المشاركة الأصلية كتبت بواسطة كارولينا
انا معاك في انو الكل يتعرض للخطأ وخطأ عن خطأ يرفق
يعني مثلا يكون الواحد متربي احسن تربية ومتعلم احسن تعليم
وبعدين يرح يعمل ما بدا لو في نفسو في اول فرصة يدرو الاهل عنو ظهورهم
ويقع الخطأ وبعدين يقول يا ريت الا جرا ما كان
أو إن يسوي الخطأ ويقرر يبتعد عنو وبعد فترة لمن تفتح معاه الموضوع يقعد يبكي ويسوي فيلم هندي وانت عارف انو هوا ألين دي اللحظة هوا يكررالخطأ والله حاجة تجيب العلة ونفسك ساعتها تقوم وتلطشو بالا قدامك وتحس من جد انك تحتقرو ولا نفسك تطالع في وجهو وازا طالعت في وجهو تحس في نفسك انك بتنافق
أو أحد يعرف اني الا يفكر في غلط ومع الرغم من دا كلو مستمر في التفكير فيه ومقرر تنفيذو
وبصراحة كل كلامي ناتج عن نماذج اشةفها في حياتي الخاصة
حاجة تجيب البلاوالللللللللللللللللللله
وبالنسبة للقدر فهدا عاد حدث ولا حرج فيه والله الكتير دي اليومين سار كل ما سرلوا الانسان حاجة حطها في الحسد والعين
ولمن تقولو هدا قدر يقول لأ دي عين وحتى على اتفه الاسباب
ولا مثلا وحدة تكون مريضة وما تاخد الدواء وبعدين لمن تسوء حالتها تقول هدا قضاء الله وقدرو
محد قالها هدا مو قضاء الله وقدرو بس ربي كمان قال ناخد بالاسباب
والا ايش رأيكم
ودا المثال على كلامك لا تلقو بأيديكم الى التهلكة
وعلى قولك كل الناس دي اليومي سارت تاخد المواضع لعبة والشي المهم سار زي التافه
والخطأ سار زي الصح والقدر سار زي الحسد
وحتى في التلفزيون والمسلسلات سار كلو عايع على بعضو ما تعرف ايش تاخد وايش تخلي
ممكن خرجت عن جواب السؤال بس حبيت أقول الا في نفسي
