اسعار الدي اس ال بالمملكة تبدأ من 99 ريال،،اسعار كل الشركات

الأسعار مختلفة بشكل لا يصدق فهي تبدأ من 99 ريال بالشهر وتصل الى 1500 ريال بالشهر (تراني اتكلم عن اسعار الافراد) ... شئ مضحك واختلاف كبير مع ان السرعات المتوفرة هي فقط ثلاث سرعات (64-128-256) ولا ادري على اي اساس بني هذا الاختلاف الكبير بالأسعار مع ان الخدمات متشابهه الى حد

كبير ... واذا نبي نتكلم بصراحة فمعظم الشركات سيئة ولكننا نبحث عن افضل الأسوء

نبدأ بشركة جيل لأنها الارخص حالياً

جيل

http://www.jeel.net.sa/images/img1.gif

هذا عرض من جيل شوفوا وش يقول

http://www.jeel.net.sa/

http://www.jeel.net.sa/promotions/A.../promotion1.gif

http://www.jeel.net.sa/promotions/A.../promotion6.gif

سعر رخيص جداً واللي ما طلعت عنده الصورة اقوله

سرعة 64 بـ 99 ريال بالشهر

سرعة 128 بـ175 ريال بالشهر

سرعة 256 بـ 285 ريال بالشهر

يا بلاش ... لكن هل خدمتهم زينه والا لا ؟؟؟؟ وهذا السؤال المهم ... وياليت اللي مجربهم يعلمنا

نسما انترنت

http://www.nesma.net.sa/arabic/images/banner_nesma.gif

مع نسما المشاكل لها طعم آخر ... واقدر اتكلم عن نسما بكل حرية لأني مجربهم لمدة 3 سنوات .... واذا ودك تشوف صفحات عمرها شهر او اكثر

اشترك مع نسما ... اكبر مصيبه عندهم هي الكاش ميموري وهم عارفين بالمشكلة لكن الوضع معجبهم لأنه يخفض عليهم الباندويث ... ولا انصح احد

يروح لنسما لأنها تمشي بمنحدر الله اعلم وين يبي يوصلهم

اسعارهم وهم يعتبرون ثاني ارخص شركة

64/64 كيلو بت بالثانية 160 ريال

128/128 كيلو بت بالثانية 250 ريال

128/256 كيلو بت بالثانية 380 ريال

سعودي نت

http://www.saudi.net.sa/img/sky.jpg

http://www.saudi.net.sa

ناس يقولون انهم من افضل الشركات وناس يقولون انهم من اسوء الشركات ... لكن الجميع يتفق ان الدعم الفني الله بالخير ... اتصلت عليهم علشان

اشترك قالوا لي لازم تمرنا قبل الساعه 4 العصر ... يعني اللي يبي يشترك لازم يستأذن من عمله علشان عيونهم والا يطلع من الدوام بدري يروح طيران

عليهم (ليش طيب كذا ... ترى راس مالها موظف راتبه 2000 ريال ويجلس من 4 الى 12 بالليل علشان الاشتراكات الجديدة)

اسعارهم هي:

1. سرعة 64k بتكلفة 230 ريال شهريا

2. سرعة 128k بتكلفة 380 ريال شهريا

3. سرعة 256k بتكلفة 560 ريال شهريا

اول نت

http://www.awalnet.net.sa

http://www.awalnet.net.sa/arabic/images/dsl.gif

المثل يقول الغالي سعره فيه ... وهالشركة من الشركات الغاليه لكن ما اقدر احكم عليهم لأني ما جربتهم ولا اعرف احد جربهم ... لكني اتصلت عليهم

وردوا علي على طول وكان تعاملهم جيد ... وياليت اللي مجربهم يفيدنا

اسعارهم هي:

64 kbps بسعر 250 ريال

128 kbps بسعر 400 ريال

256 kbps بسعر 750 ريال

زاجل

http://www.zajil.net/images/zajillogo.gif

دخلت موقعهم وليتني ما دخلته ... ما لقيت الا رماح واسهم وسيوف وخرابيط ... اما النكته اتصلت على الرقم المجاني وقلت لهم وش الفرق بين خطة

الرماح والسهم ... قال والله ما عندي خبر ... لكن خذ هالرقم واتصل عليه بكره وهو يعلمك خخخخخخخخخخخخخخخخخخخخخخ والله من زين الشركة

اسعارهم غير مفهومه وحتى هم ما فهموها وتلقونها بهالصفحة (بس الحق ينقال فيه ناس تمدح فيهم)

http://www.zajil.net/ar_al_shouhob_6in1.asp

اثير

http://arabic.atheer.net.sa

ما حطوا شئ بموقعم ... وفيه شخص اعرفه مجربهم ويمدح فيهم لكن اسعارهم نار ... اتصلت عليهم وسألتهم عن سرعة 256

الاسعار:

