ميتل جير توين سنيك-نقاش-بكم ساعة خلصته؟ وبأي مستوى؟

السلام عليكم والرحمة
شلونكم؟
بالنسبة لميتل جير توين سنيك
صراحة تقدر تقول انها أحلى لعبة حاليا على الأطلااااق
الرسوم : ممتازة ما عدا أوتوكان شكله غبي شوي
العروض: إذا تكلم عنها احد بشكل مو زين يحق لكم تضربونه بالجزمة (أمزح)
القصة: الأفضل -احسن من ميتل جير 2
فقصت توين سنيك فيها : الغدر الكذب الخيانة الحقد الانتقم الماضي والحاضر والمستقبل
التحكم: ممتاز جدا ستعتاد عليه بسرعة ما عدا زر (z) ما أحبه يفلت بسرعة :31:
الشعور لمن لم يلعب ميتل جير الأول على السوني 1 ولعب هذا الجزء: لم يتوقع ان يجد لعبة بهذه الروعة
الشعور لمن حفظ ميتل جير الأول على السوني 1 ولعبها: شعور مليئ بالذكريات الرائعة ويتحسف جد شعر راسه إذا ما شراها أو ما شرا الكيوب على شانها
شراكم كل واحد يدش ويكتب بكم ساعة خلص الشريط واي مستوى وكم مرة مات ونظرته للعبة
أنا ببدأ:
8ساعات21دقيقة 13ثانية
نورمال
عدد الموتات 4 فقط
تقديري للعبة : ماكو أحسن منها بجميع الألعاب بس
:ciao: :ciao: :ciao:
witing for MGS3

بسم الله

راح ارد نقطه بنقطه..

أولا الرسوم ... لا رسوم الشخصيات ولا رسوم الخلفيات توصل مستوى رسوم كونامي في ميتل جير 2 ... الفرق واضح وضوح الشمس .. للتأكد .. شوف شكل سنيك بغرفة التعذيب .. تقول صلصال هذا ... شوف وجه ريفولفر.. شوف السعر بس .. حدث ولا حرج...

بالنسبة للقصة .. هذه النقطه حساسة .. للأسف قصة ميتل جير ما وضعت للكل .. عميقة اكثر مما تتصورون .. وبالطبع قصتها احلى بكثير من 1 .. للفاهمين فقط

التحكم فيه شي بايخ .. انك ما تقدر تصوب بالFAMAS للأسف يد الكيوب لم تصمم لميتل جير ..

اللعبة لولا العروض ما تسوى تقريبا..

اذا فاضي قارن موسيقى ميتل جير 1 بتوين سنيك .. فرق شاسع .. بل مقرف..

موسيقى ميتل جير 1 لا تعوض .. :)

انهيتها ب 7 ساعات ونصف

نورمال ..

بدون رادار..

اعيد واكرر .. توقعنا اكثر من كذا

مشكور على رايك

ما بتكلم عن كل شيء عشاني سويت تقرير ،، حاطه بموضوع لحاله :)

بس ابي اقول ان بالنسبة لي قصة 1 احلى ،، و المتل جير واقعي اكثر ، مين يتوقع كتلت حديد ضخمة تقفز و تطير و تسبح ، بسرعة ولا احد يتخيلها ؟؟

خلينا نقارن بين الشخصيات :

سنيك ، و ريدن : بدون نقاش كل احد عنده نفس الرئي .

ننجا ، و فامب : نفس كلام الي فوق .

سنيبر ولف ، و فورشن : صح فورشن اقوة بالراحة ،، بس خلينا بالواقع .

ريفن ، و فات مان : ريفن يدوس ببطه بالراحة ، لانه مو دب عنده عضلات ،،، و مع وجهه فات مان كل اعتماده على القنابل .

سيكو مانتس ، و ( ما عنده مونافس ) :tongue2:

لكود ، و سولدس : يعني شوف مين تحمله اكبر ، و يعتمد على جسمه مو ثياب تنفخه زي الضفدع .

