بثينة النصر ،، أول مذيعة سعودية تقدم نشرة أخبار سياسية

السلام عليكم

زي ما كلكم عارفين اليوم الاحد افتتحت القناه الاخباريه السعودية

و كانت بثينة النصر هي أول مذيعة سعودية تقدم نشرة أخبار سياسية

انطلقت الفضائية الإخبارية السعودية بمواطنة سعودية تقرأ نشرة الأخبار لأول مرة في تاريخ التلفزيون السعودي. بكسر النمطية المعتادة في نشرات الأخبار السعودية من حيث الأداء والمضمون، وظهرت المذيعة التي ملأ وجهها الشاشة بغطاء رأس أسود و"جاكيت" أبيض، وحيت المشاهدين بابتسامة تلاها فاصل خلفية قصير، عادت بعده بابتسامة أخرى وأداء لا يقل في مستواه عن طريقة المحترفات في القنوات الفضائية العربية الشهيرة.
ومما ميز أولى نشرات القناة التلفزيونية الجديدة اقتصارها على خبر رسمي واحد ذا دلالة سياسية مهمة تمثل في استقبال الملك فهد والأمير عبد الله للعاهل الأردني الملك عبد الله الثاني في الرياض، وبعرض وصورة مختصرين، انتقلت بعده النشرة إلى أخبار عربية حاورت فيها مقدمة النشرة مراسلي القناة في إسرائيل والعراق في بث مباشر، إلى تقرير ميداني إخباري عن خدمات الحج بدا غير دعائي بخلاف تقارير مشابهة تعودت تبثها القناة الرسمية الأولى.

السعوديات في القناة : الإعلامية السعودية المعروفة مريم الغامدي وبثينة النصر وهناء الركابي ونسرين الحكيم. وسيكون هناك وجه جديد يطل على شاشة التلفاز لأول مرة وهي ريما الشامخ التي ستقدم اليوم في تمام الساعة السابعة مساء نشرة أخبار سياسية. كما ستقدم ماجدولين عيسى برنامجاً خاصاً عن المرأة السعودية في حين تترأس القسم النسائي بالقناة "هدى الصباغ".
===========
اهم شي ما نلقا سليمان العيسى يقدم لنا الاخبار .. ولا اخبار ودع و استقبل :p
بس برأيي القناه قادمه و بقوه
ونتمنى المزيد من التقدم للقناه :)

شكلك ماتبعت الأخبار زين الأ ودع واستقبل موجودة وبكثرة شفت نشرة الساعدة 6 كيف قسم بالله شي يقهر
وأغلب المذعيات غير سعوديات حسب ماشفت

اجل رحنا فيها :p مافيه تطور
ناقص ينط لنا سليمان العيسى و معه الاغنيه حقت الاخبار القديمه
تن ترا رااااااااااااااا رن رن :p

المذيعات 4,, 3سعوديين ووحده مدري وش طينتها

والي يزيد الطين بله .. ان المراسل تبعهم في الرياض ،، اجنبي :p امووت يالقناه يقال لهم جايبين حركه خخخخ


الف شكر على الرد :)

تحياتي

يعني شكلهاا.. مختلف شوي..

لكن ماراح نحكم عليها من الآن لسااا بدري جداً..

أعتقد الحكم سيكون بعد فترة معينة..

ولكن البوادر تقول بأن الصراخ هو اللى تغير..وأتوقع (ماحولك أحد) :09:

الله يوفقا في عملها الجديد:cool:

نسخة خربانة من العربية :أفكر:

صار عندنا الحين 4 غصبات :31:

أجل مذيعات سعوديات


شكلهن من طقت (قهوتن مره بالحيل) يمكن بس مريم الغامدي



القناة ما راح تنجح إلا بوجود سليمان العيسى وسليمان العيدي و الموسيقى القديمة :)

من وين نقلت الخبر ؟؟
لان الي نقلت منه الخبر كتب فيه خطأ كبير يستغرب على انسان مسلم ..

اقتباس:

---

حاورت فيها مقدمة النشرة مراسلي القناة في ((إسرائيل))

---

نقل الخبر من "بنت الرعد النقيدان" :p

اقتباس:

---

المشاركة الأصلية كتبت بواسطة HArb200

نقل الخبر من "بنت الرعد النقيدان" :p

---

ما شاء الله عليك تمتر الساحات :p

الحين وش الي خلاكم تعتقدون انها النقيدان ..

ما عمري شفت دليل ولا موضوع

مع اني ابغض هالانسان الكريه منصور .. و الي يتسمى باسامي الحريم

والي خلاني اقوي اعتقادي بانه النقيدان .. اني لاحطت في كل المواضيع او الردود الي يصفونه بنت الرعد بالنقيدان .. ما يرد عليها ولا يجيب خبرها !!

بس فعلا هالانسان كريه و سمعت انهم مسكوه في قضيه قذف و سب و جلدوه ؟؟

كاو بوي ,,

انت تذكر مقاله اللي بجريدة الرياض .. اللي على اثرها سبوه في الساحات لين قال بس .. مهوب في الساحة بس الا في منتدى انا المسلم والوسطية ماعدا طوى طبعا اللي يطبلون له دايم ..
الزبدة ..انطرد هو من جريدة الرياض ..
بعدها اصبح هالشخص بنت الرعد يدافع عن النقيدان ويعرف معلومات عنه .. ويرد طبعا .. ومن بعدها اكتشفنا حزب الوسطيين وحزب السلفيين .. انه النقيدان .. وتلاحظ كل مواضيعه يرد عليه واحد ويقوله بنت الرعد النقيدان .. او منصور بنت الرعد النقيدان .. وهكذا ..

بالنسبة للجلد ..ماسمعت انه انجلد .. لكن هو انجلد معنويا بعد الطرد من جريدة الرياض ..

اقتباس:

---

المشاركة الأصلية كتبت بواسطة كاو بوي

ما شاء الله عليك تمتر الساحات :p

الحين وش الي خلاكم تعتقدون انها النقيدان ..

ما عمري شفت دليل ولا موضوع

مع اني ابغض هالانسان الكريه منصور .. و الي يتسمى باسامي الحريم

والي خلاني اقوي اعتقادي بانه النقيدان .. اني لاحطت في كل المواضيع او الردود الي يصفونه بنت الرعد بالنقيدان .. ما يرد عليها ولا يجيب خبرها !!

بس فعلا هالانسان كريه و سمعت انهم مسكوه في قضيه قذف و سب و جلدوه ؟؟

---

ترى فيه كلمة مالها داعي تطلع منك..خلك طبيعي يخليك ربي

أول الفيضان قطرة ...

اقتباس:

---

المشاركة الأصلية كتبت بواسطة Justine

أول الفيضان قطرة ...

---

صدقت قولا..

اخوي كاو بوي
انت كتبت كلمه مالها داعي
لاتنسى ان احنا بمنتدى محترم
وفيه ناس كثير غيرك
ومو حلوه يقرون هالكلمه
وخصوصآ الفتيات
فرجاء اتمنى انها ماتتكرر منك لأن مهما كان هالشخص سيئ
يجب ان نحترم المنتدى
واتمنى من المشرفين حذف الكلمه