ياللهول خبر راح يهز المنتدى (لاديفدي كوبي بعد اليوم بالرياض)!!!!!

السلام عليكم

شباب انا مريت يوم الجمعه الي فات على محل وكنت ناطر برنس اوف برسيا تنزل على احر من الجمر وبعد اكثر من ثلاث ايام اتصلات على محل (مملكة العاب الكمبيوتر نزلت اللعبه عنده كوبي واجيك مسيخ رايح للمحل عشان اشريها والحمد لله شريتها فتحت العلبه حقت الشريط ويام قلبت الشريط لقيته ابيض اسغربت وخفت في نفس الوقت يطلع سيدي مو ديفيدي وقلت لباكسناني :
ياخي هذا شكله سيدي
قال: لا صديق هذا ديفيدي مافي خوف اذا سيدي رجع
واجيك راجع واشغل اللعبه بحماس شديد والعب بها واذا بدت اللعبه واحريت عرض البدايه ما جا شي لين خلصن 15% من اللعبه ما فيها عروض واكتشفت انها سيدي وادز للمحل واقوله اننها سيدي وارجعها وقلت له راح اخذا لامن نزلت دفيدي
وقلت : ليش ما اروح ادور بالمحلات الي بالرياض يمكن تنزل ديفيدي ودرت جميع محلات الرياض وما لقيت نفس النسخه كلها تتشابه من تحت ابيض وفيها علامه بلاستيشن الاول تلمع من تحت .
ويجي اليوم الثاني وبعد اتصالات رحت لمحل صاحبه سعودي وقلت له وش سالفه قالي ....
السالفه وما فيها ان العاب الديفيدي ما راح تنزل بعد هاليوم لأن كل لعبه راح تزل سيدي !!!!!
قلت : وش السبب ليش ترا راح نفلس من الاصلي لأنه غالي حنا يالله يالله نجيب فلوس العاب الجيم كيوي الاصليه تبينا نشري ps2 اصلي .... ويقولي السبب .....0

الاسباب لعدم نزل الديفيدي

1-صاحب المحل يقول ان السبب الرئيسي هو ان المندوبين(الموزعين بالسعوديه ) يقولون ان سعر الديفيدي غالي مره يعني لو قارنا الديفيدي بالسيدي زي مقارنة سياره وطياره من ناحية الحجم لأن اسعار الديفيدي نار اما السيدي فسعره لا يتعدا الريالين لأن المحلات يشرونه بسعر رخيص مره مقارنه بالديفيدي فهو اغلى لذالك عائد الربح اكبر للمندوبين والمحلات ( ما اقول الا الله لا يوفقك انت ولا المندوبين ولا المحلات :p :p يا حرامه ياماديين) 0

2- السبب الثانيمن محل من المحلات يقول انه كثرة الالعاب الي تحوي على مقاطع من افلام تحوي مقاطع خليعه لذلك السيدي لما ينسخ من ديفيدي لن يحوي هالمشاهد مثل لعبة المصارعه الجديده الي توها نازله 0


3- السبب الاخر وهذا من وجهت نظري انه فيه شوي من السبب الاول انه لما تطب عليهم البلديه وتاخذ ما عندهم من العاب منسوخه تكون الخساير قليله جداً مقارنه بخساير الديفيدي المكلفه 0


هذا الي قدرة احصل عليه وانا فتحت هذا الموضوع للنقاش لأهميته البالغه وما قد يحصل للمستهلكين مثلي ومثلكم من الخساير بسبب شراء الالعاب الاصليه .. لأن كل واحد ميزانيته محدوده وحنا مقبلين على العاب رائعه مثل ffx-2 , كراش نيترو , ماريو كارت ,وماريو بارتي, سول رفير3 .........
..........

لذالك انا فتحت هالموضوع عشان نتناقش ونحل هالمصيبه وانا عندي فكره حلوه مره بس راح اطرحها بعد ردوكم .....
تحياتي

ملاحظه : جميع الالعاب الي نزلت بعد برنس اوف برسيا كلها سيدي لأني شيكت على المحلات كلها
وانا الحين رايح اشري بالفلوس الي كنت ناوي اشري بها فيتوال جو على الجيم كيوب راح اشري بها برنس اوف بريسيا
:biggthump

1-صاحب المحل يقول ان السبب الرئيسي هو ان المندوبين(الموزعين بالسعوديه ) يقولون ان سعر الديفيدي غالي مره يعني لو قارنا الديفيدي بالسيدي زي مقارنة سياره وطياره من ناحية الحجم لأن اسعار الديفيدي نار اما السيدي فسعره لا يتعدا الريالين لأن المحلات يشرونه بسعر رخيص مره مقارنه بالديفيدي فهو اغلى لذالك عائد الربح اكبر للمندوبين والمحلات ( ما اقول الا الله لا يوفقك انت ولا المندوبين ولا المحلات يا حرامه ياماديين

انا اذكر ان سعر الدفيدي الفاضي اربعه اريال واذا كثر خمسه اريال يعني هم رابحين
ومن فتره واهم ينزلون اشرطه سيدي
احتمال مثل ما قلت ربح مادي لا غير او على حسب الموزع الا يجيبه عن طريق التهريب


- السبب الثانيمن محل من المحلات يقول انه كثرة الالعاب الي تحوي على مقاطع من افلام تحوي مقاطع خليعه لذلك السيدي لما ينسخ من ديفيدي لن يحوي هالمشاهد مثل لعبة المصارعه الجديده الي توها نازله 0
ترا هذا اخر ما يفكر فيه
والدليل الرسم هناك بعض اللالعاب فيها الرسم الذي يظهر كثير من المستور