زبدة الموضوع شخصيات 1 واقعين ،، يعني لو واحد عجبته شخصية يقدر يصير مثلها ،، مو 2 يحطلك رقاس بالي سنونه طوال ما يموت ابدا ،، و واحدة نجر ما تجي عليها طلقات ( يخافون منها :tongue2: ) ،، فات مان واحد دب بس سريع حلوة ذي .

اقتباس:

---

التحكم فيه شي بايخ .. انك ما تقدر تصوب بالFAMAS للأسف يد الكيوب لم تصمم لميتل جير ..

---

معاك التحكم بايخ ، بس ... تقدر تصوب بدون ما تطلق ،، ضلك ضاغط على A + Y ، تشوفه موجه ،، و لمن تبي تطلق سيب الY و ضلك ضاغط على A .... صح صعب بس تتعود عليها بسرعة .

---

نتهيتها بـــ اقل من 7 ساعات بشوي

ايزي

جمعت كل الدوج تاجز ( بالاخير طلع على الفاضي >_< ،، بس عشان تزعط )

ثاني مرى :

6 ساعات تقريبا

نورمل

جمعت كل الدوج تاجز ( تحسني مصَر اني اجمعهم ،، ادري ان ما في فائدة ، بس تحس نفسك قوي لمن تخلص اللعبة ^_^ )

اقتباس:

---

المشاركة الأصلية كتبت بواسطة theway

ما بتكلم عن كل شيء عشاني سويت تقرير ،، حاطه بموضوع لحاله :)

بس ابي اقول ان بالنسبة لي قصة 1 احلى ،، و المتل جير واقعي اكثر ، مين يتوقع كتلت حديد ضخمة تقفز و تطير و تسبح ، بسرعة ولا احد يتخيلها ؟؟

خلينا نقارن بين الشخصيات :

سنيك ، و ريدن : بدون نقاش كل احد عنده نفس الرئي .

ننجا ، و فامب : نفس كلام الي فوق .

سنيبر ولف ، و فورشن : صح فورشن اقوة بالراحة ،، بس خلينا بالواقع .

ريفن ، و فات مان : ريفن يدوس ببطه بالراحة ، لانه مو دب عنده عضلات ،،، و مع وجهه فات مان كل اعتماده على القنابل .

سيكو مانتس ، و ( ما عنده مونافس ) :tongue2:

لكود ، و سولدس : يعني شوف مين تحمله اكبر ، و يعتمد على جسمه مو ثياب تنفخه زي الضفدع .

زبدة الموضوع شخصيات 1 واقعين ،، يعني لو واحد عجبته شخصية يقدر يصير مثلها ،، مو 2 يحطلك رقاس بالي سنونه طوال ما يموت ابدا ،، و واحدة نجر ما تجي عليها طلقات ( يخافون منها :tongue2: ) ،، فات مان واحد دب بس سريع حلوة ذي .


معاك التحكم بايخ ، بس ... تقدر تصوب بدون ما تطلق ،، ضلك ضاغط على A + Y ، تشوفه موجه ،، و لمن تبي تطلق سيب الY و ضلك ضاغط على A .... صح صعب بس تتعود عليها بسرعة .

---

نتهيتها بـــ اقل من 7 ساعات بشوي

ايزي

جمعت كل الدوج تاجز ( بالاخير طلع على الفاضي >_< ،، بس عشان تزعط )

ثاني مرى :

6 ساعات تقريبا

نورمل

جمعت كل الدوج تاجز ( تحسني مصَر اني اجمعهم ،، ادري ان ما في فائدة ، بس تحس نفسك قوي لمن تخلص اللعبة ^_^ )

---

بالنسبة لسنيك ورايدن للأسف نظرتكم سطحية لهذه النقطه .. ليش كان رايدن موجود ؟؟ نظرتك لسوليد سنيك تغيرت بعد وجود رايدن .. فعلا صرت تحس انه شخص غامض !!..