سرعة 256 بالشهر 810 ريال بشرط الاشتراك لمدة 3 شهور

سرعة 256 بالشهر 710 ريال بشرط الاشتراك لمدة 6 شهور

وما سألتهم عن السرعات الثانيه http://ib.vip600.com/html/emoticons/smile.gif لكن قلت لهم انتم فاتحين الى متى لو بغيت اشترك ... قال فاتحين الى الساعه 12 بالليل ... والله الفرق ... سعودي

نت فاتحين الى 4 العصر وهذولا الى 12 بالليل

صحف

http://www.suhuf.net.sa/suhuf2000/a3.GIF

http://www.suhuf.net.sa/

اتصلت عليهم ويقولون ما عندنا DSL ... قهر كانت شركة ممتازة ايام الدايل اب

صحاري

http://www.sahara.net.sa/assets/ima...n/a_Emg-6_1.gif

http://www.sahara.net.sa/html/person...a.asp#validate

ايضاً شركة كانت ممتازة بالدايل اب ... اما الدي اس ال فما ادري عنها

واسعارهم هي:

سرعة (64kbps) بسعر 249 ريال

سرعة (128kbps) بسعر379 ريال

سرعة (256kbps) بسعر 649 ريال

سيبيريا

http://www.cyberia.net.sa/images/Main/Logo_Cyb1.GIF

http://www.cyberia.net.sa/ar_default_ADSL.asp

شركة غير مشهورة بالنسبة لي ... وممكن يكون هذا سبب ان الواحد يروح لهم ... وياليت اللي عنده اي معلومات اضافية يعلمنا

اما اسعارهم فهي غير موجودة بالموقع ولكني اتصلت عليهم وسألتهم عن سرعة (256kbps) وقالوا انها بسعر 500 ريال بالشهر غير المودم والتركيب

إي زي نت

http://www.ez.net.sa/images/alo2net_new1.gif

http://www.ez.net.sa/dsl/dslprice.htm

شركة غير معروفه بس يوم دخلت على موقعهم قعدت اضحك ... ما قالوا وش السرعه اللي عندهم لكن شوفوا تقيسم السرعة مع الاسعار:

سرعة (عادية) بسعر 225 ريال

سرعة (سريعة) بسعر300 ريال

سرعة (سريعة جداً) بسعر 600 ريال

هههههههههههههههههههههههه لا تعليق على نوع السرعات اللي عندهم

أي سي سي

http://www.icc.net.sa/arabic/images/as10.gif

http://www.icc.net.sa/arabic/template.asp?id=43

لاتوجد اسعار بموقعهم لذلك اتصلت عليهم

اما اسعارهم فهي:

سرعة (64kbps) بسعر 200 ريال

سرعة (128kbps) بسعر 375 ريال

سرعة (256kbps) بسعر 750 ريال

شبكة نت

http://adsl.shabakah.net.sa/arabic/shabakah.gif

http://adsl.shabakah.net.sa/arabic/home.htm

لاتوجد اسعار بموقعهم لذلك اتصلت عليهم

اما اسعارهم فهي:

سرعة (64kbps) ما سألتهم

سرعة (128kbps) بسعر 265 ريال

سرعة (256kbps) بسعر 515 ريال

إس بي إم

http://www.sbm.net.sa/images/sbmwelcmold.gif

http://www.sbm.net.sa/

لاتوجد اسعار بموقعهم لذلك اتصلت عليهم والأسعار ناااااااااار وهي اغلى شركة حالياً

اما اسعارهم فهي:

سرعة (64kbps) بسعر 375 ريال

سرعة (128kbps) بسعر 750 ريال

سرعة (256kbps) بسعر 1500 ريال

شهير نت

http://www.shaheer.net.sa/images/header_01.gif

http://www.shaheer.net.sa/pricelist.html

هالشركة ما قد شفت احد يمدحهم ايام الدايل اب ... اما الدي اس ال فما اعرف ولا واحد تهور واخذ عندهم وياليت اللي مجربهم يعلمنا ... يمكن تكون

خدمتهم تغيرت

اما اسعارهم فهي:

سرعة (64kbps) بسعر 350 ريال

سرعة (128kbps) بسعر 700 ريال

سرعة (256kbps) بسعر 1300 ريال

شركة نور

http://www.nour.net.sa/eng_files/services.htm

المثل يقول : اللي هذا اوله ينعاف تاليه .... الشركة ما حطت اي اسعار بموقعهم ... واتصلت على الرقم المجاني ورد علي واحد كنه قاعد في بيت ... لا

عرف بإسمه ولا بإسم الشركة ... ويوم سألته عن اسعار الدي اس ال ... قال ما ادري ... امحق شركة وامحق دعم فني ... يقول اتصل الصباح على

الشركة واسألهم عن الأسعار ... ايه فاضي لكم اتصل الصبح

عرب نت

http://www.arab.net.sa

موقع الشركة طايح من زمان ولا لقيت لهم لا تلفون ولا غيره ... وبصراحة ما حرصت عليهم ... واللي عنده اي معلومات عن هالشركة ياليت يفيدنا

سعودي اون لاين

http://www.saudionline.com.sa

موقعهم طايح من فتره ... ورقم هاتفهم الموجود بموقع مدينة الملك عبدالعزيز ما احد يرد عليه

