بنات اقراوء تفكير الشباب!!!!!!!!!!!

اتمنا البنت الي تدخل تقراء الموضوع كامل قبل الرد
واقول حق الشباب اسمحو لي خربت عليكم
انا شاب مثلكم واعرف انه فيه وايد شباب فيهم خير
بس الكلام عن الشباب الضعاف العقول
والبنت الخربانه ما تصلح لو شنو


هل البنت يوم تتعرف على واحد بينتهي هذا التعارف او الحب الى الزواج؟؟؟



أكيد مستحيل لأن البنت يوم تتعرف على واحد وتطلع معاه ، تصغر في عين هذا الشاب ( هذا الشيء يتكون داخل نفسية الرجل ولو بين او مثل عكس هذا ) وهذا الشيء أكيد وطبيعي لأنها تخلت عن شرفها وعفافها وقبلت انها تكلم و تطلع مع واحد غريب فكيف يتزوجها ، اصلا حتى المخطوبين بشكل رسمي الرجل او الخطيب ما يعرض على خطيبتة انها تطلع معاه او تعمل شيء معاه غلط قبل الزواج

فكرة_كل ما تتنازل البنت وترضخ لطلبات اللي متعرفة عليه تصغر زيادة وزيادة في عينة وفي نفسة ( وطبعا هو ما يهمة تصغر في عينة شوية ولا كثير هو اهم شيء عنده ان يتسلى ويستمتع فيها ) .







ليش الشاب يوهم البنت اللي متعرف عليها بالزواج ويعيشها في عالم الحب ؟



لأن الشاب يفكر في البنات او في البنت تفكير جنسي ، وتسلية في شرفها وعرضها ، لـين ما يحصل البنت اللي ما شاف عليها الغلط ويتزوجها ، حتى لو كانت بنت مب زينة مدام هو ما شاف عليها الغلط خلاص عادي ، وكل الشباب يقولون ان اللي ترضى انـها يرقمونها و تطلع معاهم هذي وحدة صايعة ، وهي اصلا تبغي هذا الشيء وترضى لنفسها هذا الشيء ( والرضى يعني الموافق منا على فعل هذا الشيء)، وهو اذا ضيع هذه الفرصة بتروح عند غيرة ، وهي تستاهل اللي يجيها او يحصل لها من علاقتها مع الشباب او احد الشباب ، ولهذا السبب يستحلون فيها اي شيء ، على أساس ان اللي تبغي تحافظ على نفسها ما تكون مثل هذي البنت اللي فكرت بالتعارف او تكوين أي علاقة غير شريفة وغير شرعية ومشت في طريق الغلط

الشباب او الشاب هو في أغلب الاوقات هو اللي يطلب ويلح على البنت ، بس مدام هي وافقت في النهاية ، اي شيء يحصلها او يعملة معاها هي من الموافقة الأخيرة للبنت (وهذا رأي الشباب)







وفي بنات يفكرون (يوهمون انفسهم)ويقتنعون بأن الشخص اللي تكلمه او تحبه هو غير عن كل الشباب اللي تسمع عنهم او تقرأ قصصهم في المجلات***؟



ملاحظة : هذا السبب اللي ضيع الكثير من البنات هذه الثـقة لشخص غريب محرم عليهم لان مب معقولة ان بنت تعمل شيء غلط مع واحد وهي مش مقتـنعة بأن هذا الشخص ما بيتزوجها ، لازم تكون مـقـتـنـعة ، ولو حتى تصديق وعد بالكلام بأنة بيزوجها.