فامب لم يمت بعد للمعلومية .. تشوفه في عرض النهاية واقف بجانب السيارة الصفراء .. فامب قصته لها تكمله ..ومادري وش دخل النينجا بفامب ..

يعني الحين ميتل جير 1 واقعي ؟؟

فات مان له قصته الخاصة ... ولقبه من جاء من الهواء .. وكبر حجمه ماله علاقة ولا ادري وين العلاقة بينه وبين ريفن

وطبعا ما تقدر تقارن بين الشخصيات كذا بالكلام .. ولا صار كل واحد يكتب شي قوي في شخصية معينه ويقول اقوى من فلان وعلان :p


ولو تلاحظ .. فات مان لابس زلاجات ..

وبالنسبة الرصاص ما كان يوصل فورتشن هذا لأنها كانت تستخدم نفس القطعة الي استخدمها ريفولفر في التانكر ..

فعلا قصة ميتل جير 2 ليست للكل...

شخصيا لم تعجبني اللعبة ولم انهها ...
الرسوم والاصوات ضعيفة وغير متوقعة .... اللعبة لم ترقلي ولم استغرق بها كثيرا ...
ربما يكون رأيي منقوص من الواقعية لأنني لم العبها بما يكفي ... ولكنها لم ترقلي على اي حال ...
الناس فيما يعشقون مذاهب ويبدو انها نالت اعجابك بشدة ....

تحياتي

اقتباس:

---

المشاركة الأصلية كتبت بواسطة FAS

شخصيا لم تعجبني اللعبة ولم انهها ...
الرسوم والاصوات ضعيفة وغير متوقعة .... اللعبة لم ترقلي ولم استغرق بها كثيرا ...
ربما يكون رأيي منقوص من الواقعية لأنني لم العبها بما يكفي ... ولكنها لم ترقلي على اي حال ...
الناس فيما يعشقون مذاهب ويبدو انها نالت اعجابك بشدة ....

تحياتي

---

فعلا الاداء الصوتي كان محبط ... والرسوم كذلك

اللعبة لا ترقى لمستوى اي لعبة من العاب ميتل جير

الناس أذواق :)

اقتباس:

---

ومادري وش دخل النينجا بفامب \\\\ ولا ادري وين العلاقة بينه وبين ريفن

---

ترى قصة متل جير 1 نفس 2 لمن تجي توصفها لواحد .... بقول كم شيء من الالف شيء :

1- اثنينهم يطلع الكرنل يقص عليك .

2- اثنينهم لمن يجي يحط الكروت و الزحمة على اساس ان بوقف متل جير ،، يطلع اخر شيء هو شغله .

3- اثنينهم يطلع اخو لسنيك ، هو يكون العدو الاصلي .

4- اثنينهم يكون شخصيتك تغازل وحدة بالكودك .

5- اثنينهم يكون في واحد لازم تحصله عشان يعطيك البرامج الي تطفي المتل جير ، و اصلا هو الي صنع المتل جير .

6- اثنينهم في محل كهربة لازم تطلق بالنكيتا عشان تطفيه .

7- اثنينهم يكوت البرزدنت قدامك .

8- اثنينهم تبدأ و انت جاي من البحر ، و بعدها لازم تنتظر الاصنصير .

9- اثنينهم يجي مقطع يطلع واحد يسفح الجنود و يعلمهم الأدب ( ننجا و فامب ) .

10- اثنينهم يكون في شخصية تدربت في شيء معين عشان تتقوة فيه ، و بعدها تشترك مع الارهابين و هي اصلا ما تبي تكون معاهم ، ما لقت طريقة تثبت قوتها الا بهذي الطريقة ( ريفن ، فات مان )

11- اثنينهم في مقطع يكهربوك .

