يا شباب ، شريت فاينل فانتسي كريستال كرونكلز ^_^
السلام عليكم
اخيرا نزلت فاينل فانتسي كريستال كرونيكلز في الامارات ، تصدقون اني رحت من عمان الين الامارات (العين) علشانه بس !!!
واشتريته بعد ما نزل بنصف ساعة !!! :biggthump
المهم
اللعبة حلوة كثير خصوصا بأربعة لاعبين ، احلى ما في اللعبة الرسم والاضاءة ، اما الموسيقى فلا بأس ، طبعا انا متحمس كثير ، اما اخواني فما مهتمين ، وما عرف احد عنده جيم بوي ادفانس غيرهم ، شريت الكيبلات على الفاضي :bawling:
والحين العب بطور اللاعب الفردي (ممل ، بس ويش اسوي)........
والجميل في كثرة الشخصيات ، فهناك 32 شخصية ( 16 اناث ، 16 ذكور ) ، فيكون هناك امل كبير ان تكون شخصياتك مختلفة عن شخصيات منافسك فتزيد المتعة ، مثلا في لعبة جولدن سن يكون عندك 4 شخصيات ومنافسك يكون عنده نفس الشخصيات فتروح المتعة بهذي الطريقة......
انتظر آرائكم في اللعبة يا شباب :ciao:
شكرا :)
Re: يا شباب ، شريت فاينل فانتسي كريستال كرونكلز ^_^
مبرووووووووووك أنا شريتها بعد
المشكلة أنا عندي جيم بوي واحد و عندي أخوي الصغير ما نقدر نلعب 2 player الا لو عندنا 2 جيم بوي و كيبلات !
حركة وصخة من ننتندو (يعني ما يراعون شعور الناس؟!)
Re: يا شباب ، شريت فاينل فانتسي كريستال كرونكلز ^_^
الخسارة أنها ما طلعت على الــ PS2
Re: يا شباب ، شريت فاينل فانتسي كريستال كرونكلز ^_^
اقتباس:
المشاركة الأصلية كتبت بواسطة فاضل711
مبرووووووووووك أنا شريتها بعد
المشكلة أنا عندي جيم بوي واحد و عندي أخوي الصغير ما نقدر نلعب 2 player الا لو عندنا 2 جيم بوي و كيبلات !
حركة وصخة من ننتندو (يعني ما يراعون شعور الناس؟!)
الله يبارك فيك :)
اما انا فالتحكم بالجيم بوي من الايجابيات عندي ، لان عندنا جهاز تحكم واحد ، وثلاث جيم بويات ، يعني علي اشتري الكيبلات بس ;)
darkitp
اشتري الكيوب ، وريح نفسك ;)
Re: يا شباب ، شريت فاينل فانتسي كريستال كرونكلز ^_^
الحين سؤال .. اللعبة ما أقدر العبها الا عن طريق الأدفانس و الا كيف ?
و مبرووك اللعبة خيوو :)
Re: يا شباب ، شريت فاينل فانتسي كريستال كرونكلز ^_^
زين يا شباب أنا ما أقدر ألعب بالطور الجماعي و أقدر ألعب بالطور الsingle player هل في هذا الطور أقدر ألعب بروحي مع 3 شخصيات ألقاهم في الطريق ولا طول المغامرة بروحي!؟
Re: يا شباب ، شريت فاينل فانتسي كريستال كرونكلز ^_^
Re: يا شباب ، شريت فاينل فانتسي كريستال كرونكلز ^_^
اقتباس:
الخسارة أنها ما طلعت على الــ PS2
أصلاً حتى لو بغوا يطلعونها ما يقدرون...
ومبروك عليك اللعبة...
وأنا عندي نفس المشكلة وهي أن ما فيه أحد يلعب معي غير أخوي...
Re: يا شباب ، شريت فاينل فانتسي كريستال كرونكلز ^_^
واو .. مبروك كابتين ^^ ..
