مشكلة في اقتناء الاشرطة الجديدة؟

السلام عليكم ورحمة الله وبركاته


لاحظتوا ياخوان انه سوق الاشرطة نشط شوي بسبب نزول الكثير من الالعاب

لاكن اللي اكتشفته انه نص الالعاب ديمو:wow:

انا شريت لورد اوف ذا رينقز و روبن هود وجران تريزمو


لاكن اكتشفت بعد ايام انها ديمو؟؟؟؟؟؟؟؟؟

فيكف نعرف اذا اللعبة ديمو والا لا؟ خصوصا انه بعض اصحاب المحل مايخلونك تجرب الالعاب.

اما المشكلة الاخرى

انه العاب كثيرة تنزل على اساس انها دي في دي

ونكتفش لاحقا من العروض انها سي دي:(

فكيف نعرف يا اخوان؟

اتمنى منكم الافادة ياخوان:)

............................................................................

والله انا بعد ملاحظ هذا الشي
بالنسبه للعاب الى تصير ديمو اعتقد مافي طريقه انك تعرفها الا بعد ماتجربها ثم ترجع وتصكها في جبهت الي باعك اياها وترجع فلوسك وتخلي كل الى في المحل ينتبهون لك عشان يحرم
اما بالسنه للتفريق بين الدي في دي والسي دي انا لقيت طريقه ونفعت مع كم لعبه الا وهي انك تطالع السيدي من تحت حوالي الدائره الى في الوسط اذا شفت اللعبه مكتوب عليها ps2 واسم اللعبه اغلب الظن انه سي دي
اما اذا لقيت مكتوب ps2 dvd واسم اللعبه فا اغلب الظن انه دي في دي
وانا ماشي على الطريقه هذي من بدت تنتشر حركة النصب حقتهم وناجحه معي لحد الأن يعني الكلام الى مكتوب تحت السيدي هو الى يأكد لك اذا كان مو مكتوب كلمة dvd فهو سي دي

شيل البلاي ستيشن معك للمحل .. :D وجرب عندهم.
أو اشتري من محل محترم تكون عضو فيه ببطاقة تخفيض ومميزات أخرى مثل استبدال الأشرطة القديمة وإعادة أي شريط جديد تشتريه قبل مرور ثلاث أيام على شراءه إذا ما عجبك.

:09:

ههههههههههههههههههههههههه

مشكورين اخواني على الردود


وان شاء الله نلقى حل لها المشكلة:أفكر:.......................

اقتباس:

---

اما اذا لقيت مكتوب ps2 dvd واسم اللعبه فا اغلب الظن انه دي في دي

---

;) ;) ;)

اذا كان القرص ذهبي اللون من الخلف = dvd كوبي .. أو انك مثل ماذكروا الاخوان تشوف القرص من الخلف مثل ماهو موجود بالصورة :

مشكور اخوي msm على الصورة

كذا انحلت نص لمشكلة:biggthump

بس باقي الديمو:06:؟

حتلاحظ أخوي في بعض الألعاب مثل GT4 .....

مكتوب كلمة Trail يعني نسخة للتجربة ...

وبعد لعبة ميتل جير نفس الشي ...

أنا عندي شريط مكتوب عليه من الخلف مثل ما قلتوا اسم اللعبة و جانبه DVD لكن طلع أنه سي دي :31: :12:

مب شرط يكون الشريط اصفر من تحت او ابيض حتى يكون DVD لكن الأغلب الأصفر يجي DVD أما الأبيض فتقريبا 60 % سيدي عادي

في طريقة سهلة وبسيطة وهي انك اذا شريت الشريط خذه وشغله على كومبيوترك (يلي تستخدمه للأنترنت مب السوني) طبعا السيدي روم يلي عندك حيكون عادي مو DVD فاذا كان السيدي DVD فماراح يتمكن السيدي روم من قراءته لأنه ما يقرا الا عادي اما اذا كان CD فراح يشتغل وتشوف ملفاته بعد ..

طريقة ثانية سريعة باستخدام اذنك :jester:

اذا كان سيدي عادي فراح تسمع ضجيج عالي بالعدسة اما اذا DVD فماراح تسمع شي ..

كلا م الاخ بووب صحيح لاني اتعامل مع هذي الطريقة من زمان

مشكورين على المعلومات المفيدة لأني كنت أشتري الشريط ولا أدري تجي أيانا بالصدفه وإذا طلع منسوخ رحت وهاوشت راعي المحل إلما يرجعه

وشكرا مره ثانيه

مشكورين جميعا على التوضيح والمساعدة:biggthump

.......................

اقول احمدوا ربكم ان الأشرطه عندكم ماتقل عن 15 ريال مومثلي أقعد شهر أجمع فلوسي عشان أشتري شريط ب 50 دولار تقريبا (200 ريال ) :mad:

بس غريبه ان أشرطة الديفيدي تحولت الى سي دي والله ان البياعين حراميه :mad: تفقعت بطونهم وهم يغشون :mad: مايستحون .

اعذروني على الرد اللي ماله داعي :D

اقتباس:

---

المشاركة الأصلية كتبت بواسطة PrincessHeart

شيل البلاي ستيشن معك للمحل .. :D وجرب عندهم.
أو اشتري من محل محترم تكون عضو فيه ببطاقة تخفيض ومميزات أخرى مثل استبدال الأشرطة القديمة وإعادة أي شريط جديد تشتريه قبل مرور ثلاث أيام على شراءه إذا ما عجبك.

:09:

---

وين نلقى محل بخدمات فندقيه زي كذا :)