عد و اغلط ... في بعد بس مو جايين على بالي الحين .

المقصود من كل هذا الكلام ،، ان الشخصيات لها صلة قرابة و لو بسيطة ، المهم نقدر نقارن بينهم

اقتباس:

---

وطبعا ما تقدر تقارن بين الشخصيات كذا بالكلام .. ولا صار كل واحد يكتب شي قوي في شخصية معينه ويقول اقوى من فلان وعلان :p

---

صح كلامك كل واحد بيكون عنده رئيه الشخصي ... سكر الموضوع .

اقتباس:

---

ولو تلاحظ .. فات مان لابس زلاجات ..

---

ادري بس مو معنى كذا انه يصير مثل الصاروخ .

اقتباس:

---

فعلا قصة ميتل جير 2 ليست للكل...

---

تكفى يلـ كبير ،، مسويلي فيها فاهم .

أنا بقول رايي باللعبة
اللعبة لا تقارن ابداً بالأسطورة MGS2:SOL اللي لحد الحين يتكلمون عنها
لو نجي نقارن بين الجزء الأول المعدل و الجزء الثاني الأسطورة
أولاً : التحكم :
يعني و أنا مغمض أقول انه الجزء الثاني يتفوق على الجزء الأول المعدل (ما شوف اي تعديل) بالتحكم لمن تشيل السلاح بالبلاي 2 تضغط على مربع و اذا ما تبي تضيع الرصاص تقدر تنزل السلاح بأنك تشيل ايدك عن زر المربع بخفة (COOL) و هذي الخاصية اسمها Pressure-Sensitive و اللي موجودة بعد بالاكس بوكس.
وشي ثاني أنا مو قاهرني باللعبة الا زر الـ Z الفاشل و المليغ كل ما بغيت انقل على منظور الشخص الأول أعاني الزر ما يقارن أبداً بزر الـ R1 الرقمي الموجود بالبلاي 2 أو زر الـ R الرقمي الموجود بالاكس بوكس.
ثانياً : الرسومات :
الرسومات ما تقارن أبداً بـ MGS2:SOL لأنه سنيك بالجزء الأول المعدل جسمه هزيل و ضعيف اذا كنتم ملاحظين و بالجزء الثاني جسمه ممتلىء و عضلاته واضحة و مو مثل سنيك بالجزء الأول براطمه مثل شخصيات ايترنال داركنس , و ثاني شي مثل ما قال الأخ aoks في غرفة التعذيب جسم سنيك يأكد كلامي ضعيف جداً و كأنه صلصال.
و لاحظتوا بعد وجه ريفولفر اوسيلوت شلون كان قايل وجهه مبوز و ضعيف و شعره مدري شلون قايل من تحت يتحرك اللي فوق كأنه طاسة بيضة حاطينها فوق راسه ما فيه أنيمشين كثير باللعبة.
يمكن الأحسن من ناحية الرسومات هو الننجا.
نجي لـ لكويد سنيك عاد هذي الشخصية رسوماتها صج كانت تضحك أصلاً من المعروف انه لكويد يشابه سنيك و في اللعبة ما كانوا متشابهين موليه و اللي يثبت كلامي ميريل يوم طلعت من زنزانتها و لبست لبس الارهابي و قالت حق سنيك You Killed the DARPA CHIEF , Liquid , No هذا دليل انهم متشابهين لكن الشعر لونه غير سوليد بني و ليكويد يميل الى الأشقر.
و ما ننسى ميريل اللي شعرها كان ثابت كأنه خوذة و عيونها كبار مثل عيون ماريو و لويجي و مشيتها اللي مدري شلون صايرة يوم ركزوا الكاميرا على xxxxxx يوم ركبت المصعد.
و ما ننسى أوتاكون اللي حلجه كأنه حلج سنجاب.
و سنايبر وولف اللي مدري شلون صايرة شعرها ثابت ما يتحرك.
و فولكن ريفن شفتوا لمن طلع من الدبابة قاعد يضحك (كأنك قاعد تلعب لعبة من العاب ننتندو)
و الجنود الله الله عليهم رسوماتهم معفنه جداً و يتخدرون بسرعة و الذكاء الاصطناعي صفر.
ثالثاً : قصة اللعبة :
أحلى ما في اللعبة لكنها مو ماشية مع الرسومات و حركات الماتركس اللي موجودة بالعروض و يقولولي اللعبة ما فيها جذب الا فيها جذب لي الراس.
في أحد يمشي على صاروخ و جاي من أقوى طائرة عمودية في العالم الـ HIND D اللي صاروخها يدمرلك ثلاث أربع بيوت بجنب بعض.
و الثاني يشوت جزء كبير من السقف اللي هو الننجا و سنيك عاد كملها و نط فوق مثل لاعبي القفز العالي (يستاهل الميدالية الأولمبية الذهبية).
رابعاً : الصوت :
الصوت كان سخيف و سيء لي الراس لا يقارن ابداً بأصوات الشخصيات بالجزء الثاني اللي على البلاي 2 و الاكس بوكس.
الجزء الثاني تحس كأنك قاعد تطالع فلم لا يوجد بدليات بالكلام و هذا سيليكون نايتس الشركة الامريكية هي اللي مسوية اللعبة وواضح التغيير في الجمل.
و ما أقدر أقول الا ان اللعبة ما تستاهل تصدر بالمرة.
و أعطيها 6 من 10 بس للقصة.
و اللعبة على فكرة خلصتها بـ 5 ساعات و نورمال و ما مت و لا مرة و ما لقيت اي صعوبات خاصةً مع سايكومانتيس اللي ما شفت وجهه بعد ما هزمته.

