ابي مساعدة في ال DSL

يشباب اعرف رفعت ضغطكم بموضوع ال DSL
بس في كم شغله ما فهمتها الحين ايش هو المودم و Router
المودم = اعتقد هو مثل المودم الخاص في التلفون للاتصال العادي
بس ايش هو الراوتيرRouter
*
بعدين عندي عدة عروض كل واحد احلي من الثاني
ابتكلم عن سرعة 128 ك لمدة 3 شهور
نبدأ:
1- أول نت : 900 ريال مجاني: برنامج McAfee

2-أثير : 900 ريال المودم : 450 ريال موديم(USB) - رسوم : 200 ريال - موزع : 50 ريال
خيارات المودم :
ADSL Router Modem (netopia) With 4 Ports sr 985
ADSL New Bridge Ethernet Modem (3com) sr 985
مكتوب ملاحظة :العرض اعلاه يطبق علي مقسم التي تتوفر مع Stinger USB موديم فقط

3- سيبيريا : 1050 ريال + شهر مجاني - رسوم : 250 ريال - مجاني رسوم الاتصالات
المودم Alcatel Speed Touch USB ADSL Modem : SR385
بعدين مكتوب مودم ونظام امان يمكنك من الاستعمال المتعدد عن طريق اشتراك انترنت واحد
Alcatel Speed Touch (Multi-user Gateway) sr750 ( اربع مداخل )
Alcatel Speed Touch (Multi-user Gateway) sr650 ( مدخل واحد )

4- نسما: 750 ريال - رسوم الاتصالات مجاني
سعر المودم 450ريال Alcatel Speed Touch بدون تركيب

****
هذا بخصوص عرض رمضان

ابي بالتفصيل ايش الي تركبه عشان يشتغل ال DSL قطعة قطعة
وبعدين ايش الي مو ضروري
وانا ابي اركبة لاكثر من جهاز

يا سلمان .. ركب اول شي الدي اس ال على اي شركه .. انشالله زجول

بس تاكد ان الخدمه تركب .. مب بالاخير يقولون ضغط عالي ومدري ايش ويضيع عليك التعب هذا

خذ شهر .. وقله بجرب خدمتكم ان صارت زينه كملت .. بيوافقون

ان صارت زينه كمل .. موب زينه غير الشركه

واذا على العرض .. تقريبا كله متساوي

الف شكر يا DiGit4L
اعرف رفعت ضغطك في المسنجر
انواع الشرح الين فهمني
وبالاخير كتب في المنتدي عشان ما اسئله :mad:
هههههه :p ههههههه
بس مشكور علي الشرح وانا الحين محتار شكلي اباخذ سعودي نت
بس علي كلامك بيكون عليهم ضغط
ان شاء الله اتصل عليهم اليوم

على قولت ديجيتال اول شي جرب لا تنشبلك وحده من مصايب الأتصالات القلق !!


والباقي يتسهل انشاء الله اذا ركب النت


بعدين المودم اذا ملزم على راوتر ليه تقلق نفسك وتاخذه من حدا هالشركات :) ؟


رح اشتر الكاتيل سبيد تتش 510 سعره تراه بـ950 ريال تقريبا مع السبلتر !!


بس اهم شي تأكد ان الخدمه تشتغل عندك قبل ما تشتري المودم لأنه فيه ناس توهقو بنفس الجركه :p

السلام عليكم :) ..

salman f o , المودم مثل ما تفضلت أخي العزيز , فهو مثل المودم العادي وتشبكه عن طريق USB في الكمبيوتر , والقليل منها تشبكه عن طريق LAN ..

أما الراوتر فهو مفيد جداً , في حالة أنك كنت تملك شبكة بين أكثر من جهازين , أغلب الراوترات فيها 4 منافذ , وأشهر هذة الرواترات الموجودة عندنا هي : Speedtouch 510 من الكاتل مثل ما ذكر أخوي مؤيد ..

في الأربع منافذ الي في الراوتر , تقدر تشبك فيها 4 أجهزة يستخدمون الإنترنت في وقت واحد , ويكون السيرفر هو ( الراوتر ) , بحيث لو أن أحد الأجهزة الأربعة مثلا كان واقف عن العمل فلن يضر ذلك لانك أصلا شابك في الراوتر الي بدوره شابك في الإنترنت مباشرة ..

أما في المودم العادي , يصير مشبوك في أحد الأجهزة في الشبكة , ويكون هذا الجهاز هو السيرفر , والأجهزة الأخرى شابكة في هذا الجهاز , وهنا مشكلة , فمثلا لو يقف الجهاز عن العمل , أو يسوي ريستارت :) , فالإنترنت بتوقف عن جميع الأجهزة الأخرى لأنا شابكه في الجهاز وليست شابكه في الانترنت مباشرة ..

