هلا قايز <<< من اولها مياعه :09:
كيفكم؟! ان شاء الله بخير؟! وكل عام وانتم بخير قبل الزحمه..
توني مخلص رواية من كلاسيكية وخطيرة اسمها ((مجلد ميكي))
وبعد ما قريتها قعدت افكر..الحين انا وش فرقي عن شكسبير كريستي ومرزوق ديكينز..كلهم كانوا ملحطين مثلي وكتبوا خرابيط واشتهروا..ليه ما اسوي مثلهم..ولذلك
<<< وخروا عنه ابو لذلك :p..قررت اكون روائي..ولهذا المنتدى شرف نشر اول اعمالي http://www.montada.com/images/icons/icon6.gif
====================================================
الفصل الاول
(فتى شايفن عمره)
خلصت ثالث ثانوي اهم مرحلة في حياة اي شخص.. وطلعت بنسبة تاريخية وسط عائلتي وهي..(قبل ما اقولها ابي كل واحد يقول ماشاءالله)
76% :biggthump.. اهلي سووا عيد وحطوا صورتي في قاعة مشاهير العايله جنب صورة ولد عمي صعفق
اللي اكل صارور حي بعد ما تحدوه اخوياه ومن عقبها ادمن الولد حشرات :31:
المهم انا كبر راسي وقررت اني عبقري :p وان كانوا الجامعات يبوني الله يحييهم.. بس روحة منيب رايح لهم..
عجزوا اهلي وهم يقنعون فيني..يبني جرب روح قدم..ماراح يضرك شي..عارفين انك ذكي بس يمكن الجامعه ما يدرون.. وانا راسي يابس يا يجوني يا بلاش..
اجل انا تشاندلر ولد ابو تشاندلر اللي ماخذ 76 في ثالث ثانوي <<< من جد شايف عمره :أفكر:.. اروح اقدم على جامعة..لا والف لااا..
((خاص لطلاب ثالث ثانوي اللي قاعدين يقرون الموضوع:
هههههههههههاااي يا مسااكين بتنكرفون كرف مب طبيعي ذي السنة وقولوا تشاندلر ما قاله..
<<< في قلبي من اول ما خلصت السنة :09: ))
نرجع لموضوعنا.. طبعا النهاية واضحه ما انقبلت في ولا كلية وقعدت ايام في كآبة وصياح وتصفيق في اخواني (احسن طريقة لتخفيف التوتر :p)
واضربت عن الاكل (ما آكل الا ساندوتش جبن و ببسي بس) وكانت حالتي ماتسر عدو ولا صديق...
الفصل الثاني
(مكالمة من مهبول)
وفي يوم جتني مكالمة على جوالي والقى اللي يدق اسمه الرقم الخاص.. انا ارتعت من هو ذا اللي بيدق علي وما يطلع رقمه..
رديت بكل ثقة وهدوء: ااا..ال ال..الوو :icon11:..قال: الو..هذا جوال الاخ تشاندلر..قلت: اا..ايه طال عمرك << عادي دايما اقول كذا لكل الناس :أفكر:
قال: معاك المباحث..قلت: المبااااحث :bigeyes:..قسمن بالله العظيم اني ما اخذته مشعل الدلخ هو اللي اخذه
وهذا رقم جواله وان ما رد دق على بيتهم وقل انا ساره وهو بيرد.. انا قايل انه مب جايني منه الا الورطات..و..
قاطعني وهو يضحك: خخخخخخخ..اسكت الله يفضحك..فضحت بالولد..انا فيصل ولد خالك..خخخخخخ يا حليلك بس..اخبارك يا دب
((ملحوظه مهمه: ترى فيصل يوم قال دب ينكت ولا انا مب دب الا الرشاقة تقطر مني وقد جرى التنويه))
انا بلعت المقلب وهديت اعصابي لأني عارف ان الرجال يدرس برا ومهما عصبت ما راح استفيد
ورديت بكل هدوء: هلاااا فيصل..اخبارك..وش دعوة عاد اكيد انا عارفك بس قاعد اجاملك في المقلب :)..
قال: ايه واضح..المهم ترى الفاتورة علي (الطبع السعودي ما يخليه) اسمع.. سمعت انك ما انقبلت في ولا جامعة..