هذا السبب القوي في نفسية البنت و اللي يخلي وخلا الكثير من البنات انهن يتنازلون عن شرفهم وعفافهم ، لأن البنت تشوف هذا المتعرفة عليه غير عن كل الشباب ، هذا لأنها حبته ووثـقت فيه وسلمت نفسها له ، ويوم سلمت نفسها لهذا الشخص الغريب (اصبحت مثل بنات الشوارع في نظر هذا الشاب ونظر الناس وكل واحد عرف بعلاقتها معاه) على أمل والوعد بالزواج ، وللاسف والله الكثير من البنات يغلطون مع بعض الشباب وهم مصدقين ومقتنعين و عندهم امل كبير بالزواج بعد الغلط ، وتقول البنت منهم خلاص هو غلط معايه يعني أكيد بيصلح غلطته وبيتزوجني وان الغلط هذا دليل على قرب الزواج ، وهذا تفكير الجهلات

والكثير من البنات اللي اختربن ما تنصح صديقاتها وتحذرهم من هذا الطريق ، بل بالعكس تساعدهم على انهم يتعرفون وتشجعهم على الانحراف و تزين لهم التعارف والحب وغيرذلك ، وهذا الشيء يكون بطريقة مباشرة وغير مباشرة و الأخطر الغير مباشرة بدون ما تذكر لهم مخاطر هذه العلاقات المحرمة

وهذه حالة نفسية في كل شخص خربان او ماشي في طريق او بطريقة غلط غير الطرق المعروفة والشرعية ويحاول يخرب غيرة عشان يكون مثله وما يكون في طريق الغلط لوحدة







وهل من المعقولة ان الواحد بيروح عند اهله ويقولهم انا اريد ازوج بنت تعرفت عليها أو شفتها في مكان وعجبتني وابغي ازوجها؟؟؟


أكيد أهل الولد ما بيرضون وبيقولون تبغي تتزوج وحده ما نعرف من وين محصلنها او من وين جايبنها او متعرف عليها او يقولون تريد تتزوج بنت من بنات المراكز والشوارع . طبعا الولد مستحيل يعمل هذا الشي ويوضع نفسه في هذا الموقف اللي بدايته ونهايته معروفة ، لا و بالعكس بعد ، إذا قال لأهله بيتهمون البنت اللي متعرف عليها بأنها بنت حرام تريد تخدع الولد وتريد ترمي بلاها او مصيـبـتها على الولد..الخ

ملاحظة : حتى لو كانت البنت تقول انا بنت حلال وبنت عائلة معروفة محترمة وسمعتي ما عليها كلام ، هذا الرأي حتى لو كان حقيقة او صحيح فهذا مقتصر عليك وعلى اللي حوليك ، بس اهل الولد ما يعرفون هذا الشيء وحتى مابيفهمون هذا الشيء وخاصتنا في مسئلة الزواج ( وخاصتنا لانة ولدهم تعرف عليك بالترقيم... وغيرة ، وهذا الشيء يدل على انة البنت مب زينة و مب محترمة واخلاقها تعبانة والتعارف بالترقيم وغيرة سمة او صفة تـنـتسب لبنات الشوارع والمراكز ..وغيره

وطبعا الشباب عندهم كذبة معروفة لهذي المسئلة يقولون للبنت انه بيقول لأهلة انك صديقت اختي اوعرفـتـك عن طريق اختي وأنتي صديقتها وخلاص وفي طبعا كذبات اخرى على حسب الوضع

تحسون من هذي الكذبة اوالخطة لتغطية العيوب والعيب الكبير في علاقتهم والخروج عن المألوف(وهم ما ذكروها الا لأنهم يعرفون ان في شيء مب طبيعي في علاقتهم) ، وأنها في الأصل كذبة وليش هو مطر للكذب مدام هذا الشيء مب عيب او يجوز (هذي الكذبة مخصصة للبنات) ثاني شيء حتى من هذي الكذبة لو كنتي مصدقـتـنها هو بيكذب على أهلة على امة وأبوه ، هل تتوقعين من واحد مثل هذا الكذاب انة ما يقدر يكذب عليك بعد?! ، واذا هو قالك انة يكذب عشان هو يحبك وانة بيكذب على اهلة عشانك وعشان هذا الحب ، انا اقول هو يكذب عليك عشان تستمرين معاه في علاقتكم وبس . وفاقد الشيء لا يعطية

