الحوادث المروريه و الاجراءات المتبعه في السعوديه قصه واقعيه !!

السلام عليكم كيف الحال جميعا اتنمى انكم بخير و صحه
اعذروني لاني لا اجيد فن الكتابه بس اتمنى اني اكون وصلت الرساله او الفكره
الله يسلمكم الموضوع الي بتكلم عنه ممكن انه انعاد عليكم و مر عليكم كثير سواء في الحياه العاميه او بالاطلاع عنه في المنتديات.

اليوم انا حضرت حادث الله يكفينا و انتم من هذي الحوادث و احب اتكلم في ذا الموضوع الي هو ماهي الاجراءات التي تتم في الحوادث !!

خلوني اقولكم وش الي صار معي اليوم والله شي ما يصدقه لا انسان عاقل ولا مسلم بس ممكن في مملكتنا الحبيبه الي يسير ذا الشي!!
انا وواحد مع من الشباب طالعين و ماشين في طريقنا المهم و ما انتبه الا و في واحد في نص الطريق موقف سيارته و ياشرلنا
هديت السرعه و انا اقرب منه الا نشوف واحد في الارض و الدماء في كل مكان يعني لو لا الله ثم الرجال صاحب السياره و تصرفه السليم كان ممكن لا سمح الله بتكون المصيبه اعظم.
المهم وقفت سيارتي على جنب الطريق و لقيت سياره كشف واقفه قدامي و رحت اشوف وش الي صار

سوال الحين لو انتم في ذا الموقف وش راح تسوي ؟ اتمنى كل واحد يجاوب على كل نقطه عشان اعرف كيف التصرف السليم في هذي الاجراءات!!
يعني طبيعي الواحد اول شي يتصل على الاسعاف و يعطيهم مكان الحادث هذي الخطوه السليمه في تفكيري
النقطه الثانيه
انك مثلا لو شفت علاامات حياه في المصاب ممكن تحاول انك تلقنه الشهاده والله راح تكون في ميزان حسناتك

طيب موضوعنا يبدا من هذي النقطه الي هو تجمع الناس و الدوريات و الاسعاف
خلوني اقولكم الي شفته اليوم
جا حق الاسعاف بعد ما اخذ راحته في الطريق تقريبا 20 دقيقه و راح يحس اذا في نبض في المصاب لقاه ميت الله يرحمه
طيب من الطبيعي اذا الواحد مات انك تغطيه الناس يقولون غطو الميت المسعف يقول لا لا تغطونه اقل شي انك تسويه انك تغطي الميت
لا و تخيلو تاركين الرجال على الارض لا هم راضين يشيلونه ولا شي طيب ليش ؟ يعني في سياره خاصه تقوم بالمهام هذي؟ والا لازم ورقه من جهات خاصه انهم ينقلونه بالسياره ؟
هذا بانسبه للاسعاف
المرور اكييد الكل عارف انه في تطور في السعوديه للاحسن بس يكفي اليوم الي شفته ان رجل المرور ما يعرف الشارع الي هو فيه
معذور لو ان الشارع ماهو رئيسي بس الشارع رئيسي الي هو الامير عبدالله في جده معقوله ما يعرفه !! يمكن جديد !؟

طيب نجي للناس المتجمعه
شوفوباالله عليكم شوفو العجب الي راح تسمعونه
الحين انا و صاحب الجيب و صاحب السياره المسببه في الحادث الي كنا موجودين
اسمع كلام الناس بعد مرور 20 دقيقه
هذا الحيوان كان يبغى يشرد بس انا وقفته والله لو ما وقفته كان شرد <--- والله هذا انسان سافل منحط ما يستحي اقسم بالله انه لا حضر الحادث ولا شاف شي بس جاي يقول الكلام ذا و يقول الناس انا الي وقفته شوفوني على باله بيسير بطل و يطلع في التلفيزيون
و الثاني يقولك انا شايف راعي السياره و هو داخل على الرجال و يصدمه و كان بيشرد
انا كنت عند صاحب السياره كان والله يمديه يشرد ولا احد يدري عنه من وين جا ذا الكلام ؟ سبحان الله