دي جي

http://www.digi.net.sa

دخلت موقع الشركة وكان انجليزي بالكامل ... ولا لقيت فيه اي اسعار ... كلمت عليهم ورد علي اثنين كلهم ما يتكلمون الا انجليزي ... وبالأخير عطاني

الاسعار لكنه يقول مانيب متأكد ... طلب مني رقمي تلفوني علشان يتصلون علي بكره ويعطوني الاسعار المضمونه ... وهذي هي الاسعار اللي عطوني

... وكانهم كلمون بكره ابكتب لكم الاسعار كان فيها اي تغير

سرعة (64kbps) بسعر 300 ريال

سرعة (128kbps) بسعر 400 ريال

سرعة (256kbps) بسعر 700 ريال

اتمنى من كل شخص مشترك بالدي اس ال ... يقول رايه بالشركات اللي جربها

وتحياتي للجميع:ciao:

نسمةسيئة مرة حتى خدماتهم سيئة كل شوي الانترنت عندي يقطع

صوتو ا في مسابقة نجم النجوم في المنتدى العام

مشكور على الموضوع اخوي مصرقع
بس هاذي خدمة الدي اس ال ماخشت مزاجي
كيف يعني القيمه اللي ندفعها اللي انت كاتبها كل شهر بس ولا هاذي رسوم يعني لو اني 24 ساعه على النت ماادفع الا القيمه اللي انت كاتبها بس <<< لو هي كذا فللللله :wow:
وضحلي اكثر


:ciao:

السلام عليكم

اخوي انا مشترك بنسما نت اول شهر لي الان وخدمتهم سيئة يقطع الاتصال لما اسوي داون لود انمي او ملف كبير

ولما اترك الجهاز شغال واطلع عشان يسوي داون لود اجي احصله ماسوى شيء على طول قطع :blackeye:

لكن انا بسألك سؤال لانه في واحد الله يستر عليه شككني في صحة كلامي :afraid: وجالس يقول انه الدي اس ال يحسب عليك مثل الدايل اب بالساعات :blackeye:

يعني هو يقصد انه الدي اس ال تجي فاتورة التلفون بعدد الساعات الي استعملتها وتدفع لشركة الاتصالات السعودية 3 ريال على كل ساعة استعملتها :blackeye:

الصراحة انا اول مرة اسمع هذا الكلام وماني مصدق لكنه هو بدا واثق من نفسه ..

أرجوكم اللي يعرف يقول لنا وش الكلام الصحيح

مشكور مصرقع ... :D :D

لازم تتعامل مع شركة جيل لأنها شركتي .. :D :D :09:

لا تخاف أعطيك خصم .. :09: :D :D :D



باي :ciao:

الانترنت في السعودية = براز
ما في أحلى من الامارات:)

اي والله فعلا بالامارات.......انا استعمل دي اس ال بسرعة 384 كيلوبت بالثانية وبسعر 250 درهم(ريال) في الشهر ......لا حتى في عرض خاص الحين اشترك الان والشهور الثلاثة الاولى مجانا :D

اقتباس:

---

المشاركة الأصلية كتبت بواسطة Odinnh Berserk

الانترنت في السعودية = براز
ما في أحلى من الامارات:)

---

والكويت الانترنت عندهم =====> :biggthump

شغل عدل مدل .. :D :D

في شركة الانترنت السعوديه من افضل الشركات

والان شبكة نت مسوين عرض سنه ب2000 ريال والسرعه 256

اقتباس:

---

المشاركة الأصلية كتبت بواسطة Ramza

السلام عليكم

اخوي انا مشترك بنسما نت اول شهر لي الان وخدمتهم سيئة يقطع الاتصال لما اسوي داون لود انمي او ملف كبير

ولما اترك الجهاز شغال واطلع عشان يسوي داون لود اجي احصله ماسوى شيء على طول قطع :blackeye:

لكن انا بسألك سؤال لانه في واحد الله يستر عليه شككني في صحة كلامي :afraid: وجالس يقول انه الدي اس ال يحسب عليك مثل الدايل اب بالساعات :blackeye:

يعني هو يقصد انه الدي اس ال تجي فاتورة التلفون بعدد الساعات الي استعملتها وتدفع لشركة الاتصالات السعودية 3 ريال على كل ساعة استعملتها :blackeye:

الصراحة انا اول مرة اسمع هذا الكلام وماني مصدق لكنه هو بدا واثق من نفسه ..

أرجوكم اللي يعرف يقول لنا وش الكلام الصحيح

---

بنسبة للفاتوره مايحسب شي :biggthump


وفعلن بنسبة للتحميل فهم دمار :afraid:

انا ابغير الشركة هلا اليومين لان اشتراكي قرب يخلص:blackeye:

اقتباس:

---

المشاركة الأصلية كتبت بواسطة jgubvgtjf

في شركة الانترنت السعوديه من افضل الشركات

والان شبكة نت مسوين عرض سنه ب2000 ريال والسرعه 256

---

مشكوووووور


وعلى فكره اسمها شركة النصب والاحتيالالسعودية:biggthump