الا ياوقت مايكفي همومٍ تقتفي بهموم
..................................... وجرح غاير باقصى معاليق الحشا فيني
وحزن وافي يكبر على مر الجروح يدوم
...................................لك الله وان بغيت انسى لقيت الهم يطريني
مشاوير وعنا رحله خفوقٍ ضامي محروم
.................................. من اول لآخر احلامي احس اليأس يطويني
ظلام وظلم واسرار غدا حتى الحكي مذموم
...................................وغدا صدق المشاعر زيف بالزلات يرويني
تصبرت بعذر واهي واقول انه قدر مقسوم
.................................. كتب لي من قبل عمري يخط وتكتب سنيني
ولكن كيف ياوقتي تغير سلمنا بسلوم
.................................. وكيف الجرح من اقرب قريب..غدر ياتيني
صدق من قال يادنيا ابد مالك امان بيوم
........................................ ولا للصادق بقلبك مكان ولا تلوميني
انا ما جيت ابعاتب يكفينا عتاب ولوم
.................................... ولا بشره على منهو مع العربان جافيني
انا جيت اسأل الظالم سؤالٍ ردده مظلوم
..................................تظن ارتحت بعد اللي جرا مابينك وبيني؟!!!
:o . . :D . . :أفكر: . . :bigeyes: . . ;)
======================