اما السبب الثالث الا قلته احتمال لاني اعرف واحد من المحلات طبت عليه البلديه وصادرةكل ما في المحل من اشرطه وكان سعرها تقريبا اكثر من 30 الف وقفلوا محله وبغوا يغرمونه بس حظه جاب واسطه وطلع منها والبضاعه طبعا صادروها

وخلاصة الكلام اذا كانوا بيبعون كوبي سيدي بيستمرون على هذي الحاله يقفلون محلاتهم احسن
لان محد راح يلعب لعبه بدون عرض
واجمل ما في الالعاب هي العروض



ولك مني اطيب تحيه :D :D :D

اخوكم البرت

انشاء الله اشاعة لاني شريت ترو كرايم الي نزلت بعد برينس اوف بريسيا
و هي ديفيدي كوبي و معها كم شريط بعد دي في دي كوبي صح انها قلت بس انشاء الله ما اعندمت
مالها داعي عاد هالشهرين بتطلع احلى الالعاب حسافة
تحياتي ...

والله اتمنى انها تكون ااشاعة

مع انه فيه العاب جديدة دي في دي كوبي

......................

ألعاب DVD اللي شريتها جديدة كثيرة .. ومنها برنس أوف بيرسيا (DVD) وفيه كل العروض والأصوات ممتازة. وأنا من المنطقة الغربية بالسعودية.. وهناك محلات ألعاب الفيديو جيمز تنغش DVD..

ما أظن أنهم يتركونها لأنها هي المطلوبة.. وأهم شي رغبة الزبون وجذبه للشراء .. وبيطنشون أي قواعد عشان يحققون الربح.

مدري هذا رأيي :09:

صراحة أغلبية محلات الرياض الاشرطة اللي تبيعها تطلع سي دي وموب كاملة انا شريت :
ssx 3
worms 3d
freedom fighters
wwe smack down here comes the pain
teenage mutant ninja turtles
وكمان كذا شريط غيرهم وطلعوا سي دي ناقص ,,,, صراحة ذي مشكلة كبيرة خاصة في شهر نوفمبر المليان ألعاب الواحد ما يقدر يشتريهم كلها أصلية وكمان الكيوب نزلت الحين ماريو بارتي 5 وماريو نشتري كارت ,,, شكلنا راح نضطر نشتري اصلي ,,, اما شريط ترو كرايم شريته اليوم وطلع دي في دي والحمد الله

احنا بقطر ماعندنا مشكله

الديفيدي مليان بالأسواق :D

الله يعينكم اخوي :(

اغلب المحلات الغير متخصصة بالالعاب ..
يعني الي تلقاها تبيع كل شي تحت سقف واحد :31: ..
تفضل السي دي ..
لذا لا تخاف ..
دور لك على محلات احسن ..
يعني عندك في القصيم اغلب المحلات الي فيها تبيع سي دي ..
الا كم لعبة مشهورة تلقاها في بعض المحلات ..

تأكد الخبر امس نزل نيد فور سبيد اندرجراوند وميدل اوف أونر و تيرمونيتر كلها ديفيدي كوبي ممتازة
طبعا ما انصح احد يشتري تيرمونيتر بس الباقي ممتازة
يالله باي

المحل الي انته تشتري منه امكن صاحبه بخيل وما يبغى يشتري (دي في دي ) لأنه كل المحلات الي انا اروحها فيها 100000000 شريط دي في دي :biggthump

السلام عليكم ..

أخواني .. ترا هذا الكلام كللللللللله اشااااااااااااعات × اشااااااااااعات ...

دايم يقولون خلاص الدي في دي المنسوووخ بينسحب من السوووووووق ...

أنا الآن في الرياض في حي الروضة والريان كل المحلات الموجودة هناك تبيع دي في دي منسووخ وكاااااااااامل يعني الأصوات والعرووووووووض ... إلخ ..

وأنا أمس مشتري نيد فور سبيد وبرنس أوف برسيا وألعاب كثييييييييرة كلها دي في دي منسوخ وكاااااااااااااااملة ...

فحبيت أقولكم بس إن هذا الكلام كله اشاعات ..

تحياتي لكم ..

الصراحه سمعت عن هذا الكلام ....

ولاأدري من جد ولاكله كلام فاضي ؟

ان شاء الله الدي في دي كوبي ماينقطع عّنا :D

اقتباس:

---

المشاركة الأصلية كتبت بواسطة PrincessHeart

ألعاب DVD اللي شريتها جديدة كثيرة .. ومنها برنس أوف بيرسيا (DVD) وفيه كل العروض والأصوات ممتازة. وأنا من المنطقة الغربية بالسعودية.. وهناك محلات ألعاب الفيديو جيمز تنغش DVD..

ما أظن أنهم يتركونها لأنها هي المطلوبة.. وأهم شي رغبة الزبون وجذبه للشراء .. وبيطنشون أي قواعد عشان يحققون الربح.

مدري هذا رأيي :09:

---

صحيح بيطنشون القواعد عشان بربحو أكيد :33:

انشالله يطلع ذالكلام كله اشاعات

بس والله شاك لأني شريت MegamanX7 و هو CD :33:

بس الحمد لله كله كامل....يمكن الأصلي CD بعد

يا شباب أحد يدري لو Prince Of Persia نزل DVD في الشرقية و الا تو

و نفس السؤال بالنسبة لـFFX-2

مشكور....

اتوقع اشااااعااااااات ..

باور