اقتباس:

---

الشركة الامريكية

---

بس ابي اصحح انها كندية :)

في كل الاحوال شركة معوقة :tongue2:

لو ما خلوها تشارك تصير اللعبة احلى :biggthump

عفوا .. بس انا فعلا ما غلطت.. قصة ميتل جير 2 لست للكل ... وهي اعمق مما تتصور

theway :
اخوي انت تتكلم عن اشياء شبه طبيعية
لو تبيني أجولك أملقك بالأشياء مثال:
ريزدنت ايفل:
الجزء الاول والثاني والثالث والزيرو كلهم تقدر تلعب ببنات
كلهم فيهم مسدسات
كلهم فيهم زومبي
كلهم فيهم اعشاب
كلهم فيهم وحش او رئيس اخير


لوول
انا لا أقصد الإساءة أو الاستهزاء
لكن ..
مع كل احترامي البالغ لك يا اخوي
ارد وأجول : (الناس أذواق)
مع احترامي الشديد لردك
اخوك : بوجاسم

الى soper sonic :

عادي اقبلها منك ~_^ ،، بس مو كل الاشياء طبيعية .

اقتباس:

---

للتأكد .. شوف شكل سنيك بغرفة التعذيب .. تقول صلصال هذا ... \\ و ثاني شي مثل ما قال الأخ aoks في غرفة التعذيب جسم سنيك يأكد كلامي ضعيف جداً و كأنه صلصال.

---

حاطين هذي حجة على اللعبة :vereymad:

لو تلاحظنون بنهايت اللعبة لمن الننجا يشوف سنيك في الوقت الي يتهاوشوا مع المتل جير ... تتذكروا شنو قال له ؟

الي قاله ، مو متذكر بالضبط بالانجليزي بس بمعنى : you didn't grow well

و لمن تشوف سنيك بالـ( بريفنج ) يكون طول الوقت فاصخ بلوزته ....

لاحظ عضلاته ... لاحظت ؟؟؟

خلاص سكر الموضوع ، راحت حجتكم .

لول .. اي حجه ؟؟ :31:

صعب تلقا Metal gear hardcores هالايام :09: