش الفرق بين العلمانيه والاسلمه ...طول المستوى وهو يشرح الفرق ...بس بدون ماحد يساله ..
وبعدين من وجهة نظرنا احنا يالبنات
ترى هالدكتور غثنا بالبحث الي مسويه ...عن الاسلمه
وفي كل امتحان مدخله حتى بالفاااينل تخيلواااا ...
بس هو مو رهيب ابدا مثل ماوصفه ...
بس مانتكبر على النعمه ...ونقول الحمدالله الي نجحنا ...
مع انو احنا سجلنا الماده على اساس المستوى الي قبلنا عاطيهم النشمي
وبعد كذا تفاجانا بالدكتور ...بس مشينا الحال

على فكره ...دفعتنا ...مانسميها الا دفعة النحس
لانه كل شي فيها بالمقلوب
يعني الاداره في الاسلام ياخذوها المستوى الي قبلنا ...يدرسهم النشمي ...تجي دفعتنا يصير حزام ...شفتوا اردى من كذا حظ

والحين بقول لكم بعد

المستوى الي بعده عندنا ادارة تنميه طبعا هالماده يدرسها النشمي ...
وين ماتمشي وتسال ...كلو يقول زي النشمي مافيش ...
ايه بلس بالراحه ...
ونشق الحلق الابتسامه من هنا الى هنااااااااااااااااااااااااااااااااااااااااااااااااااااااك
ونجي عند النشمي ...الصراحه والشاهده لله الرجال ماعليه كلام ...شرح ..واساله زي الحلاوه
ودرجات الشهري زي الفل ...
نجي عند المعدلات ..في الفاينل ....تلقاها كلها C+
وش السبب ماحد يدري

مو اقول لكم دفعو نحس ...

عندنا استاذ السياسه ...القمررررر
الي اسمه
ياااااااااربي ..نسيته ..المستوى الي فات ماخذين الماده


العتيبي هو ..بس ناسيه اسمه ..

ايه تذكرته
سرحان العتيبي
المحاظره ساعه ونص ...
وطول الساعه ونص يسولف مع الطلاب
يجي يوم الامتحان ...
يقول الامتحان من صفحة كذا الى كذا ...

طبعا كله كلام مانشرح

بس مو مهم دام اسالته مقدور عليها وتنحل ..

والحق ...الملزمه الثانيه شرحها الرجال بضمير ..

وفي الفاينل اساله ماتنحل ...
بس النجاح بمعدلات ..والحمد الله
لكن عندي ملاحظه
طلاب السياسه في هالماده كانوا قليلن ادب بشكل ماحصلش

هذا وسلامتك اذا استجد شي ...واخذنا ماده شبكات بجي اقول لكم

ياشين الغربه شيناه :vereymad:

<<<<<<<<<<<<<<<<<<<<<<<<<<يقاله في اليونان


تدرون ليش مغترب
عشاني لحالي ادارة اعمال :(

اغادير فيه منتديات كثيرة للطلاب جامعة الملك سعود ولقسمنا بعد
بس ياهي تجيب ضيقة الصدر
اول مااشوفها اتذكر وجيه الدكاتره والا المبنى والا السكرتي الي ماادري وش شغلته

الحال من بعضواااا
كلنا غربه في غربه
وكله في سبيل الدراسه والعلم ومن ثم في سبيل الوطن

يا شباب انا ادارة اعمال

وبسألكم عن دكتور يدرس قصد اسمه حمد محمد آل الشيخ

من قد درس عنده 101 قصد

انا درست عنده 101 و201

شف خذها مني لاتحارشه خلك بعيد اذا سالك لاتجاوب صح ولا تتفلسف الا اذا جاوبت اجابة علمية مطلقه يعني من التعريف من الالف الى الياء

احسن شيء قل له ماادري ويصد عنك وان كان فاضي هزىء الشعوب العربية وقال هذا سبب تخلفنا



المهم الدكتور كنق يعني يحررررقكم في الكورس لكن بيسعدكم بالدرجات اختباره الاول التصحيح من 30 لكن بيقولكم من 25 والاختبار الثاني راح يدبله لكم والنهائي حلوو

اختباراته صعبه شوي بس موب السبب منه السبب من المادة لكن صدقني راح تكره مرة ومرتين والف مره لكن اذا اخذت الدرجة راح تحب راسه وتدعيلي اهم شيء لاتتهاون ولا تتكاسل في الاختبار والله يعينك


<<<<<<<<<<<<<<<<<<<<<<خبرة ال الشيخ صدد الله خطاه

اقتباس:

---

المشاركة الأصلية كتبت بواسطة back street

انا درست عنده 101 و201

شف خذها مني لاتحارشه خلك بعيد اذا سالك لاتجاوب صح ولا تتفلسف الا اذا جاوبت اجابة علمية مطلقه يعني من التعريف من الالف الى الياء

احسن شيء قل له ماادري ويصد عنك وان كان فاضي هزىء الشعوب العربية وقال هذا سبب تخلفنا



المهم الدكتور كنق يعني يحررررقكم في الكورس لكن بيسعدكم بالدرجات اختباره الاول التصحيح من 30 لكن بيقولكم من 25 والاختبار الثاني راح يدبله لكم والنهائي حلوو

اختباراته صعبه شوي بس موب السبب منه السبب من المادة لكن صدقني راح تكره مرة ومرتين والف مره لكن اذا اخذت الدرجة راح تحب راسه وتدعيلي اهم شيء لاتتهاون ولا تتكاسل في الاختبار والله يعينك


<<<<<<<<<<<<<<<<<<<<<<خبرة ال الشيخ صدد الله خطاه

---

ماقصرت اخوي

والله يعين على امتحاناته يقول الأختبار ماعمركم شفتوا مثله بحياتكم :06:

هههههههههههههههههههههههههه

ياحليله ترى بس بيخوفكم عشان تدرسون زين والا ترى اسالته سهله يعني مثل
ارسملي منحى الطلب والعرض عند سعر الطلب ؟؟ وسعر العرض؟؟
عددلي عوامل انزحاف الطلب والعرض ؟
وجدول مدري حق ايش الظاهر حق المتوسطات يعطيك شوي منها وانت تكمل الباقي (الظاهر هذي حقت الشهر الثاني )
اهم شيء انك تذاكر زين ولا تخاف

بشرى سارة

الدكتور عبدالرحمن البراك رجع

وكان سبب اختفائه هذي المدة انه انظم الى مجلس الشورى :biggthump

انشاء الله يضبطنا ولا تغفل عينه عنا

اذا كنت يا سعادة الدكتور تقرا مشاركتي فمبرووك لأنك بتواضعك تستاهل كل خير

الله يبارك لك

هلا وغلا الخوان اداره عامه


ياحبيلكم ايه تكفووون ادوركم من زمااان بليز ابي العيال تسولي خدمه اذا شفتو المصري منير عابدين
ابيكم تجلدونه لي تكفوووون قاااهرني مصري ورافع خشمه وقال ايش انا معطي البنت اكثر من حقها ايه العبها على غيرنا


واما الدكاتره الكويسين عبدالله الحميد بوسولي راسه من جد يتجاوب معنا اوكي مو المصري المعفن


وعلى الدكتورات مايستاهلون هالاسم قصدي اساتذتي المعلمات خخخخ حلوة صح كلهم سولفي معي انجحك
ماشوف خلقتك عندي بالمكتب اكثر من مره انتي حامله الماده


وربي اني اعاني من هالجامعه الله يعين ادعولي ولاخواني واخواتي الطلاب والطالبات بالتوفيق

اقتباس:

---

المشاركة الأصلية كتبت بواسطة back street

هههههههههههههههههههههههههه

ياحليله ترى بس بيخوفكم عشان تدرسون زين والا ترى اسالته سهله يعني مثل
ارسملي منحى الطلب والعرض عند سعر الطلب ؟؟ وسعر العرض؟؟
عددلي عوامل انزحاف الطلب والعرض ؟
وجدول مدري حق ايش الظاهر حق المتوسطات يعطيك شوي منها وانت تكمل الباقي (الظاهر هذي حقت الشهر الثاني )
اهم شيء انك تذاكر زين ولا تخاف

---

والله صدقت اخوي

قالنا الي يجيب درجة بالثاني اضربها بـ 2 اذا كانت احسن من الشهر الأول

والله انه دكتور مزااجي مره يجي مبسوط ومره يجي طفشان ويطفشنا معاه

خصوصا اني بشعبه اكثرهم ماهم حقين دراسه (مدري ليه يحظرون؟) وهو كاره شعبتنا بسببهم

خخخخخخخخخخخخخخخخ
هذا منير عابدين ...يدرس محاسبه
ومره كنت فاضيه ...ورحت مع صديقتي
والله موتني ضحك ...
مايشرح محاسبه ...
قاعد يشرح عن العفريته حق السياره وكيف تشتغل ...
وفي النهايه يقول ...صدء الي سماها عفريته دي بتشتغل متل العفريت
خخخخخخخخخخخخخخخخخخ

السلام عليكم
قبل كل شي القي تحيتي لكل طلاب كلية العلوم الاداريه
اولا انا من طلاب ادارة الاعمال
ثانيا من خلال خبرتي المتواضعه انا انصحكم بالدكاتره التالين
د/ مساعد المسبحي
يدرس مواد القصد ... هذا الدكتور من اساطير الجامعه ... انسان اسلوبه راقي في التعامل وشرحه ممتاز جدا انصح الجميع انهم ينزلوا عنده قصد ... الدكتور راح يدرس ماده تحليل الاقتصاد الجزئي 201 في الترم الصيفي انصح اللي راح ينزل صيفي ياخذ عنده

د/ محمد بسيوني
يدرس محاسبه 101 ... بأختصار تبغى تنجح بمعدل و انت فاهم نزل الماده عنده ... كل ما تحضر عنده اكثر تاخذ درجات اكثر

د/ محمد شمسي
يدرس مواد اداره ... الصراحة دكنور شديد لكن شرح لا يعلى عليه بعض الشباب يقولوا انه ما يصحح لكن صراحة انا تعبت وذاكرت وحليت بالاختبار واخذت عنده A

د/ عيد رواش
يدرس نظم ... الدكنور الوحيد اللي يمدحوه الطلاب من دكاترة القانون رغم انه شديد لكن شرحه ممتاز ويعطيك حقك بالتمام مشكلته الووحيده انه ما يلخص ... لو يلخص يطلع افضل دكنور قانون

اتمنى اني افدتكم ولو بالشي البسيط