اسرع سيارة كوبية ذو اربع كراسي في العالم...((سيارة ثانية))

انا اليوم كتبت موضوع عن بنتلي كونتيننتال و قلت انها اسرع سيارة كوبية باربع كراسي في العالم....
اما الآن و انا اتصفح موقع msn كشفت شي جديد!!! :bigeyes:
Mercedes-Benz Unveils World's Fastest Four-Seater Coupe
!!!
قلت لازم انزل لي موضوع و اكتب عن هذه السيارة، بس.... لحظه!
انا توني اليوم كاتب موضوع و قايل ان بنتلي اسرع سيارة كوبيه اربع كراسي! الحين اشلون اكتب موضوع ثاني بنفس اليوم و اقول ان مرسيدس CL65 AMG اسرع سيارة كوبيه اربع كراسي!!!.... شباب شنوا راح يقولون..... يعني خلال كم ساعة شركة مرسيدس صنعوا سيارة جديدة! مو معقولة!!.... يعني معناه ان او موضوع الاول كذب او هذا الموضوع كذب!... شوي فكرت و قلت ماكو الا اكتبلهم شنو صار بالتفصيل. :)
على كل حال اعذروني. :)

و اما السيارة
Mercedes-Benz CL 65 AMG
اسرع سيارة كوبية ذو اربع كراسي في العالم. هذه اسرع سيارة في تاريخ شركة AMG (36 عام) (نفس الي قلته حق بنتلي :09: )
مواصفات المحرك:
6 ليتر
V12
612 حصان !!
0-100: 4.5 ثانية
اليكم بعض المواقع للتأكدوا من المعلومات
http://www.germancarfans.com/news.cf...es-benz/1.html
http://www.arabia.msn.com/Cars/carfeature2/

الحمدلله الي معلوماتي ما طلعت غلط يا اخ اس اس ام :biggthump

بصراحة رووووووووووووووووووعه :bigeyes:

يسلمو

مشكوووووور على هالمرسيدس العجيب

سعرها 400 الف في أول عرض لها في معرض الحارثي بجده ..

روعه السياره بمعنى الكلمه .. وخصوصا اللون الاسود .. اللى من داخل جلد بني .. واطارات فورميكه داخليه ..

روعه السياره . وتروها اهي السياره اللى تمشي ورى سيارات الفورمولا 1 .. لاتمام حالات الاسعاف .. والتدخل المبكر ..

تخيلوا تطارد سيارات فورمولا 1 ... اففففففف

سمعت ان سرعه 200 كيلو تجيبها في 9 ثوان ..

ياعالم .. هذه أقوى سياره في التقويمه والمطارحات .. خلاص .. كل السيارات فشنك .. وأولها الفراري واللمبرغيني والبورش



يارب ياكريم

مشكوووووورين يا شباب على الرد و ما قصرتوا :ciao: :ciao: :ciao:

و اما بالنسبة للأخ سفير الشوق:
اعتقد انك غلطان نوعا ما في بعض المعلومات:
سعر مرسيدس CL العادي قريب 400 الف فمابلك بهذي المرسيدس!
http://autos.yahoo.com/newcars/d/mer...src=autos/home

بعدين حسب علمي تسارع هذي السيارة من 0-100 4.5 ثانية, فأعتقد ان 0-200 يكون اكثر من 10 ثواني :)

ياريت تتأكد من معلوماتك :)
و شكراً :)

هلا أخوي ... يامرحبا بالغالين ..

تبيني أتأكد .. أنا متأكد الا اذا كان مندوب مرسيدس في المعرض يتغشمر عليّ .. مو معقوله

ولاحظ قلت لك في معرض جده .. يعني بالسعوديه .. يعني مواصفات ماهي نفسها اللى في أوروبا .. عندي صور للسياره اللى نزلت في المعرض .. تختلف عن المعروضه في مواقع السيارات الغربيه ..

اختلاف المواصفات .. يسبب اختلاف الأسعار ..

اللمبرغيني 2004 تباع في أوربا بمايعادل مليون ومئه ألف ريال سعودي .. بينما عندنا تباع فقط 865 ألف ريال .. والحجم الصغير منها يباع بـ 615ألف ريال .. وهذه كلها من وكالة الغسان للسيارات الفاخره .. بطريق المدينه تقاطع شارع صاري ..


فرق كبير في السعر .. والسبب المواصفات ..والقوه و .. و .. و ..
ربما ياخذون أشياء من السياره .. واحنا ياغافل لك الله ..

مو عجيب تفارق الأسعار بين دوله وأخرى .. فالامارات وخصوصا دبي تفاجئنا دوما بأسعار سياراتها الفاخره التي لا تقارن بما لدينا .. ولكن عندما نرى المواصفات التي تتميز بها ..
تهون علينا الصدمه ..



النقطه الأخرى ..

4.5 ثوان ...= 100 كيلو متر في الساعه
4.5+4.5 = 9 ثوان = 200 كيلو متر ..

وهذه كلها فرضيات قد تكون غير صحيحه .. والدليل ...

راجع ما كتبت :

----------------------------
سمعت ان سرعه 200 كيلو تجيبها في 9 ثوان ..
---------------------------------

بمعنى أنني لم أقرأ أو أتثبت منها في صحيفه أو كتالوج ....

ومرة أخرى أرحب فيك أخي العزيز .. وكم بودي .. لو تصحح معلوماتي هذه تماما ..
أنا في انتظارك
وبالنسبة لي راسلت شركه المرسيدس لدينا في جده عبر الايميل .. لجل أتأكد من هالمعلومات حول الأسعار .
وسأوافيك بها أول بأول

تحياتي
http://www.carsworld.com

سلام عليكم
اولا اشكرك على اسلوبك الجميل في كلامك :)

ثانيا:
يا اخي سعر الـ CL عندكم بالسعودية كم؟ مو قريب 400 الف؟
مو معقولة CL65 AMG مع 612 حصان و كونها اسرع سيارة كوبية اربع كراسي في العالم اتكون نفس السعر مع CL العادي الي ما توصل 500 حصان, يعني هذا الشي بعيد عن التصور!, اقل شي... اقل شي الفرق لازم يكون 100 الف.

و اما بالنسبة للتسارع من 0-200
تسارع هذي السيارة من 0-100 4.5 ثوان, بس تسارع من 100-200 ماتكون نفس التسارع من 0-100 و يطول اكثر.
يعني مثلاً انت اذا راكب سيارة و قاعد اتدوس في خط السريع, مثلاً اذا انقول انت وصلت من سرعة 20 الى سرعة 40 في ثانية وحدة, هل تقدر انك اتوصل من سرعة 160 الى 180 في ثانية وحدة؟! اكيد 160-180 يطول اكثر بوايد من 20-40

آمل انك فهمت قصدي و آسف على الاطالة :)
انتظر ردك :)

يعطيك العافية على المعلومااات.. والتصحيح

الله يعافيك:)