واذا جالك انا برتب مع اهلي او انا متفاهم وياهم ، تتحرين هذا الكلام بهذي السهولة تتحرين انة هو يوم كذب عليك يقدر يكذب على اهلة وخاصتـنا مع ابوه أسئلتهم بتختلف عن الأسئلة اللي تسئلين فيها نفسك وتسألينة فيها هذا الكذاب اللي متعرفة عليه ، وشعورك وانتي تسألين هذي الأسئيلة تختلف عن شعور أهلة وخاصتنا ابوه يعني انتي شعورك تريدين منة انة يطمنك بانة مب كذاب ويريد يتزوجك ، لاكن أسئلة الأهلة لازم يكون فيها استنكار لهذا الشيء ولازم في نوع من الرفض يختلف عن نوع سؤالك ، انتي سؤال في نوع من الترجي والطلب عشان يتزوجك







ما هو تفكير الشباب ورأيهم اذا عرفو ان واحد من الشباب متعرف على بنت?


والله للأسف في نسبة كبيرة من الشباب يشجعون بعض على الرذيلة وكل واحد يتمنى ان يتعرف ويعمل نفس الشيء مع هذي البنت لأنهم يقولون بأنه هذي البنت لا أختك ولا من أهلك ولا تقرب لك عشان هذا يعملون فيها او معاها اللي يريدونة وهذه قاعدة لازم كل وحدة تعرفها والله زين ( ***لا اختك ولا زوجتك ولا من اهلك ولا تقربلك***)

وهذي بعض الدلائل والإشارات التي تدل على الواحد بأنه ما بيتزوج بنت متعرف عليها من قبل ؟

إذا كلمت البنت واحد وعطته اللي يريدة ، وختلى بها او حصل بينهم شيء غلط ، بس خلاص بعد ليش يتزوجها مدام هو حصل وحدة (فري) وعطته اللي يريدة ليش يتزوجها مدام اللي يريدة منها خلاص خذاه وبرضها ، وعلى فكرة يوم البنت تكتشف او تحس بعد فوات الأوان انها انخدعت وتبدأ تقول وتلح على هذا الشاب اللي خدعها ، انت لازم تتزوجني بسرعة ، يا انه يعمل معاها مشكلة ويختـفي او يهرب منها ويقوليلها انا بسافر او بيرد عليها بكل صراحة انتي عطيتـني برضاك وما في احد غصبك على شيء ، وانا بصراحة ما قدر ازوجك او بصراحة ما أبغي ازوجك . وهذا اللي اسمعة كثير ودوم من أهل التجارب واللي يرددونة الشباب.

مثال اتخيلي انك تسألين هذا اللي متعرفة عليه وتكلمينة وقلتيلة كم صديق عندك محترمة وزين مثال اذا قالك عشر اصدقاء ، قوليلة ليش ما تعرف واحد منهم او تعرف عشرة على اختك او بنت عمك عليهم وتخليها تختار منهم اللي تشوفة مناسب لها يعني وسيم ، يحبها جدا و يوعدها بأنة يتزوجها ، يعني مثل ما انا اختاريتك ورضيت اتعرف عليك ليش ما تخلي اختك وبنت عمك بعد مثلي ، عشان يجربون الحب وحلاوتة ، اكيد ما بيرضها او ما بيعملها ، لان هذيل من بنات اهلة وله غيرة عليهم ، بس انتي لا اختة ولا زوجتة ولا من اهلة ولا تقريبلة فليش يغار عليك وهو يرضا ليك بس ما بيرضها على بنت من بنات اهلة









إذا كان صديق الولد اللي متعرفة علية ، يعرف كل شيء عن علاقتة مع البنت وسوالفه معاها ولو كانت بسيطة وعادية بالنسبة لها، لازم تعرف انه اللي متعرفة علية ما بيتزوجها !؟؟



