مشكلة الدي في دي ...؟

شباب مادري أنا عندي جهاز ستيشن 2 موديل 30004R ونظامه بال وركبت عليه قطعه أمس - السي دي العادي يشتغل والدي في دي مايشتغل مع العلم إن الهندي اللي ركب القطعه قال لي إن الشريط اللي من ورى لونه أصفر مايشتغل قلت له خلاص مافي مشكله .... لكني تفاجأت يوم إشتريت ريزدنت إيفل فيرونكا إكس ماشتغل مع إنه من ورى السي دي لونه أبيض ليس أصفر .

أحس إن الهندي نصب علي الله لايوفقه - شكل القطعه اللي ركبها ماتشغل الدي في دي نهائيا ... والله إني أفكر ويش أسوي أخليه يفك القطعه اللي ركبها وآخذ ال 250 ريال أو ماأدري ساعدوني شباب .

اقتباس:

---

مع العلم إن الهندي اللي ركب القطعه قال لي إن الشريط اللي من ورى لونه أصفر مايشتغل

---

الهندي يقصد بالشريط الي من ورى لونه أصفر dvd كوبي ..

بعدين 250 ريال كثيرة على قطعة تشغل كوبي عادي بس :33: ..بنفس السعر تقدر تركب قطعة تشغل كل الكوبي ..

والله مشكور ياأخوي أم أس أم على إهتمامك بالموضوع
لكن الهندي قال لي لازم تغير العدسه علشان تشتغل الأشرطه الصفراء من ورى لأنها تحتاج لعدسه أقوى - ماأدري فيه قطعه تشغلها من دون تغيير عدسه .. وهل تتوقع إن القطعه اللي ركبها تشغل DVD اللي من وراه أبيض لأني أشتريت ريزدنت إيفل فيرونكا من وراه أبيض وماأشتغل .. ماأدري ويش الحل تكفى ساعدني .. وترى جهازي قديم من زمان أشتريته وكان يشتغل بالأشرطه الزرقاء .
والله إني عارف إني ثقلت عليك بالأسئله لكن لاتلومني غشيم وماأحب الهندي هذا يضحك علي .

اقتباس:

---

المشاركة الأصلية كتبت بواسطة Rain.2003

وترى جهازي قديم من زمان أشتريته وكان يشتغل بالأشرطه الزرقاء ..

---

لو كنت مركب قطعة الكوبي القديمة و الحين قاعد تبدلها مع قطعة مشغل الدي في دي لازم تغير العدسة لأن القطعة القديمة من سلبياتها أنها كانت تضعف العدسة الين يصير ما يقدر يقرى شي أبد

سلام...