الحين بدال ما تقعد في البيت كأنك شغالة ورى ما تجي عندي هنا في بريطانيا وتدرس على حسابك؟!
قلت له: ياخي صعبة غربة وبلد ما تعرفه وتعب..و...
قاطعني صوت يطير العقل: هلووو..هاااي..آر يو تشاندلر..هي هي هي هي <<< ضحكة بالانجليزي
انا انلخمت واللخمة لغير متحدثي اللغه السعودية هي التضييع ..
وقلت: يس آي آم تشاندلر..برب..آآ..تيت..قصدي..هاي <<< هذا آخرة الماسنجر..
.رد فيصل: خخخخخخخ فشلتني قدام البنت هاه وش رايك الحين..
قلت: اقول فيصل..انا حبيتها..قال: انت لو تشوفها خخخخخ..دبة و سودا وحولا..
المهم..انت فكر بالموضوع على راحتك واعرضه على ابوك..لعل وعسى يحصل قبول
<<< بتزوجه انا؟! :31:
الفصل الثالث
(انــا و دادي)
في اليوم اللي بعده.. وبعد ما خلصنا غدا وشرب الوالد 5 لتر شاهي وروق..
طقيت الباب ودخلت وعلى خشتي ابتسامة 4×6..وقلت له بكل رقة ودلال: هاي دادي..شلونك بعد الغدا ان شا الله مبسوط؟!
رد علي بسرعة: اقول وش انت مسوي لا تكون حابس اخوك محيميد في الفريزر مرة ثانيه (انا مجرم حرب عند اخواني)
ما قد دخلت علي بهالخشه الا وانت مسوي بلوة او تبي فلوس..
اخلص علي..قلت له والابتسامه الى الان شاقة وجهي: لا والله يا بعد قلبي ما سويت شي ولا ابي فلوس..تصدق اني احبك اكثر من امي بس لا تقول لها :09:..
انا بس ابي منك طلب واحد زغنون وهو انك توافق اني اسافر لبريطـ...
وشششششششششششش
طررررربقااااااااااع
<<< ابد..هذا بس صوت ابريق الشاهي وهو يتلزق في جبهتي :(
قام يصارخ فيني: الحين يا الداشر..ما انقبلت في ولا كلية وتبيني اسفرك بعد..
انقلع عن وجهي لاتوطاك الحين..انقللللع :mad22:..
ابنفسجت الدنيا في وجهي (ابنفسجت=بنفسجي على وزن اسودت)..واضربت عن الاكل مرة ثانية (والله محد درى بك :p)
حتى السنادوتش جبن والببسي ما صرت آكلهم :(..ومرضت اسبوعين..وابوي زي العادة معطيني اشكل..
وامي تحاول تواسيني: يا ولدي صدق انك ما تنعطى وجه الحين ما انقبلت وتبينا نسفرك..
ولا لوييين لبلد كفار بعذر ابوك فيك..قلت لها: بس يا يمه انا لو ما اروح ادرس هناك..يمكن اموت..
ردت: موت احد ماسكك :p.بعدين انت تبي تفلسنا؟!..بتسافر وتدرس على حسابنا؟! قالوا لك تشاندلر بن طلال حضرتك!!..
قلت لها: لو كان على الفلوس مو مشكله ادفعوها من فلوس زواجي..مابي اتزوج من هنا..
اروح هناك ادرس واتزوج واعيش بنص سعر المهر هنا..
وقعدت اعبي راسها من هالكلام..شوي اقول لها عن فوائد الزواج من برا وتحسين النسل..
وشوي اقول لها عن رخص بناتهم هناك خصوصا انه مالي امل هنا <<< من زين الشكل والله..لما في الاخيييير..اقتنعت..وراحت تقول لأبوي..
.وبعد اسبوعين من المفاوضات مع ابوي..وافق اخيرا اني اسافر..
====================================================
انتهى الجزء الاول..
ان شاء الله يعجبكم..
ومنتظر آرائكم..^__^
<<< شكر خاص للاعضاء crazy وHArb200 و MoaeD على مساعدتهم في الموضوع