لانه يخاف ان صديقة يطلع علية كلام من وراه او يعايرة او يعيب علية في يوم من الأيام ويقول انت متزوج وحدة متعرف عليها - يعني تـنـفهم انها صايعة - وانا قلت في البداية ان اللي تتعرف ولله ان يعتبرونها أغلب الشباب انها وحدة صايعة اذا ما كانو الكل، عشان هذا أي وحدة تتعرف على واحد وتعرف ان صديق هذا اللي متعرفة علية يعرف بالموضوع ، يعني مستحيل يتزوجها ، والله صعب وما في احد من الشباب يرضاها لنفسة كل اصدقاءة وحتى الصيع يوم بيتزوجون يتزوجون وحدة مب متعرفين عليها من قبل ، وما في احد يعرفها ، وهو يتزوج وحدة متعرف عليها واصدقاءة يعرفون بالموضع ويعرفونها او يعرفون عن علاقتهم قبل الزواج او سمعو عنها.

وهو صلا مب يخاف ! هو متأكد ان صديقة او اصدقائة بيتكلمون من وراة بكلام يدل على انه هذي البنت صايعة وهو تزوجها ، ولانة لو هو كان بهذا الوضع لعمل مثلهم

ومن الدلائل او الاشارات التي تدل على ان الواحد ما بيتزوج وحدة متعرف عليها ، اذا عرف ان هذي البنت كانت لها علاقة مع واحد من قبل ((طبعا العلاقة مع واحد ثاني ما اقصد فيها الزوج السابق او اخطيب (الخطيب الرسمي) السابق



السبب : يخاف او بيفكر بنقطة معينة بأن هذي البنت أكيد او يمكن حصل بينها وبين الي متعرفة علية قبل شيء مب زين ، وبعد ما شبع منها تركها او خلاها

وبتكون ذريعة الشاب لنفسه لخداع هذي البنت وهو بعد : بأن هذه البنت متعرفة على شاب قبلة يعني بنت لها سوابق وبيقول اكيد هو شبع منها وبعدين سابها ، ومب مشكلة اذا كملت اللي بدأءة غيري او اذا كملت عليها ‘ واذا انا ما استغليتها في ألف واحد غيري بيستغلونها ، وهي اكيد في اي وقت تريدة بتتعرف على واحد ثاني وهذا الثاني ما بيترك هذي الفرصة وبيستغلها ، وأنا اولا من غيري .

ملاحظة : وفي الكثير من القصص اللي حصلت تدل على صحة هذا الكلام ، وفي قصص تدل عليها صحة هذي الفكرة ،ومن القصص ان واحد يقول لزوجتة او خطيبتة ، انا كنت احب او كنت متعرف على وحدة من قبل (يمكن قصدة من هذا الاعتراف يريد التأكد من خطيبتة ، فالبنت يمكن تقول مدام هو اعترف خليني انا بعد اعترف ، ونطلع كل الخبايا ونكون صريحين مع بعض من البداية ، فالبنت تعترف اذا كانت تحب او كانت عندها علاقة مع واحد من قبل ، وبعدين خطيبها يزعل ويعصب وتحصل مشكلة كبيرة بينهم وأغلب الاحوال يفترجون ، فنصيحة لكل بنت كانت لها علاقة مع واحد من قبل انـها ما تفكر انها تعترف لخطيبها او لزوجها مهما كانت الاحوال ، وحاولي تمثلين انك من بدايت حياتك ونتي شريفة وانك تـنـتـقدين الفساد في المجتمع وتحاولين تنصحين البنات من خطر التعارف والتلفونات وغيرة ، وان ملفك نظيف من هذي السوالف .

