بسم الله الرحمن الرحيم
احب انبه في البدايه ان فيه اشياء كثيره ما ينتبه لها الواحد او ينساها واذا عملها ما راح تضره في شي لكن تنفعه بأشياء يمكن يدري عنها ويمكن ما يدري...
وهي اعمال بسيطه جدا لدرجة انها ما تغير شي في البرنامج اليومي..
اول شي:
(الاذكار): مثلا اذكار الصباح تقدر تقولها وانت راكب السياره وانت رايح للكليه او العمل المدرسه..
واذكار المساء تقدر تقولها في الطريق وانت راجع من صلاة المغرب..ونفس الشي الاذكار اللي بعد الصلوات..
وهذي الاذكار قد تدفع عنك امور تغير مجرى حياتك..هذا غير الاجر.
ثاني شي:
(تطبيق السنه): سواء تطبيقها في الصلاة سواء في الجلسه بيين السجدتين او التشهد الاخير او غيرها..
وتطبيق السنه في الدخول والخروج من البيت..
وتطبيق السنه في ترجيل الشعر..
وتطبيق السنه في النوم..
ثالث شي:
(تقبيل الوالدين): يعني لو تحب راس امك وابوك في الصباح وفي الرجعه ما راح يضرك شي وراح تكسب اجر وراح تكسب رضا والديك..
رابع شي:==>وهي اللي خلتني اكتب الموضوع
(الاحتساب): يعني لو تحتسب الاجر في أدنى الاشياء اللي تسويها بتاخذ من الاجر ما يعلم فيه الا الله..
مثلا انا عندي ثلاث اخوان اوديهم يوميا وارجعهم من المدرسه.. فقلت لنفسي لو احتسبت الاجر لعل الله يطلع منهم عالم او مدرس او داعيه او امام او أي شي يخدم المسلمين واللي كا من اسباب علمهم روحتهم للمدرسه موب ضارني شي..
هذا مثال بسيط على امور يتغافل عنها الناس وهي وراها امور عظيمه..
هذا اللي جا على بالي واتمنى من اللي عنده زياده ما يبخل علينا:)