فهنا نستخلص مهمة أو فائدة الراوتر , كذلك بإمكانك توسيع منافذ الراوتر إلى 12 بورت , أنا مسوي ذا الحركة ;) , استغليت أحد منافذ البورت الأربعة وشبكته في Hub بـ 8 منافذ , فكذا زاد عدد البورتات ..

هذا ما يخص بالراوتر أو المودم , أما ما يخص خدمة الـ DSL من الإتصالات فالله يعينك , أنا انتظرت 4 شهور تقريبا لدخول خدمة الإنترنت عندي , قد تواجه مشكل في كبينة هاتفك , وقد تواجه مشكلة المقاومة العالية , وقد يكون مقسم الهاتف أصلا ما يدعم خدمة الدي اس ال , لكن من فترة قريبة قامت الإتصالات بفتح مقسمات كثيرة لدعم الخدمة .. , وإذا واجهتك أحد هذة المشاكل فعلمنا عشان نعطيك الحل , لأني واجهت أغلب المشاكل الممكنة :) ..

بالنسبة لمقدم الخدمة , أنا جربت عدة شركات , كل الشركات يجيها تخبيط , وفضل خط , وبطئ بعض المرات , وسوء في الخدمة , لكن أقل الشركات مشاكل وأفضلها هي : سعودي نت , بحكم تجربتي وتجربة الكثير من أصحاب الدي اس ال ..

كذلك عند تركيبك للخدمة , عشان تتجاهل مشكلة المقاومة العالية إذا كانت عندك , مع إني أتوقع انها عندك , لأني ما خبرت ولا واحد في السعودية ما عنده هالمشكلة :) , لازم تركب سلك خاص ويكون مباشر من بوكسية الهاتف في المنزل , على الراوتر أو المودم , و يكون هو السلك الوحيد للرقم الي بتركب عليه الخدمة , يعني من المفترض أن مافيه ولا هاتف في البيت شابك على هالرقم إلا الـ DSL فقط ..

هذة الي أذكره حالياً من معاناتي مع محاولة تركيب الخدمة , وإذا كان لديك استفسارات أنا والأعضاء جاهزين لها إن شاء الله ..

سلام :) ..

الله يعافيكم شباب
كلمتهم يوم الاربعاء وقالوا لاوم تمر عشان تعبي ورقة وان شاء الله تركب عندك خلال اسبوع
ويوم الخميس رحت عند سعودي نت كان مقفل . :mad: قهر
ان شاء الله يوم السبت الصباح الساعة عشرة
-
اذا ركبت DSL الله يعينكم
بتلقوني اربع وعشرين في اربع وعشرين ساعة علي النت :p

ياشباب عندي سؤالين
انا اشتركت في زاجل ب1890 مع مودم راوتر وقسام وتركيف وتعرف لجهازين والمده ست اشهور
والسرعه تتراوح من128الي256 يعني تنقص وترتفع

هل السعر مناسب ولا كذبو علي؟؟؟؟


وهل خدمة الدي اس ال وصلت للمقسم226 طبعا انا موجود في الرياض

والمودم هو زوووم فيه لصقه مكتوب اكس بوكس لاين وش معناتها

ازعجتكم بالاساله ههههههههههههههههههههه

الجنرالز


السعر حلو مره اذا مع المودم والتركيب وراوتر 4 بورتات بس لو المودم الكاتيل افضل وهو نفس السعر


بغيت اسألك بس انت تلعب جينيرالز بدون مشاكل ؟ اقصد على اشتراك زاجل !


والخدمه ما اذكر بالضبط هي وصلت 226 بس انت ادخل سعودي نت فيه اعلان بموقعهم للأرقام الجديده اللي وصلتها الخدمه :)


وبالنسبه للصقة Xbox online معناتها انه تقدر تلعب عن طريقه بالOnline بالأكس بوكس


يعني يدعم اللعب اونلاين (هذا اذا عندك Xbox !!) مفيد للي عندهم Xbox


وخذ راجتك هنا نبغى نخدمكم :)



------------------
سؤال لأخوي ADSL


وش رايك بشركة اول نت ؟


وش مميزاتها ووش عيوبها ؟

مشكور اخوي مؤيد
انا اشتركت بسس
بس توني مادخلت في الخدمه يقول مقسم 226 ماوصلته الخدمه والله مدري عنه ايه عندي سؤال

انا اشتريت جنرالز القديم اصلي وضبطت كل شي بس اضغط على اون لاين مايشبك ماادري ليه

ادخل على option في الشاشه الرئيسيه وحط الproxy بالطريقه هذي :


proxy.zajil.com.sa:3128


(تراي موب متأكد منه 100% بس انت حط البروكسي اللي تحطه بالمتصفح :))


وانشاء الله تشتغل معك


وياليت تردلي خبر الحين او بأسرع وقت خصوصا الping حقك في اللعبه كيف صاير لونه ورقمه :) !