فكرة البنت من هذا النوع اذا تبغي تعمل اي علاقة مع اي واحد بالحرام بتحصل مليون واحد بس اذا تبغي تتزوج ما بتحصل ولا واحد بطرق التعارف و كل أشكالة










وفي طريقة سهلة وبسيط دوم يستخدمونها الشباب عشان يستدرجون البنت يقول للبنت ابغي اكلمك على التلفون او اطلع معاك عشان نتعرف على بعض اكثر ......الخ

والبنت لا تفكر انها تتعرف على أساس ان اللي يدور بينها وبين واحد تكلمة عن امور الدين لان في الكثير من القصص ان واحد ملتزم يكلم وينصح وحدة او وحدة ملتزمة تنصح واحد وتنتهي علاقتهم في الوقوع في الزنا، يعني البداية يكون الكلام في الدين وبعدين كلام عادي وبعدين شوي شوية لين ما يقعون في الغلط ، فالبنت او الشباب لا يفكرون يخدعون نفسهم.

ونصيحه للبنات اي بنت تبغي تحافظ على نفسها تحافظ على أوامر الله تعالى لين ما يكتبلها الزواج قال الله تعالى (وليستعفف الذين لا يرجون نكاحا حتى يغنيهم الله من فضله) صدق الله العظيم وأرجوا من كل شخص وصلتلةهذي الرسالة ان ينشرها ويوزعها على كل شخص يجدر يوصله هذي الرسالة حتى لو كان غني عنها لانه يمكن هذا الغني يرسلها لوحدة محتاجة وحتى اللي مب محتاجة يمكن تضعف في يوم من الايام وكل انسان معرض انة يضعف او ينخدع والدال على الخير كفاعلة والأجر ان شاء الله اجر النصيحة والتنبه من الغلط.







بعض الاستفسارات او الاعتراضات على بعض كلام الموقع



في بعض الاشخاص قالوا ان مب كل الشباب مب زينين او يدعون للرذيلة وهذا الكلام صح ، بس انا اقصد بكلامي الشباب الي متعرفين على بنات وعندهم افكار ودعوات لهذه العادات القذرة ، واقصد كل واحد بدئ يتعرف او يدخل في هذا المجال ، يعني مدام الواحد تعرف على وحدة يعني هو منهم وهو الي اقصدة بكلامي

وفي نسبة قليل من الشباب ردودهم غبية يعني يقولون انة الكلام في الموقع يعرفونة من زمان (الموضوعات الخاصة بالبنات)وانا وياكم ، يعني اكيد بما انك واحد من الشباب شيء طبيعي تعرف هذا الكلام وتفهمة وتحس فيه ولانك اكيد تعرف او مرو عليك هذا النوع من الشباب وتعرف شو اللي يعملونة في البنت المتعرفين عليها وشو يحصل بينهم ، وشو النتايج ، وما في شيء غريب، بس المواضيع المخصص للبنات للبنات ، لانهم ما يعرفون مثل الشباب باللي يفكرون فيه الشباب واللي في انفسهم ، وصحيح انة هذا الرد اللي احصلة من بعض الشباب المفروض ما يفكرون فيه ، والمفروض ما يردون عليه بهذا الرد ، بس والله شيء زين لانهم يعترفون او موافقين على كلامي ، وهذا دليل على صحة كلامي . وهذا الدليل بستغلة عشان يتأكدون البنات اكثر واكثر بالمواضيع والافكار المكتوبة

وباختصار انا ترجمت الافكار والامور اللي تصير وترجمت خدع الشباب وحالات المتعرفين ونتايج التعارف والنقاط اللي تجدر منها البنت تكتشف العيب والخطء والخطر ووهم الزواج عن طريق التعارف في مواضيع وأفكار مكتوبة






وفي بعض البنات يـبررون ويحتجون بمثل ( اصابع ايدك مب نفس بعض) على نجاح وعلى انة في امل كبير في نجاح علاقاتهم قبل الزواج حتى لو كانت اغلب العلاقات اللي يعرفونها كلها فاشلة واغلبها البنت تطلع من هذي العلاقة خسرانة ، وهم اصلا جاهلين من قال هذا المثل وجاهلين بمعنى وأهداف هذا المثل