شكلها رائعه .. متحمس لها كثير
احتمال اليوم اشتريها او خلال هالإسبوع :D
Re: يا شباب ، شريت فاينل فانتسي كريستال كرونكلز ^_^
أشوف مافي رد على آخر رد لي في الموضوع
Re: يا شباب ، شريت فاينل فانتسي كريستال كرونكلز ^_^
اقتباس:
المشاركة الأصلية كتبت بواسطة فاضل711
زين يا شباب أنا ما أقدر ألعب بالطور الجماعي و أقدر ألعب بالطور الsingle player هل في هذا الطور أقدر ألعب بروحي مع 3 شخصيات ألقاهم في الطريق ولا طول المغامرة بروحي!؟
على حد علمي .. لأ
Re: يا شباب ، شريت فاينل فانتسي كريستال كرونكلز ^_^
اقتباس:
أشوف مافي رد على آخر رد لي في الموضوع
اسف على التأخير
RAUL 7
الله يبارك فيك :)
اذا كنت بمفردك ، تقدر تلعبها بجهاز تحكم للكيوب ، واذا كنت لاعبين او اكثر لازم تستخدم الجيم بوي
فاضل711
ما تقدر تلعب الا بشخصية واحدة ، وما بتلتقي بشخصيات غير ، بس لكنك تقدر تكون ثمانية شخصيات وتختار واحد منهم لتلعبه في مرحلة معينة
ولد البوكواره
الله يبارك في حياتك اخوي :)
Yoshi SD
الله يبارك فيك :)
الاحظ هذي المشكلة عند الكثيرين :33: ، لو خلوه اختياري بالجيم بوي او جهاز تحكم كان احسن
Golden_Sun
الله يبارك فيك :)
ليش خلال هذا الاسبوع ؟ المفروض اليوم. :tongue2:
Re: يا شباب ، شريت فاينل فانتسي كريستال كرونكلز ^_^
أخوي
أنت الحين فاضي تروح من عمان ألين العين عشان لعبة :bigeyes:
ليش ما خبرتي :mad: عشان أجهزلك الميلس و ترقد عندنا و ترتاح :09:
من أي محل اشتريتها ؟؟؟؟؟
أكيد من مركز كابول للتجارة و الاستيراد
صح ولا لأ ^_^؟؟
عموما مبروك :biggthump
أنا اشتريت اللعبة
المشكلة أن التحكم صعب قليلا :أفكر:
أنا ما فاهم ايش المشكلة اذا خلوا اللعب الجماعي بيد تحكم الجيم كيوب
أخ كابتن السفينة
أنا عندي جهازين للجيم بوي
ايش الي ناقصني عشان ألعب لعب جماعي ؟
Re: يا شباب ، شريت فاينل فانتسي كريستال كرونكلز ^_^
اقتباس:
أنت الحين فاضي تروح من عمان ألين العين عشان لعبة
صحيح يا سوبر شادو.....رحت عشان اللعبة فقط ، لاني ما اقدر اجلها اكثر بسبب المدرسة :p
اقتباس:
ليش ما خبرتي عشان أجهزلك الميلس و ترقد عندنا و ترتاح
احسنت ومشكور ، كنت ناوي حقا اخبرك ، قلت يمكن التقيك هناك :)
اقتباس:
من أي محل اشتريتها ؟؟؟؟؟
أكيد من مركز كابول للتجارة و الاستيراد
صح ولا لأ ^_^؟؟
عموما مبروك
الله يبارك فيك :D
اكيد من كابول من عند نور ، لانه افضل محل لقيته في الامارات ;)
اقتباس:
أخ كابتن السفينة
أنا عندي جهازين للجيم بوي
ايش الي ناقصني عشان ألعب لعب جماعي ؟
ما فهمت عليك تمام ، اذا كنت تقصد انه عندك جهازين جيم بوي ، فانه عليك تشتري 2 كيبل الخاص للتوصيل بين الكيوب والجيم بوي ، وتخرج جهاز التحكم من الكيوب لانه ما منه فايدة في اللعب الجماعي ، وتوصل الجيم بويين بالكيوب ، الجيم في الفتحة الاولى هو بيكون بمثابة جهاز تحكم رئيسي ، شغل الجيم بويين وبعدين الكيوب ، بيتأخر الجيم بوي شوي حتى يستجيب للكيوب لازم تصبر شوي .
اتمنى اني افدتك
نسيت اقولكم شباب ، اعتقد انه بالامكان اللعب بثمانية لاعبين في نفس الوقت في طور اللعب الجماعي ، انت وسبعة من اصحابك ...
Re: يا شباب ، شريت فاينل فانتسي كريستال كرونكلز ^_^
اقتباس:
نسيت اقولكم شباب ، اعتقد انه بالامكان اللعب بثمانية لاعبين في نفس الوقت في طور اللعب الجماعي ، انت وسبعة من اصحابك ...
خرفت شوي.....اصلا مكتوب في الغلاف من 1-4 بلاير :أفكر:
