قهر والله قهر....هذا الكلام موجه حق خراب المنتدى * مهم *

هذا الكلام موجه لكل الي يحاول يخرب او يتصيد على المنتدى.....
بالنسبة للأنتقادات الي اشوفها الي مالها داعي و النصايح الزايده عن حدها....كل واحد ينتبه و ينصح نفسه قبل ما ينصح غيره
والي يتفلسف ويقول هذا كرتون ماصخ وهذا كرتون كذى وكذى.....إذا أحد بغى رأيك تكلم...اما افلام الكرتون كلها مجرد قصص إذا كان فيه مسيح او بوذيين او غيرهم من هالخرابيط وأنت تعرف ويش صاير المفروض تحب يدك و تحمد ربك على النعمة الي عطاك اياها رب العالمين أنت مسلم وهذي أفضل الديانات أكثر من كده ويش تبغى تشتكي على المسيح و تشتكي على غيرهم كلامك ما بيغير منهم أي شي.....وبالنسبة لموضوع الصور ما شفت ولا صورة في المنتدى من هالخرابيط الكل هنا ماشي على القوانين و أنا متأكد 100% انه فيه شله أو واحد يحاول يدمر و يخرب المنتدى....وأنا بكل صراحه اشوف أنه فيه تأخر كبير عن قبل في المنتدى المستوى نزل تحت أكثر من اللازم و السبب الخرابيط الي كل واحد ينقلها للثاني....

وأخر شي بقوله لكم....الي نيته صافية بيعرف الصح من الغلط وما يحتاج أحد ينصحه...

والي فاتح مواضيع التعري معور راسنا بها.....خلني أقول لك شي....الي بيشاهد هذي الحاجات وهو يفهم ما بيشاهدها...لكن خذو واحد مايفهم شي ينسى نفسه و ينصح في خلق الله.....الأنسان كرمه الله و فضله من بين الخلائق و أعطاه عقل يميز من بينه الصح والغلط....

وملاحظ الي يمسك بعض الحاجات الصغيره على الغير.....أقول محد يعرف ويش في نيتة الناس إلا رب العالمين و الي يصارحهم بمشاعره و بنية نظيفه...

وآسف على تطولي و لكن هذا الي حارق أعصابي و قاهرني مره......هذا الي يخرب لو يطلع من هنا و ترجع الأيام الي راحت....كان كل شي بخير...

على العموم الي عاجبه الكلام حياه والي مو عاجبه يتوكل على الله....وبصراحه انا بديت أنوي اطلع من هنا......في الأساس انا ما احب المنتديات.....الي خلاني ادخل هنا اني شفت ناس قلوبها نضيفه و صافيه و تعرف ويش الأنمي و غيره و صريحه مع غيرها....على عكس الي يحاولو يخربو.....

على العموم انا راح أجل بس 10 أيام و إذا ما فيه تحسّن راح أطلع من هنا....وما يهمني إذا المراقبين اوقفوني.....

ترى المنتدى ينهار شوي شوي....

السلام عليكم .

ياعطيك العافيه اخوي على الكلام الحلو , انا وياك بكل كلمه قلتها .

بس مالي داعي تعصب وتحرق اعصابك على ناس ماتسوى , انت فكر مو عشان واحد يخليك تعصب تترك المنتدى عشانه فكر باعضاء المنتدى الباقين الي قلوبهم نظيفه .

انا انصحك انك تهدي وما تترك المنتدى لانه منتدى ماكو مثله.

وانت هم عضو ماكو مثله :)

تحياتي .

السلام عليكم... كيف حالك أخوي! إن شاء الله بخير و بصحة و عافية... أخوي العزيز أنا فاهم شعورك ربما هناك من يزعجك بطريقة مباشرة أو غير مباشرة و حتى إذا كان ذلك الشخص هو أنا فأعتذر لك و لكن أحب أقولك شيء, و هو أن لا تتوقع يكون هناك منتدى خالي من كل العيوب و منتدى ما فيه أي عيب, فكل منتدى فيه أعضاء محترمين و بعض الأعضاء للأسف لا... ولكن أعتقد أن نسبة الأعضاء المحترمين في هذا المنتدى أكثر بكثير, و لهذا لماذا تفكر في ترك المنتدى من أجل الأقلية... ماذا ستستفيد من تركك المنتدى! طبعا تستفيد أشياء أنك توفر وقتك...الخ لكن إذا كنت حقا تحب المنتدى لا تتذمر بل حاول إصلاح ما يمكن إصلاحه و أنا واثق أنك لها ;) وتقدر تتغلب على المشاكل البسيطة الذي تواجهها... على العموم نحن أنا ما غصبتك أنك تبقى في المنتدى و اعلم أن في كل منتدى لازم يكون فيه بعض المشاكل أو المواضيع الذي لا داعي لها و نحن نحاول قدر الإمكان بذل الأفضل...

و ليش المراقبين يوقفونك!!؟ ما أعتقد أنك أخطأت لكي نوقفك أو نمنعك من المشاركة... أنت نفسك قلتها أخي الغالي, أنك شاركت في المنتدى لأنك شفت ناس قلوبها نضيفه و صافيه...الخ إذا ستتركه هؤلاء من أجل بعض الأشياء البسيطة, على العموم براحتك أخوي و إذا تريد ترك المنتدى خذ راحتك و لكن شيء أكيد أن المنتدى فقد عضو... الله معاك و إن شاء الله إنشوفك على خير... و السلام خير ختام!

السلام عليكم ورحمة الله وبركاته

أولاً لا تعصب أخوي على شي تافه لأن هذول الناس يحبون يطفرونا.....

ثانياً: أحسن شي تسويه معاهم إنك تحقرهم.

و شكراً ;)

اخي ANIMEX

اذا تركت المنتدى فأنت حققت رغبتهم وهدفهم وتخلصو من واحد وبيقولو عقبال الثاني يعني ان طلعت بتفتح باب للاعضاء كل من ينزعج يطلع واتمنى انك تكون موجود معنا

حتا انا معاك يا اخANIMEX
في كل كلمه
لكن انا اسويلهم طاف
ما اهتم لكن ماروم نستحمل

خلاص خلاص هونت منا طالع....

بردت حرتي في اخوي :chairshot

والمسكين ما يقدر يسوس شي غير الكلام :argh:

على العموم انا احيانا افقد اعصابي مرة.....بس ماعليه... :laughing:

السلام عليكم


اخوي ANIMEX هد اعصابك فلا انت ولا انا ولا اي واحد في العالم يقدر يصلح البشر ولا يعدلهم إلا خالقهم سبحانة وتعالى

وبخصوص الأمور الي تحدثت عنها فأنا معاك لكن شتسوي ماباليد حيلة وأقولك راح تواجه امور كثيره وكثيرة واذا فكرت بكل مشكلة على هذا النحو صدقني راح تواجه مشاكل اكبر وفي الأخير راح تنقلب عليك

صدقني اسأل مجرب

ومثل ماقال اخوي العزيز DLD مالك إلا الصبر واصلاح مايمكن إصلاحه

على العموم ياليت كل الأعضاء مثلك وشاكرلك دفاعك عن المنتدى


ولك تحياتي

مريت بنفس الشعور ....لكن انسى يوماً بعد يوم ... :)
لكن سبحان الله ...وصل بالبعض التعليق على اخطاء املائيه ...والكثير " تحت الكواليس لمن ظلمونا "

انا مع كلام الكل...هو على مايقولون فشة خلق >>اخوانا اللبنانيين :D
شئ آخر حنا مانوقف على اي سبب..وبعدين من حق العضو يعبر عن وجهة نظره ...وانت ماقلت شئ غلط ..
واللي قلته عانينا منه سنتين ونصف تقريبا ...ومتحملينهم ..ولاراح نحقق لهم مطالبهم ..

الشئ الوحيد اللي يخليك تترك عذر فقط ..يعني ظروفك الشخصيه الخ ..غير هذا انا لااوافقك ..يعني تترك علشان حثالة مثل
هذولا ..ومثل ماقلت لك ترى ماخلو شئ ماجربوه ..صور -كلام بذئ - كل شئ جربوه علينا حنا المراقبين ..

وحنا مستمرين بس علشان المنتدى واعضائه الطيبيين والايام الحلوه اللي قضيناها فيه >>>فندق ذا ما صارت :09:
أما بالنسبة لحال المنتدى أمر عادي جدا ..

أول شئ بسبب الامتحانات اغلب الاعضاء في المرحله الجامعيه او الكليه ...لذلك في هذه الاوقات تم تقديم الامتحانات
مع العلم ان امتحانات M2 لم تنتهي الى الان ...فكيف النهائي؟!!

لذلك توقع غياب الكل وعدم نشاط المنتدى ..كل هذه امور مؤقته وفور انتهاء الامر سيعود الحال كالسابق :)
شئ اخير ...اسم النيك تبعك مره حلو :biggthump

اختي Anime-Girl ...مادري اذا قرأتي آخر رساله أم لا ..
ومبروك على صوره رانبا فران بويس :) ...

أشكركم كلكم على الردود.....

واتمنى تقفلو الموضوع خلاص.....انا في المنتدى تاج تيم ادور على بارتنر بشارك معاهم...ويارين من المراقبين يحذفو الموضوع....

وشي أخير.....شكرا يا Anime-Girl
النيك نيم تبعك حلو بعد.. :biggthump

Hey what's up
come on man !! you're closing your subject for Nothing
انا ماني فاهم ليه تبغى تقفل الموضوع ...خايف؟ طيب من ايش؟ يا أبو الشباب أنا تعرضت لمضايقات أكثر منّك وياما أرسلولي رسائل Private كلها سب وشتم وتهديدات والخ ، ومع ذلك شوفني أنا مستمر حتى لمن اتقفل موضوعي فتحت موضوع جديد لأني عارف اني على صح وانه من حقي اعبر عن رأيي بكل حريه ، فلا تقفل موضوعك على لا شيء يذكر
وخلّي في علمك أنك تخدم خصومك بعملك هذا
فاذا اتقفل الموضوع فأنا أطلب منك انك تعيد فتحه .....وشكرا
your mate in fate
The skilled pilot of them all
Gundam wing

طنش تعيش
وعلي قولت تيمون هكونا مطاطا حكمه نغمه لذيذ ^___^
تلخيص لموقف

أعصابك أخوي :bigeyes:

و تحلى بالصبر و لا تنسى ( ان الله مع الصابرين ) صدق الله العظيم


كلامك صحيح تماما

و اذا في أي مشكلة لا سمح الله

تحلى بالصير

( الصبر مفتاح الفرج )