شرح لكيفية تصميم الياقة الي حول الرقبة ( بخصوص سؤال الأخ راكانو ) ..

شرح لكيفية تصميم الياقة الي حول الرقبة ( بخصوص سؤال الأخ راكانو ) ..

هلا شباب .. انا سويت هذا الشرح بشكل موضوع منفصل لكي يكون اشمل و لتعم الفائدة .. المهم .. خلنا ندخل في الموضوع ..

في موضوع كاتبه الأخ راكانو و يسأل بخصوص كيفية تصميم الياقة الي حول الرقبة و كيف يطلع شكلها باللعبة ..
إلى الحين ماني متخيل كيف تصير على الطقم في اللعب

المهم انا راح احط لك في المرفق صورة و فيها تقريباً كل انواع الياقات الي صادفتها .. شوف الراقم حق الياقة من المرفق و اقرا الشرح الي بنفس الرقم ..

1- الياقة رقم 1 : هذي الياقة من تصميمي أنا لقطم انتر ميلان ( طقم قديم ) و هو بشكل ياقة حول الرقبة مثل طقم منتخب انجلترا .. و في هذي الياقة الآتي :
أ?- المكان الي باللون الأخضر في هذي الياقة يصير بالأمام وسط المثلث المفترح ( طبعا الياقة حقت منتخب انجلترا إنت تخيلها و و بتفهم شو اقصد بالمثلث المفتوح الي في مقدمة العنق ) هذا إنت اما تخليه ( في فرق يكون هذا الجزء موجود ) و اما تشيله ( مثل طقم انجلترا ) ..
ب?- الجزء الي فيه خط احمر ... هذا يصير يمين و يسار الرقبة بحيث اي شي تحطه في هذا المكان راح يكون موجود على اليمين و اليسار في الرقبة بشكل مباشر ..
ت?- الجزء الأخير و هو المكان الي تحسه مجعد و على شكل مثلثين متركبين هذا هو الجزء الي بيصير مثلث مفتوح ..لو شوي تتخيل معاي راح تشوف أن المربع هذا يمكن فصله بخيث يصبح مثلثين و انا راح ارفق صورة ثانية في المرفق تبين كيف بيصير مثلاُ ..( شرح 1-ت )


2- الياقة الثانية .. هذي بكل بساطة روح شوف شكل ياقة منتخب اليابان في الطقم الأول في السوني .. هذي تكون ياقة عادية و مثل رقم 7 من قدام .. شوف اللون الأزرق الفاتح .. هذا بيكون من الأمام أو الجزء الأمامي .( شوف صورة الشرح رقم 2 فيها تفاصيل )


3- الياقة الثالثة أو رقم 3 .. هذي من تصميمي لطقم نادي الوصل .. هذي شكلها مدور عادي حول الرقبة بس بحجم صغير ( يعني ارتفاع الياقة قصير جداً ) ..


4- هذي الياقة مأخوذة من طقم حارس منتخب البرازيل .. و لاحظ الشكل .. راح يكون من الأمام ضغير و من الخلف أطول شوي .. تخيلها .. نوعية الياقة مثل رقم 2


5- ياقة منتخب الكامرون .. و في هذا الشكل راح يصير شكلها طويل من الخلف ( نفس رقم 4 ) و شكلها مثل ياقة مفتوحة من الأمام ( للأسف ما امتلك صورة علشان اوضح ) حاول تشوف صورة لطقم الكامرون القديم ..


6- ياقة منتخب المانيا ( أديداس ) هي نفس رقم 2 بالظبط .. لكنها راح تكون اكبر بالحجم منها ( ارتفاع الياقة اكبر ) ..


7- ياقة نادي الشارقة .. نفس حقت منتخب الكامرون في الشكل .. لكن راح يكون في الأمام أو الجزء الي في مقدمة الرقبة باللون الأحمر ..


8- بون ياقة أبداً .. و في هذي الحالة راح يصير شكل الياقة مثل لبس مانشستر (نايك ) يعني شكل الياقة دائرة مفتوحة من كل الجهات ( أو بمعني آخر معدومة .. يعني على طول تأتي رقبة اللاعب ) ...


9- لبس الاتحاد .. و هذي ياقة دائرية عادية .. بس الاختلاف الجزء الأمامي لها باللون الأصفر ..( راح ارفق صورة بخصوص لبس الاتحاد في المرفق ) .


10- ياقة نادي روما .. هذي الياقة يمكن تسألون ليش هي خط واحد و من طرف واحد .. و السبب في ذالك هو ان شكل الياقة في الواقع خط من طرف واحد .. ( إن شاء الله تكون فهمت علي ) ..


11- ياقة نادي لازيو روما ( مثل ياقة منتخب إيطاليا المعكوفة من طرف اعتقد فهمتو قصدي .. و أنا في المرفق راح احط صورة لها بعد .. ) .


بهذا الشكل أكون لخصت لك كل أشكال الياقات و أجزاء الياقة الأساسية ..

ملاحظة : كل الياقات بنفس تفاصيل الياقة رقم (2) يعني الجزء الي تحت هو الجزء الأمامي و الي فوقه شوي الأطراف و الي فوق اعلى شي هي الرقبة من الخلف .. يعني طالع تفاصيل الياقة رقم 2 في كل الياقات الي تحتها ..
بس الياقة رقم 1 هي الي تختلف عن الباقين في تفاصيل الشكل ..

الوصــــــــــــــــــــــــــــــــــــــلاوي

( الي عنده اي سؤال يسال .. ولا يستحي )

اشكرك يالوصلاوي على الجهد والتعب اللي تعبته بهذا الموضوع :biggthump

وشرح واضح ومرتب

تحياتي لك :ciao: :)

مشكوووور يالوصلاوي ...

شرح حلو و مرتب صراحة ..

مشكووور ألف شمر اخوي الوصلاوي على ها الشرح الكافي والوافي



تقبل تحياتي :ciao:

من زمان ما شفنا مواضيع لها فايده مثل هذا الموضوع


يعطيك العافيه وصلاوي وما قصرت ..... ويستاهل التبثبيت يا كلويفرت

الله عليك تسلم إيديك أخوي الوصلاوي
صراحة كفيت ووفيت مشكور يالغالي

هلا شباب ..

و العفو أخواني و هذا واجب علي .. مادمي اعرف الطريقة لازم اساعدكم .. و هذا الي لازم يصير بينا حنا العرب .. الغرب و الاجانب مب احسن منا . لازم نتعاون في كل المجالات ..

و آسف راكانو اني تأخرت عليك .. بس و الله نسيتك الصراحة :tongue2:

الوصـــــــــــــــــــــــــــــــــــــلاوي

مشكور اخوي الوصلاوي على الموضوع

العفو أخوي خربوش