الى كل اهل الرياض الرجاء الدخول

بسم الله الرحمن الرحيم اهلاً بكم ابغاكم تخدموني خدمة ممكن:)
وهي
اريد افضل محل يبيع البلاي ستيشن وافضل سعر عندنا هنا في الرياض وايش يجي مع الجهاز اذا شريته يعني المحل الي يبيع ايش يعطيني مع الجهاز وشكراً لكم

أحسن محل هو محل علاء الدين وهو مشارك بالمنتدى معانا لو تبي تساله :) عن أي شي :)

يا ليت بس وينه هو

والله هو يدخل من بعد العصر إلى الليل :) أو يمكن قبل :)

طيب انت بكم شريته

عنــدك محل علاء الديــن موقعهم في مركز صحارى وأنا متأكد أبرهيم صاحب المحل
راح يراعيــك بأذن الله
ويفضل تاخذ مع الجهاز هذه الاشياء:-
s_box
جيم شارك
يدين تحكم
ممري كارد
بطاقة تشغيل ألعاب البلاي ستيشن العادي

أنا شريته من عند علاء الدين :

الجهاز أمريكي + قطعة Sbox + شريطين كوبي +جيم شارك

شريته بــ2000 ريال :)

طيب سعره التقريبي كم ارجوكم؟ عشان اعرف اروح والا لا لانهم يقولون في محلات باسواق الشعلة

هذا السعر كان قبل شهر تقريبا بس الحين اكيد رخص أما عن أسواق الشعله تراها خرطي أشيائها خايسه :)

اسف يا دارك شارك اني كتبت بعدك لاني ما شفت ردك بس ياخي تدري كم سعره بجده 1650 مع القطعة وكلش وهنا 2000 كثييييييير مررره

والله أنا ما اعرف أسعار جده بس إنت أصبر إلين مايجي إبراهيم (راعي محل علاء الدين المسجل هنا ) وإبشر بالسعر إلي يرضيك ):)

نصبر ونشوف انا ارسلت له رسالة بالبريد ونشوف

الآن سعره أنخفض أكيــد

اكيد بس فرق بينا وبين سعر جدة ليش جدة احسن مننا:(
بعدين في محلات كثير مثل العاب طوكيو مخزن الكمبيوتر وعلاء الدين الي ذكرتوه انا باسال المحلات ذي كلها واشوف افضل سعر واذا سعره زي جده او اعلى شوي اشتريه بعد كم يوم

اسمح لي اقولك ان العاب طوكيو ما عندهم سالفه و النسر عندهم اشياء حلوه و اسعارهم برضو جيده بس اسمع قصتي مع محلات النسر
قبل سنه تقريباً شريت بلاي ستيشن 2 و خرب علي في اول يوم (الفيوز احترق) المهم انا وديته للنسر يصلحوه و فعلاً صلحوه لكن الكمبيوتر اشتغل اقل من 4 ايام وبعدين خرب انا وديته محل ميكرو مانيا (السليمانيه)
قالي اللي يبيع هناك (طارق) ان الكمبيوتر ملعوب فيه مشيوله منه قطع مهمه وسألني اذا كنت قد صلحته من قبل قلتله اني وديته للنسر
يعني هم اخذو من جهازي قطع وخرب الجهاز ولا حصلت احد يصلحه حتى الوكاله والنسر و كم من محل في الرياض ...... معلبش طولنا عليك بس حبيت احطك في الصوره عشان ما ينلعب عليك زيي:(