اخوي مؤيد الحين مافتحت الخدمه بس انا الحين اشترك بنسما كيف اسوي مع العم ان بروكسي زي كذا
proxy.nesma.net.sa

وش اغير فيه

proxy.nesma.net.sa:8080

اكتبه بهالطريقه وان شاء الله يشتغل معك

هلا MoaeD
ليش اشتراك سعودي نت تعبان في جينرل
-
انا ابي اركب DSL
عشان جينرل بس ويطلع البنج تعبان ماله داعي

مؤيد , أول نت يعيبها أسعارها المرتفعة شوي , ورسوم التأسيس 300 ريال , أنا ما سبق لي تجربتها صراحة , لكن الي مجربينها يمدحونها , ويقولون قليل تقطيعها وفصلها , وتجلس بالأيام ما تقطع أبد :) ..
طبعا ما أعتقد ان هالكلام صحيح , لأن الفصل بعض المرات ما يكون من مقدم الخدمة , بل من الإتصالات ..

عموماً تفضل هذة الصفحة , تلقى فيها مقدمين خدمة الإنترنت عندنا في السعودية , وتلقى كل مقدم خدمة ونسبة الإزدحام عنده
http://cgi.isu.net.sa/isputil/arabic/
طبعا شف الي على مدار 24 ساعة :) , لأن الـ 5 دقايق والـ 15 دقيقة ليست حكم ..

عموما , هل تنوي الإشتراك بالـ DSL , أو أنك مشترك وتنوي تغير لـ أول نت , إذا كنت ناوي تغير علمنا من مشترك معه أنت الحين , عشان نشوف هل تستاهل التغيير ولا لا ..
-------------------------------------------
salman f o , لعبت في جنرالز بإتصال سعودي نت , ولم أشك من أي بطئ , البنج منخفض وممتاز , وفي أغلب الألعاب تقريبا ,, أدخل على سيرفرات أجنبية لميدل اوف اونر , أو باتل فيلد , والبنج ممتاز ما فيه أي بطئ باللعبة ..

فيه ميزة مهمة جدا جدا جدا في سعودي نت , وهي إنهم فاتحين بورتات كثيرة , فمثلا الـكويك ماتش في جنرالز ما تقدر تدخله مع بعض الشركات :) , لكن سعودي نت مشى الحال .. وأيضا بعض برامج تبادل الملفات مثل الـ eMule وغيرها ما تقدر تستخدمها مع بعض الشركات , لكن سعودي نت مشى الحال ..
------------------------------------------
هذا خبر قد يكون مهم بالنسبة لكم , لقيته في أحد المواقع :

سيتم قريباً ان شاء الله طرح خدمات DSL او ربما SDSL بسرعات عالية تصل الى 512kbps و 1MB و 1,5MB.

وتقوم شركة الاتصالات السعودية حالياً بعمل إختبارات للخدمة قبل طرحها منذ عدة أشهر، وسوف تتوفر هذه السرعات العالية في بدايتها للشركات نظراً لإرتفاع اسعارها على مشتركي المنازل.

بالنظر للوقت الذي سوف تطرح فيه الخدمة نستنتج أن شركة الاتصالات السعودية وبالتنسيق مع مدينة الملك عبدالعزيز للعلوم والتقنية تستهدف جذب المشتركين للإنترنت المحلية في وقت بدأ فيه إنترنت الأقمار الصناعية بالإنتشار بشكل كبير بين الشركات والمنازل وبأسعار في متناول الجميع ولا تقارن ابداً مع أسعار الإنترنت المحلية وبسرعات أعلى من سرعات خدمة DSL المتوفرة في المملكة والتي لم تتطور منذ سنتين عن سرعة 256kbps.
ومن المتوقع أن تقل أسعار الانترنت من خلال الأقمار الصناعية بشكل كبير أيضاً في ظل طرح شركة الأتصالات سرعات منافسة لسرعة الانترنت الفضائي.

المصدر: بوابة الإنترنت الرقمية.

سلام :) .

الف شكر يا ADSL
ما شاء الله
استفدت منك كثير
طيب ايش رايك في نسما وسيبيريا
اليوم مريت سعودي نت واستفسرت عن الخدمة
-
حبيت اعرف ايش - اي نوع من انواع المودم الي تستخدمه انت و DiGit4L و MoaeD