اولا هذا المثل او الحكمة او القول ، يـقال ان: الخليفة عمر بن الخطاب رضي الله عنه ، أول ما قال هذا المثل لموقع من المواقع او حدث من الأحداث (وهذا اللي سمعتة من أحد المحاضرات)

اصابع ايدك مب نفس بعض بس طبعا قالها باللغة العربية الفصحى

ثاني شيء هل معقولة عمر بن الخطاب بيقول هذا المثل لكل وحدة متعرفة او لها علاقة محرمة او اتصال محرم مع واحد قبل الزواج هل معقولة ان حكمة ومثل عمر بن الخطاب تشجيع للبنات على هذا التعارف والمواعد وعلى ان صحيح ان الكثير من البنات خسروا شرفهم ونخدعو من هذه العلاقات الي قبل الزواج بس لان اصابع ايدك مب نفس بعض يمكن تـنجح هذي العلاقة لانة اكيد من مبين خمس اصابع صبع ناجح وفيه خاتم الزواج والبنت عاد تجلس ادور وتلف لين ما تحصل الصبع الي يناسبها وكل مرة تجول هذا هو الصبع الصحيح والناجح

وأسف على الإطاله
مع تحياتي لكم

هلابك اخوي تانقو او مانقو
لاتزعل امزح حبيبي
طيب اخوووووووي فرضنا وحصل مثل كلامك من راح يتزوج مثل البنات هذولا انا اكلمك عن اللي تابت عن قناعة نفسها
وندمت... طبعا هذا ماراح يظهر عليها حتى لو صارحت الشاب اللي راح تتزوجه...
طيب نجي لنقطه مهمة وهي ان الله يتوب على عبادة ويبدل سئياتهم حسنات ليش احنا البشر مانغفر ونقول للتائب اهلا بك مثل مايحصل مع مدمني المخدرات ينبذون من المجتمع وكانهم حيوانات.... مثلا
الله سبحانه يتوب عليهم واحنا لا..... مشكلتنا اننا نتمسك بالعادات والتقاليد والقبيلة اللي مالها سنع في كثير من الأمور.


تقبل تحيات اخوووووووك




:ciao:

اقتباس:

---

المشاركة الأصلية كتبت بواسطة ابوالليل

هلابك اخوي تانقو او مانقو
لاتزعل امزح حبيبي
طيب اخوووووووي فرضنا وحصل مثل كلامك من راح يتزوج مثل البنات هذولا انا اكلمك عن اللي تابت عن قناعة نفسها
وندمت... طبعا هذا ماراح يظهر عليها حتى لو صارحت الشاب اللي راح تتزوجه...
طيب نجي لنقطه مهمة وهي ان الله يتوب على عبادة ويبدل سئياتهم حسنات ليش احنا البشر مانغفر ونقول للتائب اهلا بك مثل مايحصل مع مدمني المخدرات ينبذون من المجتمع وكانهم حيوانات.... مثلا
الله سبحانه يتوب عليهم واحنا لا..... مشكلتنا اننا نتمسك بالعادات والتقاليد والقبيلة اللي مالها سنع في كثير من الأمور.


تقبل تحيات اخوووووووك





:ciao:

---

حياك الله أخوي أبو الليل وحلو ه مانقو هاذي :biggthump بحاول أغير إسمي

أكيد أخوي ماحد بيلتفت لها حتى لو تابت هذا شي بينها وبين ربها (إن الله غفور رحيم )..... وحط مكانك إنك أنت الشاب اللي بتاخذ هذي البنت
هل بترضى ؟؟؟؟؟؟؟ طبعا هذا شي يخصك أنا مأبغاك ترد على السؤال .....
وزي ما قلت كل واحد له عاداته وتقاليده وما أضن إن إحنا يالعرب المسلمين بنرضى بالشي هذا
تجي تقول مالها سنع:06: .............
ومشكور أخوي على وجه نظرك..............
أخوووووووووووك