الحين لو رجل المرور يسمع ذا الكلام اكييد بياخذهم على انهم شهاد و هذي راح تكون شهاده زور بس ابغى افهم الحين ايش يخلي الواحد يسوي كذا و هو لا شاف ولا حضر الحادث ؟؟ والله ممكن راح يكون السبب في شهادته انه يدخل احد السجن
انا والله كنت راح اشهد بالي شفته بس اخذني خوي من يدي و قال تعال اقولك الاجراءات الي في السعوديه
قالي باكلمه " والله ليجرجرونك من تحقيق لتحقيق انت في السعوديه يا حبيبي" " قلتله ياخي ممكن اني اقدر اساعد في شي حرام الرجال ممكن ينظلم في شي
قالي اول شي بياخذونك المركز و يحققون معاك و يخلونك ممكن على ذمة التحقيق ووو و ممكن تستمر لاسبوع او غيره ط
طيب كيف اجل لو بلغت على سرقة محل ايش رايح يسون ؟ و ممكن البعض عارف ايش الي راح يسير ! يعني الي يسوي خير يلاقي شر
بالله عليكم هذا الي يسير دايما ؟ و هذي الطريقه الي دايما تسير في الحوادث
اتمنى من احد لو عنده خبره في هذي المواضيع يفيدنا ايش الحل الافضل في هذي الاجراءات
ارجو اني ما اكون طولت عليكم بس حبيت اعرف اراءكم و شكرا

أخي الكريم : محمد
الشهادة مطلوبة وواجبة شرعا وأنت فعلت ماتمليه عليك نفسك الكريمة وجزاك الله خير
من المعروف بأن الشخص إذا أراد فعل الخير ومنعه سبب فأنه سيأخذ الأجر على ذلك بسبب النية الحسنة
لا أريد أن أشجعك على التورط في الشهادات ولكن صاحب الحق والمدافع عنه فهو في حماية الرب
ولا أفهم في النقاط الأخرى فأرجو المعذرة

((والله شي ما يصدقه لا انسان عاقل ولا مسلم))
عندك خطا .. كأنك تفرق بين الانسان العاقل والمسلم ...

تعليق ... ابتسم فانت في السعوديه ..

asmari22....انت في السعوديه.......يعني وش متوقع بالله.......تجي سيارة الاسعاف بدقيقتين....والاجرائات سريعه.......ولا فيه احد يتجمهر ويزعج الناس



اقولك مثل ماقال الاخ سباردا

ابتسم.....فانت في السعوديه

ابتسم واضحك وكركر بعد........مافيه تطور ولا حتى بعد 100 سنه



تحياتي.........

صار علي حادث السنة اللي راحت قبل المغرب بشوي تتوقع متى وصلت سيارة المرور ؟؟؟

بعد صلاة العشا !!!!

يعني الحمدلله ذيك الساعة كانت اصابتي مو خطيرة لكن الطرف الثاني مسكين تقلبت فيه السيارة كان حظنا ببعض عيال الحلال الله يوفقهم نقلوه المستشفى ذيك الساعة .... الا لو كنا استنينا المرور والاسعاف كان الله العالم وش اللي بيصير :أفكر:

الله يعين ممكن بيسووو عم تحريات خخخخخخخخخخ

اولا شكرا على ردودكم
mg4 <--------والله كلامك صحيح بس عاد وش نسوي
يعني انشالله في السعوديه ماشين على ذا التخلف الين متى !!؟

الاخ بلو اوشن صحيح ان في ناس فيها الخير و تساعد عند الحوادث بس اذا كانت اصابة الشخص قويه ولا يدرون عنها المتجمعين من الناس و حاولو يسون خير و ينقلونه المستشفى ترفيها خطر ممكن يصيبه شلل باذات عند اصابات الرقبه او اي اصابه ثانيه بس اذا كانت اصابه بسيطه ممكن الناس تساعد

بعدين ياخي اذا واحد صارله حادث بسيط لو حركت السياره مكان الحادث قام عليك و جا يتفلسف عليك و حط عليك الخطا ميه بالميه و السبب انك حركت السياره طيب اذا انت ساد الطريق على الناس و الصدمه بسيطه ولا يحتاجلها تعطل الناس عليها؟

بس تدرون لو الحريم يسوقون في السعوديه كان شفت الاجراءات طيراااااااان يعني لو سار حادث على بنت عندنا كان شفت 100 دوريه محضره عند الحادث و الاسعاف في دقيقه يحضر عندك والشرطي تلاقيه نزل عليه ادب من السما و يجيك بابتسامه و فاتح صدره
ارجو اني ما اكون طولت عليكم
سلام ,

تسلم على الموضوع الحلو ...
و يعطيك العافيه ...

تحياتي